ຂ່າວສານ
ທ່ານນາຍົກລັດຖະມົນຕີຫງວຽນຊວນຟຸກສິ້ນສຸດການເຂົ້າຮ່ວມກອງປະຊຸມສຸດຍອດອາຊຽນຄັ້ງທີ31ແລະບັນດາກອງປະຊຸມກ່ຽວຂ້ອງ
ທ່ານນາຍົກລັດຖະມົນຕີ ຫງວຽນຊວນຟຸກ ເຂົ້າຮ່ວມກອງປະຊຸມສຸດຍອດ ອາຊຽນ 31
ທີ່ກອງປະຊຸມດຳເນີນແຕ່ວັນທີ 12-14 ພະຈິກ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ມີການເຄື່ອນໄຫວສອງຝ່າຍ ແລະ ຫລາຍຝ່າຍເກືອບ 30 ຄັ້ງ ສ້າງຂີດໝາຍກ່ຽວກັບການເຂົ້າຮ່ວມຢ່າງຕັ້ງຫນ້າ, ມີຄວາມຮັບຜິດຊອບຂອງຫວຽດນາມ, ປະກອບສ່ວນສ້າງ ອາຊຽນ “ສັນຕິພາບ, ສະຖຽນລະພາບ ແລະ ສ້າງຄວາມເຂັ້ມແຂງດ້ວຍຕົນເອງ”, “ພາກພື້ນເປີດກວ້າງກັບພາຍນອກໃນປະຊາຄົມບັນດາປະຊາຊາດໃນທົ່ວໂລກ”. ພ້ອມກັບ Gala ພິເສດສະເຫລີມສະຫລອງ 50 ປີແຫ່ງວັນສ້າງຕັ້ງ ອາຊຽນ, ພິທີໄຂ ແລະ ອັດ, ມອບໂອນບົດບາດປະທານອາຊຽນ ໃຫ້ແກ່ ສິງກະໂປ, ກອງປະຊຸມຄັ້ງນີ້ ມີ 10 ວາລະປະຊຸມເປັນທາງການ.
ກ່າວຄຳເຫັນທີ່ບັນດາກອງປະຊຸມ, ທ່ານນາຍົກລັດຖະມົນຕີ ຫງວຽນຊວນຟຸກ ເນັ້ນຫນັກວ່າ: ໃນໄລຍະປະຈຸບັນ, ອາຊຽນ ຄວນໃຫ້ບຸລິມະສິດປະຕິບັດສາມຈຸດສຸມ. ທີຫນຶ່ງ ອາຊຽນ ຄວນສຸມໃສ່ເຂົ້າໃນຜົນປະໂຫຍດຂອງປະຊາຊົນ, ມານະພະຍາຍາມສ້າງສີສັນໃຫມ່ໃຫ້ຕົນຜ່ານການຊຸກຍູ້ບັນດາບັນຫາລວມ. ທ່ານນາຍົກລັດຖະມົນຕີ ສະເຫນີ ບັນດາເອກະສານຂອງກອງປະຊຸມສຸດຍອດຄັ້ງນີ້ ສ່ອງແສງຢ່າງຄົບຖ້ວນບັນດາຫລັກການ, ຫລັກໝັ້ນຄືໄດ້ສະແດງໃຫ້ເຫັນໃນແຈ້ງການຮ່ວມກອງປະຊຸມ AMM 50. ທ່ານນາຍົກລັດຖະມົນຕີ ພ້ອມກັບບັນດາການນຳ ຊົມເຊີຍ ອາຊຽນ ແລະ ຈີນ ໄດ້ຮັບຮອງເອົາກອບກົດແຫ່ງການປະພຶດຂອງບັນດາຝ່າຍຢູ່ ທະເລຕາເວັນອອກ (COC) ແລະ ສະເຫນີດຳເນີນການເຈລະຈາ COC ຢ່າງແທດຈິງ ໂດຍໄວ. ທ່ານນາຍົກລັດຖະມົນຕີ ປາດຖະຫນາຢາກບັນດາຄູ່ຮ່ວມມືສືບຕໍ່ປະກອບສ່ວນໃຫ້ແກ່ການຮັກສາສັນຕິພາບ, ສະຖຽນລະພາບ, ຮັບປະກັນຄວາມໝັ້ນຄົງ, ຄວາມປອດໄພ, ຄວາມເສລີໃນການເດີນທະເລ ແລະ ການບິນ ຢູ່ ທະເລຕາເວັນອອກ ບົນຈິດໃຈເຄົາລົບກົດໝາຍ.ເນື່ອງໃນໂອກາດເຂົ້າຮ່ວມກອງປະຊຸມ, ທ່ານນາຍົກລັດຖະມົນຕີ ຫງວຽນຊວນຟຸກ ເຂົ້າຮ່ວມການພົບປະລະຫວ່າງ ນາຍົກລັດຖະມົນຕີ ສາມປະເທດກຳປູເຈຍ, ລາວ, ຫວຽດນາມ; ເຈລະຈາກັບທ່ານນາຍົກລັດຖະມົນຕີ ຈີນ ຫລີເຄີຊຽງ, ນາຍົກລັດຖະມົນຕີ ລັດເຊຍ D.Mevedev, ນາຍົກລັດຖະມົນຕີ ອິນເດຍ Narendra Modi, ຕ້ອນຮັບທ່ານເລຂາທິການໃຫຍ່ ສປຊ Antonio Guterres, ປະທານສະພາ ເອີລົບ Donald Tusk.
(ແຫຼ່ງຄັດຈາກ VOV)
