ກ່ອນໜ້ານັ້ນ, ພາຍຫຼັງການພົບປະກັບທ່ານ ລຽວເຄືອ ຮອງນາຍົກລັດຖະມົນຕີ ຈີນ, ທ່ານປະທານາທິບໍດີ Donald Trump ໄດ້ປະກາດວ່າ ວໍຊິງຕັນ ແລະ ປັກກິ່ງບັນລຸໄດ້ຂໍ້ຕົກລົງດ້ານການຄ້າທີ່ດີພໍສົມຄວນຢູ່ ໃນໄລຍະທີ 1 ກ່ຽວກັບ ຊັບສິນທາງປັນຍາ, ການບໍລິການດ້ານການເງິນ ແລະ ການຊື້ - ຂາຍຜະລິດຕະພັນ ກະເສດດ້ວຍປະລິມານຫຼາຍ. ທ່ານ Donald Trump ໃຫ້ຮູ້ວ່າ ສອງຝ່າຍພວມກ້າວເຂົ້າໃກ້ ຂໍ້ຕົກລົງຢຸດຕິສົງຄາມການຄ້າ ແລະ ຈະຕ້ອງໃຊ້ເວລາປະມານ 5 ອາທິດຕື່ມອີກເພື່ອສາມາດບັນລຸໄດ້ຂໍ້ຕົກລົງທີ່ເປັນລາຍລັກອັກສອນ. ເຖິງຢ່າງໃດກໍ່ຕາມ, ຝ່າຍຈີນ ພຽງແຕ່ຢັ້ງຢືນວ່າ ບັນລຸໄດ້ຄວາມຄືບໜ້າເທົ່ານັ້ນ ແຕ່ບໍ່ໄດ້ເວົ້າວ່າ ບັນລຸໄດ້ຂໍ້ຕົກລົງໃດໃນກອງປະຊຸມ.
(ແຫຼ່ງຄັດຈາກ VOV)
