ທີ່ການຕ້ອນຮັບທ່ານ Taro Cono ລັດຖະມົນຕີການຕ່າງປະເທດ ຍີ່ປຸ່ນໄດ້ດໍາເນີນໃນຕອນບ່າຍວັນທີ 12 ກັນຍາ, ທ່ານປະທານປະເທດຫວຽດນາມ ເຈິ່ນດ້າຍກວາງ ສະເໜີ ໃຫ້ ທ່ານ ລັດຖະມົນຕີການຕ່າງປະເທດ ຍີ່ປຸ່ນ Taro Cono ມານະພະຍາຍາມນໍາການພົວພັນຮ່ວມມືມິດຕະພາບ ລະຫວ່າງສອງປະເທດເຂົ້າສູ່ລວງເລິກ, ມີປະສິດທິຜົນ ຜ່ານການເພີ່ມທະວີການພົວພັນແລກປ່ຽນ, ພົບປະຂັ້ນສູງ ແລະ ພົບປະແລກປ່ຽນລະຫວ່າງບັນດາຂະແໜງການ, ທ້ອງຖິ່ນຕ່າງໆ; ຊຸກຍູ້ການຮ່ວມມືດ້ານເສດຖະກິດ, ການຄ້າ, ການລົງທຶນ, ສືບຕໍ່ສະໜອງທຶນ ODA ໃຫ້ຫວຽດນາມ; ເພີ່ມທະວີການພົວພັນແລກປ່ຽນ ລະຫວ່າງປະຊາຊົນ ແລະ ທ້ອງຖິ່ນຂອງຫວຽດນາມ ກັບ ຍີ່ປຸ່ນ; ທ່ານປະທານປະເທດ ຊົມເຊີຍເລື່ອງຍີ່ປຸ່ນໜູນຊ່ວຍຫວຽດນາມ ໃນບັນດາຂົງເຂດ ປ້ອງກັນຕ້ານອັກຄີໄພ, ກູ້ຊ່ວຍຜູ້ປະສົບເຄາະຮ້າຍ... ທ່ານປະທານປະເທດ ເຈິ່ນດ້າຍກວາງ ຕີລາຄາສູງບັນດາການເຄື່ອນໄຫວສະເຫຼີມສະຫຼອງ 45 ປິ ແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ຍີ່ປຸ່ນ ທີ່ຫາກໍໄດ້ຈັດຕັ້ງ ຄື ງານລາຕີີ ຫວຽດນາມ - ຍີ່ປຸ່ນ ແລະ ດົນຕີປະສານສຽງຂອງວົງດົນຕີ NHK; ທ່ານກໍສະເໜີໃຫ້ສອງຝ່າຍ ສືບຕໍ່ຈັດຕັ້ງບັນດາການເຄື່ອນໄຫວ ທີ່ມີຂອບຂະໜາດໃຫຍ່ ແລະ ມີຄວາມໝາຍໃນໂອກາດນີ້, ຜ່ານນັ້ນປະກອບສ່ວນເພີ່ມທະວີຄວາມເຂົ້າອົກເຂົ້າໃຈ ແລະ ໄມຕີຈິດມິດຕະພາບລະຫວ່າງປະຊາຊົນສອງປະເທດ.

        ສ່ວນ ທ່ານ Taro Cono ລັດຖະມົນຕີການຕ່າງປະເທດ ຍີ່ປຸ່ນ ຢັ້ງຢືນວ່າ ຈະມານະພະຍາຍາມຈົນສຸດຄວາມສາມາດຂອງຕົນ ເພື່ອຊຸກຍູ້ການຜັນຂະຫຍາຍບັນດາຂໍ້ຕົກລົງ ລະຫວ່າງການນໍາຂັ້ນສູງສອງປະເທດ, ປະກອບສ່ວນພັດທະນາການຮ່ວມມື ຫວຽດນາມ - ຍີ່ປຸ່ນ ຢ່າງແທດຈິງ ແລະ ມີປະສິດທິຜົນກວ່າອີກ.

(ແຫຼ່ງຄັດຈາກ VOV)