ລາຍການສະແດງສິລະປະ “ຕ້ອນຮັບລະດູແລ້ງຮະລອງ - ກວາງນິງ 2020”
ລາຍການແມ່ນການເຄື່ອນໄຫວສຳຄັນເປີດສາກໃຫ້ແກ່ການກະຕຸກຊຸກຍູ້ການທ່ອງທ່ຽວ ກວາງນິງ ໃນເງື່ອນໄຂໂລກລະບາດໂຄວິດ-19 ໄດ້ຮັບການຄວບຄຸມໄດ້ໂດຍພື້ນຖານ. ລາຍການມີເນຶ້ື້ອໃນສະແດງສິລະປະທີ່ເປັນເອກະລັກສະເພາະຫຼາຍຢ່າງ, ໂດຍສະເພາະແມ່ນບັນດາບົດເພງກ່ຽວກັບປະທານໂຮ່ຈີມິນ, ກ່ຽວກັບຄວາມສວຍງາມຂອງທັດສະນີຍະພາບອ່າວ ຮະລອງ ແລະ ຄວາມຮັກແພງແຂກຄົນຂອງປະຊາຊົນຢູ່ທີ່ນີ້. ລາຍການດັ່ງກ່າວໄດ້ຈັດຂຶ້ນດ້ວຍຄວາມຫວັງຢາກສ້າງບັນຍາກາດອັນຟົດຟື້ນ, ຢັ້ງຢືນຄວາມພ້ອມໃນການຕ້ອນຮັບນັກທ່ອງທ່ຽວຂອງແຂວງ ກວ໋າງນິງ. ພາຍຫຼັງສິ້ນສຸດລາຍການນີ້, ຈະມີກວ່າ 70 ເຫດການວັດທະນະທຳ, ກິລາ ແລະ ທ່ອງທ່ຽວ ຈະໄດ້ຈັດຂຶ້ນຢູ່ທ້ອງຖິ່ນຕ່າງໆ ນັບແຕ່ນີ້ຈົນຮອດທ້າຍປີ 2020, ໃນນັ້ນມີບັນດາງານບຸນວັດທະນະທຳພື້ນເມືອງ, ເຊິ່ງເຄີຍແມ່ນທ່າແຮງສະເພາະຂອງແຂວງກວ໋າງນິງ.
(ແຫຼ່ງຄັດຈາກ VOV)
