ວັນທີ 3 ສິງຫາ, ຢູ່ນະຄອນຫຼວງ ວຽງຈັນ, ປະເທດລາວ, ກອງປະຊຸມຄັ້ງທີ 6 ກຳມາທິການພົວພັນຕ່າງປະເທດສະພາແຫ່ງຊາດ ກຳປູເຈຍ - ລາວ - ຫວຽດນາມ ກ່ຽວກັບ “ການເພີ່ມທະວີບົດບາດຕິດຕາມກວດກາຂອງສະພາແຫ່ງຊາດ ສຳລັບຂໍ້ລິເລີ່ມຮ່ວມມືໃນເຂດສາມຫຼ່ຽມພັດທະນາ, ກຳປູເຈຍ - ລາວ- ຫວຽດນາມ (CLV)” ສິ້ນສຸດດ້ວຍເລື່ອງບັນດາຝ່າຍເຫັນດີອອກຖະແຫຼງການຮ່ວມ, 

ຄະນະປະທານທີ່ກອງປະຊຸມ 

      ໃນນັ້ນເນັ້ນໜັກວ່າ 3 ກຳມາທິການພົວພັນຕ່າງປະເທດຈະສືບຕໍ່ຮ່ວມມືຢ່າງແໜ້ນແຟ້ນເພື່ອແນໃສ່ເພີ່ມທະວີບົດບາດຂອງສະພາແຫ່ງຊາດໃນການປະຕິບັດບັນດາຂໍ້ຕົກລົງ ແລະ ຂໍ້ລິເລີ່ມພັດທະນາທີ່ລັດຖະບານ 3 ປະເທດໄດ້ລົງນາມ, ບົນພື້ນຖານການພົວພັນມິດຕະພາບ ແລະ ມູນເຊື້ອການຮ່ວມມືຍາວນານລະຫວ່າງ 3 ປະເທດ.
        ໃນ 2 ວັນດຳເນີນກອງປະຊຸມ (2 -3 ສິງຫາ), ບັນດາຜູ້ແທນໄດ້ປຶກສາຫາລືບັນດານະໂຍບາຍ ແລະ ກົດໝາຍກ່ຽວຂ້ອງເຖິງການອົບພະຍົບຢ່າງຜິດກົດໝາຍ,  ການສົມລົດທີ່ບໍ່ຖືກຕ້ອງຕາມກົດໝາຍຂອງພົນລະເມືອງໃນເຂດສາມຫຼ່ຽມພັດທະນາ, ກໍ່ຄືປຶກສາຫາລືເລື່ອງຊຸກຍູ້ສັນຕິພາບ, ຄວາມໝັ້ນຄົງ ແລະ ພັດທະນາຢູ່ພາກພື້ນ. ກອງປະຊຸມກໍ່ປຶກສາຫາລືກ່ຽວກັບການຄຸ້ມຄອງ, ນຳໃຊ້ແຫຼ່ງນ້ຳແມ່ຂອງແບບຍືນຍົງ… ກອງປະຊຸມໄດ້ຕີລາຄາສູງຂໍ້ຕົກລົງຂອງນາຍົກລັດຖະມົນຕີ 3 ປະເທດທີ່ໄດ້ມອບໃຫ້ຄະນະກຳມະການປະສານງານຮ່ວມສ້າງຕັ້ງກຸ່ມປະຕິບັດງານສະເພາະກິດເພື່ອດຳເນີນການຄົ້ນຄ້ວາຄວາມເປັນໄປໄດ້ກ່ຽວກັບການເປີດກ້ວາງການຮ່ວມມືເຂດສາມຫຼ່ຽມພັດທະນາ CLV ແລະ ກຳນົດບັນດາໂຄງການບຸລິມະສິດໃນການພັດທະນາເສດຖະກິດສັງຄົມເຂດ ສາມຫຼ່ຽມພັດທະນາ CLV.

 (ແຫຼ່ງຄັດຈາກ VOV)