(ພົນເອກ ວໍຫງວຽນຢ໋າບ)
ວັນທີ 25/08/2016 ເຊິ່ງແມ່ນວັນສະເຫຼີມສະຫຼອງ 105 ປີແຫ່ງວັນຄ້າຍວັນເກີດພົນເອກ ວໍຫງວຽນຢ໋າບ, ເຊິ່ງເປັນລູກສິດທີ່ດີເດັ່ນ ແລະ ໃກ້ຊິດສະໜິດສະໜົມກັບປະທານໂຮ່ຈິມິນ. ສຳລັບປະຊາຊົນຫວຽດນາມ ກໍຄືບັນດາເພື່ອນມິດສາກົນໃນໂລກ, ຍາມໃດພົນເອກ ວໍຫງວຽນຢ໋າບ ກໍໄດ້ຮັບການເຕື້ອງເຖິງດ້ວຍຄວາມເຄົາລົບພິເສດ. ປະລິຍາໂທ ເຈີນວັນຄອຍ, ສະຖານບັນການເມືອງແຫ່ງຊາດໂຮ່ຈິມິນ ຢືນຢັນວ່າ, ພົນເອກ ວໍຫງວຽນຢ໋າບ ແມ່ນນັກຍຸດທະສາດການທະຫານມີຄວາມປີຊາສາມາດ.
“ພົນເອກ ວໍຫງວຽນຢ໋າບ ຮັບໜ້າທີ່ກໍ່ສ້າງກອງທັບປະຊາຊົນ ນັບແຕ່ເວລາໄດ້ຮັບການກໍ່ສ້າງຕັ້ງ ໃຫ້ກາຍເປັນກຳລັງຫຼັກແຫຼ່ງໃນການລຸກຮື້ຂຶ້ນຄັ້ງໃຫຍ່ຂອງການປະຕິວັດເດືອນ 8 ແລະ ແມ່ນຜູ້ບັນຊາການສູງສຸດຂອງກອງທັບປະຊາຊົນຫວຽດນາມ ໃນສົງຄາມຕ້ານພວກລ່າເມືອງຂຶ້ນຝລັ່ງ ແລະ ຈັກກະພັດອາເມລິກາ. ທີ່ 2, ກ່ຽວກັບການວາງແຜນຍຸດສາດ, ຍຸດທະວິທີ ແລະ ສິລະປະການທະຫານຫວຽດນາມ ຂອງພົນເອກ ວໍຫງວຽນຢ໋າບ ແມ່ນບໍ່ອາດແຍກອອກລະຫວ່າງວັດທະນະທຳມະນຸດ, ການເມືອງປະຊາຊົນ, ຄຸນສົມບັດປະຕິວັດ ເຊິ່ງປະທານໂຮ່ຈິມິນ ໄດ້ສືບທອດໃຫ້ພົນເອກ ວໍຫງວຽນຢ໋າບ ໄດ້”.
ບໍ່ພຽງແຕ່ແມ່ນພົນເອກທີ່ມີຊື່ສຽງຂອງກອງທັບປະຊາຊົນຫວຽດນາມ ເທົ່ານັ້ນ, ພົນເອກ ວໍຫງວຽນຢ໋າບ ຍັງມີບັນດາການປະກອບສ່ວນສຳຄັນເຂົ້າໃນຂົງເຂດສຶກສາ, ສື່ມວນຊົນ, ການທູດ, ວັດທະນະທຳ, ປະຫວັດສາດອີກດ້ວຍ. ສຳລັບເພື່ອນມິດສາກົນ, ພົນເອກ ວໍຫງວຽນຢ໋າບ ຍັງເຮັດໃຫ້ທົ່ວໂລກນັບຖືຫວຽດນາມ, ເຊື່ອໝັ້ນຕໍ່ຫວຽດນາມ ອີກດ້ວຍ.
(ແຫຼ່ງຄັດຈາກ VOV)
