ທ່ານບຸ່ຍແທັງເຊີນ ຮອງລັດຖະມົນຕີ ຜູ້ປະຈຳການກະຊວງການຕ່າງປະເທດ ຫວຽດນາມ 

      ໃນການໂອ້ລົມທາງໂທລະສັບ, ການນຳກະຊວງການຕ່າງປະເທດບັນດາປະເທດເຫຼົ່ານັ້ນ ໄດ້ອັບເດດສະພາບການໂລກລະບາດ Covid– 19 ກໍ່ຄືບັນດາມາດຕະການທີ່ພວມຜັນຂະຫຍາຍຢູ່ແຕ່ລະປະເທດ .ສ່ວນທ່ານ ບຸ່ຍແທັງເຊີນ ໄດ້ຢັ້ງຢືນຄືນໃໝ່ເຖິງຄວາມຕັດສິນໃຈຂອງຫວຽດນາມໃນການປ້ອງກັນ, ສະກັດກັ້ນ ແລະ ຄວບຄຸມໂລກລະບາດCovid– 19, ເນັ້ນໜັກເຖິງຄວາມສຳຄັນຂອງການຮ່ວມມືສາກົນໃນການປ້ອງກັນ, ສະກັດກັ້ນໂລກລະບາດ Covid– 19 ໃນທົ່ວໂລກ.ທ່ານ ບຸ່ຍແທັງເຊີນໃຫ້ຮູ້ວ່າ ຫວຽດນາມ ໄດ້້້ມີການໂອ້ລົມທາງໂທລະສັບກັບບັນດາຄູ່ຮ່ວມມືໃນທົ່ວໂລກເປັນປະຈຳເພື່ອພ້ອມກັນແບ່ງປັນບົດຮຽນ, ປະສົບການ ແລະ ສະເໜີບັນດາມາດຕະການສະກັດກັ້ນໂລກລະບາດ Covid– 19. ທ່ານບຸ່ຍແທັງເຊີນ ໄດ້ສະເໜີໃຫ້ລັດຖະບານບັນດາປະເທດສືບຕໍ່ມີບັນດາຄຳໝັ້ນສັນຍາດ້ານການເມືອງເພື່ອຮັບປະກັນວ່າບັນດາປະເທດໄດ້ສຳຜັດ ແລະ ໄດ້ຕອບສະໜອງຄວາມຕ້ອງການໃນການນຳໃຊ້ວັກຊີນ ແລະ ຢາປິ່ນປົວ Covid– 19 ຖ້າຫາກວ່າການຄົ້ນຄ້ວາປະສົບຜົນສຳເລັດ, ພ້ອມທັງສະເໜີ ໃຫ້ລັດຖະບານບັນດາປະເທດສົ່ງເສີມບັນດາວິສາຫະກິດຂອງຕົນຮັກສາການເຄື່ອນໄຫວລົງທຶນຜະລິດຢູ່ຕ່າງປະເທດ, ທ່ານກໍ່ຢັ້ງຢືນວ່າ ລັດຖະບານ ຫວຽດນາມ ໃຫ້ຄຳໝັ້ນສັນຍາຈະມານະພະຍາຍາມໜູນຊ່ວຍການເຄື່ອນໄຫວຜະລິດ, ດຳເນີນທຸລະກິດຂອງບັນດານັກລົງທຶນຕ່າງປະເທດ ຢູ່ ຫວຽດນາມ

 (ແຫຼ່ງຄັດຈາກ VOV)