ກ່າວຄຳເຫັນທີ່ພິທີສະເຫຼີມສະຫຼອງ, ທ່ານ ຮີງແກກມ້າງ ຮອງປະທານຄະນະກຳມະການປະຊາຊົນນະຄອນ ໂຮ່ຈີມິນ ເນັ້ນໜັກວ່າ: ການນຳນະຄອນ ໂຮ່ຈີມິນ ປາດຖະໜາຢາກສືບຕໍ່ເສີມຂະຫຍາຍການພົວພັນຮ່ວມມືກັບ ສິງກະໂປ ຫລາຍກ່ວາອີກ, ພິເສດແມ່ນໃນບັນດາຂົງເຂດບຸລິມະສິດ, ຜ່ານນັ້ນ ປະກອບສ່ວນປັບປຸງ ແລະ ພັດທະນາສາຍພົວພັນຄູ່ຮ່ວມມືຍຸດທະສາດ ຫວຽດນາມ - ສິງກະໂປ ເພື່ອນ້ຳໃຈສາມັກຄີ, ມິດຕະກາບ, ຜົນປະໂຫຍດຂອງປະຊາຊົນ 2 ປະເທດ, ເພື່ອສັນຕິພາບ, ສະຖຽນລະພາບ ແລະ ການພັດທະນາໃນພາກພື້ນ ແລະ ໂລກ.

        ສ່ວນທ່ານ Leow Siu Lin ຫົວໜ້າສະຖານກົງສູນໃຫຍ່ ສິງກະໂປ ປະຈຳ ນະຄອນ ໂຮ່ຈີມິນ ຢືນຢັນວ່າ: ພິທີສະເຫຼີມສະຫຼອງ 45 ປີແຫ່ງວັນສ້າງຕັ້ງການພົວພັນທາງການທູດ ສິງກະໂປ - ຫວຽດນາມ ແມ່ນສະເຫຼີມສະຫຼອງ 45 ປີແຫ່ງນ້ຳໃຈມິດຕະພາບສະໜິດສະໜົມ, ໝັ້ນຄົງ ແລະ ຍາວນານ, ສາຍພົວພັນອັນດີງາມໄດ້ຮັບການປັບປຸງ ຈາກການຮ່ວມມືຢ່າງທົ່ວເຖິງ ແລະ ແທດຈິງໃນຫລາຍຂົງເຂດ.