ພາບ: AP 

ຕາມເວັບໄຊສະຖິຕິ Worldometers.info ແລ້ວ, ໄລ່ຮອດຕອນເຊົ້າວັນທີ 5 ພຶດສະພາ (ຕາມເວລາ ຫວຽດນາມ) ຍອດຈຳນວນຜູ້ຕິດເຊື້ອພະຍາດ SARS – CoV – 2 ໃນທົ່ວໂລກເພີ່ມຂຶ້ນກ່ວາ 3,6 ລ້ານຄົນ ແລ້ວ ແລະ ມີຜູ້ເສຍຊີວິດເກືອບ 252.000 ຄົນ.

        ປະເທດອາເມລິກາສືບຕໍ່ແມ່ນປະເທດມີຈຳນວນຜູ້ຕິດເຊື້ອໃໝ່ຕື່ມອີກຢູ່ລະດັບສະຖິຕິດ້ວຍຈຳນວນກ່ວາ 22.200 ຄົນ, ອັນໄດ້ຍົກຍອດຈຳນວນຜູ້ຕິດເຊື້ອຢູ່ປະເທດນີ້ເພີ່ມຂຶ້ນກ່ວາ 1,2 ລ້ານຄົນ ແລະ ມີຜູ້ເສຍຊີວິດເກືອບ 69.500 ຄົນ. ສິ່ງທີ່ໜ້າສົນໃຈແມ່ນ, ລັດເຊຍຢັ້ງຢືນວ່າມີຜູ້ຕິດເຊື້ອໃໝ່ຕື່ມອີກກ່ວາ 10.500 ຄົນໃນ 2 ມື້ລຽນຕິດ, ຍົກຍອດຈຳນວນຜູ້ຕິດເຊື້ອເພີ່ມຂຶ້ນກ່ວາ 145.200 ຄົນ.

        ຢູ່ອາຊີຕາເວັນອອກສ່ຽງໃຕ້, ກະຊວງສາທາລະນະສຸກ ມາເລເຊຍໃຫ້ຮູ້ວ່າ ປະເທດນີ້ມີຜູ້ຕິດເຊື້ອໃໝ່ຕື່ມອີກ 55 ຄົນ, ຍົກຍອດຈຳນວນຜູ້ຕິດເຊື້ອຢູ່ປະເທດນີ້ຂຶ້ນເຖິງ 6.353 ຄົນ, ໃນນັ້ນມີຜູ້ເສຍຊີວິດແມ່ນ 105 ຄົນ. ໃນຂະນະນັ້ນ, ຫວຽດນາມສືບຕໍ່ບໍ່ກວດພົບຜູ້ຕິດເຊື້ອພະຍາດໃໝ່ໃນຊຸມຊົນ ໃນ 19 ມື້ລຽນຕິດ.

        ແລະກໍ່ໃນວັນທີ 4 ພຶດສະພາ, ທ່ານ Antonio Guterres ເລຂາທິການໃຫຍ່ ສປຊ ໄດ້ສະແດງຄວາມຊົມເຊີຍຕໍ່ບັນດານັກອຸປະຖຳໃຫ້ຄຳໝັ້ນສັນຍາປະກອບສ່ວນ, ມຸ່ງໄປສູ່ເປົ້າໝາຍເບື້ອງຕົ້ນແມ່ນ 7,5 ຕື້ ເອີໂຣ (ປະມານ 8,2 ຕື້ USD), ເພື່ອຊຸກຍູ້ຄວາມມານະພະຍາຍາມໃນການຄົ້ນຄ້ວາ, ຜະລິດ ແລະ ແຈກຢາຍຢາວັກຊິນເພື່ອແນໃສ່ສິ້ນສຸດໄພນາບຂູ່ຂອງໂລກລະບາດ Covid – 19 ລົງ.

(ແຫຼ່ງຄັດຈາກ VOV)