ຂ່າວສານ

ທ່ານປະທານປະເທດ ຫງວຽນຊວັນຟຸກ ພົບປະກັບຜູ້ມີສິດເລືອກຕັ້ງນະຄອນໂຮ່ຈີມິນ

02/10/2021

ຄວາມຫຍຸ້ງຍາກໃຫຍ່ຫຼວງທີ່ສຸດໄດ້ຜ່ານໄປແລ້ວ. ບັນດາກາລະໂອກາດທາງດ້ານເສດຖະກິດພວມເປີດອອກຊ່ອງທາງ, ບໍ່ພຽງແຕ່ເປັນການທົດແທນໃຫ້ຄວາມເສຍຫາຍທີ່ຜ່ານໄປແລ້ວເທົ່ານັ້ນ ຫາກຍັງແມ່ນກາລະໂອກາດເພື່ອບຸກທະລຸ.

ທ່ານປະທານປະເທດຫວຽດນາມ ຫງວຽນຊວັນຟຸກ ການພົບປະແບບທາງໄກ
(ພາບ: TTXVN)

ຕອນເຊົ້າວັນທີ 02 ຕຸລາ, ທ່ານປະທານປະເທດຫວຽດນາມ ຫງວຽນຊວັນຟຸກ ແລະ ຄະນະສະມາຊິກສະພາແຫ່ງຊາດນະຄອນໂຮ່ຈີມີນ ໄດ້ມີການພົບປະກັບຜູ້ມີສິດເລືອກຕັ້ງແບບທາງໄກ ເພື່ອຮັບຟັງ, ແກ້ຄຳເຫັນຂອງວິສາຫະກິດໃນບໍລິເວນນະຄອນ ເພື່ອແນໃສ່ຟື້ນຟູການຜະລິດ, ເຊື່ອມຕໍ່ລະບົບສະໜອງ, ນຳເອົາທ່າເຕີບໂຕຄືນມາໃຫ້ເຂດເສດຖະກິດແຖວໜ້າຂອງປະເທດຊາດໂດຍໄວ. ກ່າວຄຳເຫັນທີ່ການພົບປະ, ທ່ານປະທານປະເທດ ຫງວຽນຊວັນຟຸກ, ໃຫ້ຮູ້ວ່າ:

“ພວກຂ້າພະເຈົ້າເຊື່ອໝັ້ນວ່າ, ຄວາມຫຍຸ້ງຍາກໃນປະຈຸບັນພຽງແຕ່ເປັນການຊົ່ວຄາວເທົ່ານັ້ນ. ຄວາມຫຍຸ້ງຍາກໃຫຍ່ຫຼວງທີ່ສຸດໄດ້ຜ່ານໄປແລ້ວ. ບັນດາກາລະໂອກາດທາງດ້ານເສດຖະກິດພວມເປີດອອກຊ່ອງທາງ, ບໍ່ພຽງແຕ່ເປັນການທົດແທນໃຫ້ຄວາມເສຍຫາຍທີ່ຜ່ານໄປແລ້ວເທົ່ານັ້ນ ຫາກຍັງແມ່ນກາລະໂອກາດເພື່ອບຸກທະລຸ. ພັກ, ລັດ, ອຳນາດການປົກຄອງ, ບັນດາກະຊວງ, ຂະແໜງການສູນກາງ… ໄດ້ ແລະ ຈະສືບຕໍ່ຄວບຄຸມໂລກລະບາດຢ່າງມີປະສິດທິຜົນ, ຜ່ອນຜັນການແຍກຫ່າງສັງຄົມເທື່ອລະກ້າວ, ຊ່ວຍຟື້ນຟູເສດຖະກິດນະຄອນໂຮ່ຈີມິນ”.

(ແຫຼ່ງຄັດຈາກ VOV)

ຫວຽດນາມ ແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດ

22/10/2025
ຂ່າວສານ

“ສົນທິສັນຍາ ຮ່າໂນ້ຍ”, ເອກະສານນິຕິກຳສະບັບທຳອິດຂອງ ສປຊ ກ່ຽວກັບການຕ້ານອາດຊະຍາກຳທາງເຄືອຂ່າຍອິນເຕີເນັດ ທີ່ໄດ້ຮັບຮອງໂດຍສະມັດຊາໃຫຍ່ ສປຊ ໃນວັນທີ 24 ທັນວາ 2024 ແລະ ໄດ້ເປີດພິທີລົງນາມຢ່າງເປັນທາງການ ຢູ່ຮ່າໂນ້ຍໃນວັນທີ 25 – 26 ຕຸລາ 2025, ພາຍໃຕ້ການເປັນປະທານຮ່ວມຂອງທ່ານປະທານປະເທດ ຫວຽດນາມ ເລືອງເກື່ອງ ແລະ ທ່ານເລຂາທິການໃຫຍ່ ສປຊ Antonio Guterres. ເຫດການນີ້ບໍ່ພຽງແຕ່ເປີດໜ້າປະຫວັດສາດໃໝ່ໃນການຮ່ວມມືທົ່ວໂລກກ່ຽວກັບຄວາມໝັ້ນຄົງທາງເຄືອຂ່າຍອິນເຕີເນັດ ເທົ່ານັ້ນຫາກຍັງຢັ້ງຢືນບົດບາດ ແລະ ຄວາມຮັບຜິດຊອບຂອງຫວຽດນາມ ໃນການແບ່ງປັນຄວາມຮັບຜິດຊອບໃນການປ້ອງກັນຄວາມປອດໄພທາງອິນເຕີເນັດອີກດ້ວຍ.