ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ ແລະ ທ່ານ ເລົ໊າຈິ໊ນຈ້ຽນ ເລຂາຄະນະພັກ
ນະທີ່ນີ້, ທ່ານ ເລົ໊າຈິ໊ນຈ້ຽນ ໃຫ້ຮູ້ວ່າ: ແຂວງຈຽງຊູມີຄວາມປາດຖະໜາຢາກສືບຕໍ່ຊຸກຍູ້ການຮ່ວມມື, ແບ່ງປັນບົດຮຽນ ກັບ ຫວຽດນາມ ໃນການພັດທະນາເສດຖະກິດ, ພັດທະນາເຂດອຸດສາຫະກຳ, ການພົວພັນແລກປ່ຽນປະຊາຊົນ, ວັດທະນະທຳ ແລະ ການທ່ອງທ່ຽວ. ທ່ານນາງ ຫງວຽນທິກິມເງິນ ໄດ້ເນັ້ນໜັກວ່າປັດຈຸບັນ ຈີນ ແມ່ນຄູ່ຮ່ວມມືດ້ານການຄ້າໃຫຍ່ທີ່ສຸດຂອງ ຫວຽດນາມ ແລະ ຫວຽດນາມ ແມ່ນຄູ່ຮ່ວມມືດ້ານການຄ້າໃຫຍ່ທີ່ສຸດຂອງຈີນໃນອາຊຽນ. ໃນນະໂຍບາຍການຕ່າງປະເທດຂອງຫວຽດນາມ ຈີນແມ່ນຄູ່ຮ່ວມມືສຳຄັນແຖວໜ້າດ້ວຍການພົວພັນຮ່ວມມືໃນຂົງເຂດຕ່າງໆຄື: ການເມືອງ,ການຕ່າງປະເທດ, ເສດຖະກິດ, ວິທະຍາສາດເຕັກໂນໂລຢີ, ການພົວພັນແລກປ່ຽນປະຊາຊົນ.
ໂດຍເນັ້ນໜັກເຖິງຂົງເຂດການພົວພັນແລກປ່ຽນປະຊາຊົນ, ການຮ່ວມມືລະຫວ່າງບັນດາທ້ອງຖິ່ນຂອງສອງປະເທດ, ທ່ານນາງປະທານສະພາແຫ່ງຊາດມີຄວາມຫວັງຢາກໃຫ້ບັນດາທ້ອງຖິ່ນຂອງຈີນ, ໃນນັ້ນມີແຂວງ ຈຽງຊູ ສືບຕໍ່ຜັນຂະຫຍາຍບັນດາໝາກຜົນທີ່ບັນລຸໄດ້ໃນບັນດາການຢ້ຽມຢາມຂອງການນຳຂັ້ນສູງສອງປະເທດໃຫ້ເປັນຢ່າງດີ, ຜ່ານນັ້ນ, ປະກອບສ່ວນປັບປຸງ ຄວາມສາມັກຄີມິດຕະພາບທີ່ເປັນມູນເຊື້ອ, ເຮັດໃຫ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງ ຫວຽດນາມ - ຈີນ ໃຫ້ເລິກເຊິ່ງກ່ວາອີກ.ກໍ່ກຽວຂ້ອງເຖິງເຫດການດັ່ງກ່າວບັນດາໜັງສືພິມເອເລັກໂຕນິກທາງການຂອງແຂວງຈຽງຊູ (ຈີນ) ໃນລະຫວ່າງວັນທີ 8 - 9 ກໍລະກົດໄດ້ລົງຂ່່າວ ແລະ ຮູບຖ່າຍກ່ຽວກັບການພົບປະລະຫວ່າງທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ ແລະ ທ່ານ ເລົ໊າຈິ໊ນຈ້ຽນ ເລຂາຄະນະພັກແຂວງ, ປະທານຄະນະປະຈຳສະພາຜູ້ແທນປະຊາຊົ ແຂວງຈຽງຊູ. ຕາມບັນດາບົດໜັງສືພິມແລ້ວ, ທີ່ການພົບປະທ່ານ ເລົ໊າຈິ໊ນຈ້ຽນ ໄດ້ເນັ້ນໜັ້ກວ່າພ້ອມແລ້ວທີ່ຈະພ້ອມກັບຝ່າຍ ຫວຽດນາມ ປະຕິບັດ ບັນດາຄວາມຮັບຮູ້ລວມທີ່ສຳຄັນລະຫວ່າງການນຳຂັ້ນສູງສອງປະເທດຢ່າງຈິງຈັງ, ກຳແໜ້ນກາລະໂອກາດເພື່ອພັດທະນາໂດຍການເຫັນເປັນໂລກາພິວັດນຳມາໃຫ້, ເພີ່ມທະວີການຮ່ວມມືໃນຂົງເຂດການລົງທຶນ ແລະ ອຸດສາຫະກຳສະໜັບສະໜູນ, ຕັ້ງໜ້າຊຸກຍູ້ການພົວພັນມິດຕະພາບລະຫວ່າງ ຫວຽດນາມ ແລະ ຈີນ ໃຫ້ພັດທະນາ.
ພາຍຫຼັງການຢ້ຽມຢາມຈຽງຊູ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ແລະຄະນະຜູ້ແທນຂັ້ນສູງສະພາແຫ່ງຊາດຫວຽດນາມຈະໄປຍັງ ປັກກິ່ງໃນວັນທີ 10 ກໍລະກົດ.
(ແຫຼ່ງຄັດຈາກ VOV)
