ຂ່າວສານ

ໄຂ “ສັບປະດາເຄື່ອງໝາຍແຫ່ງຊາດ 2021”

20/04/2021

“ສັບປະດາເຄື່ອງໝາຍແຫ່ງຊາດ 2021” ໄດ້ໄຂຂຶ້ນໃນວັນທ 19 ເມສາ, ຢູ່ນະຄອນໂຮ່ຈີມິນ. ເຫດການເພື່ອແນໃສ່ເພີ່ມທະວີການຮັບຮູ້ເຄື່ອງໝາຍແຫ່ງຊາດ ແລະ ໂຄສະນາຜະລິດຕະພັນທີ່ບັນລຸ ເຄື່ອງໝາຍແຫ່ງຊາດ ເຊິ່ງໄດ້ຮັບການຮັບຮອງເອົາຈາກ ລັດຖະບານ ໄປຍັງວົງຄະນາຍາດສັງຄົມ ທັງຢູ່ພາຍໃນ ແລະ ຕ່າງປະເທດ.

ບັນດາຜູ້ແທນກົດປຸ້ນໄຂ “ສັບປະດາເຄື່ອງໝາຍ ແຫ່ງຊາດ 2021” (ພາບ: TTXVN)

ໃນຂອບເຂດ “ສັບປະດາເຄື່ອງໝາຍ ແຫ່ງຊາດ 2021” ຊຶ່ງໄດ້ຈັດຂຶ້ນໃນລະຫວ່າງວັນທີ 19 – 25 ເມສາ, ມີບັນດາການເຄື່ອນໄຫວສື່ສານມວນຊົນ, ໂຄສະນາກາງເວັນ, ແຂວນຄຳຂວັນ…ບົນຖະໜົນຫົນທາງ ຢູ່ບັນດາແຂວງ, ນະຄອນເກືອບທັງໝົດ ໃນທົ່ວປະເທດ. ໄປຄຽງຄູ່ກັນນັ້ນ, ມີຫຼາຍເວທີປາໄສ, ກອງປະຊຸມສຳມະນາຄື “ເວທີປາໄສເຄື່ອງໝາຍການຄ້າແຫ່ງຊາດຫວຽດນາມ 2021”ຢູ່ນະຄອນໂຮ່ຈີມິນ, “ກອງປະຊຸມສຳມະນາຍາດແຍ່ງໄມ້ງັດເຄື່ອງໝາຍແຫ່ງຊາດ ຫວຽດນາມ - ຍົກສູງລະດັບເຄື່ອງໝາຍຜະລິດຕະພັນ ຫວຽດນາມ” ຢູ່ຮ່າໂນ້ຍ…

ຜ່ານບັນດາລາຍການກະທຳຢ່າງລະອຽດ, “ສັບປະດາເຄື່ອງໝາຍ ແຫ່ງຊາດ 2021” ຫວັງວ່າຈະປະກອບສ່ວນເຂົ້າການສ້າງພາບພົດຂອງ ຫວຽດນາມ ແມ່ນປະເທດທີ່ມີອິດທິພົນຊື່ສຽງ ກ່ຽວກັບສິນຄ້າ ແລະ ການບໍລິການດ້ວຍຄຸນນະພາບສູງ, ຊຸກຍູ້ການພັດທະນາການຄ້າຕ່າງປະເທດ ແລະ ຍົກສູງກຳລັງຄວາມແກ້ງແຍ່ງແຫ່ງຊາດ.

(ແຫຼ່ງຄັດຈາກ VOV)

ເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອແບບພິເສດ ລະຫວ່າງ ຫວຽດນາມ - ກຸຍບາຢ່າງບໍ່ຢຸດຢັ້ງ

28/09/2023
ຂ່າວສານ

ທ່ານປະທານສະພາແຫ່ງຊາດ ກຸຍບາ Esteban Lazo Hermandez ໄດ້ມາຢ້ຽມຢາມ ຫວຽດນາມ ໃນລະຫວ່າງວັນທີ 24 - 28 ກັນຍາ ແລະ ເຂົ້າຮ່ວມພິທີສະເຫຼີມສະຫຼອງ 50 ປີແຫ່ງວັນທ່ານປະທານ Fidel Castro ມາຢ້ຽມຢາມເຂດປົດປ່ອຍ ພາກໃຕ້ ຫວຽດນາມ (9/1973-9/2023). ນີ້ແມ່ນໂອກາດເພື່ອໃຫ້ປະຊາຊົນສອງປະເທດ, ພິເສດແມ່ນໄວໜຸ່ມ, ເພີ່ມທະວີຄວາມຮູ້ຄວາມເຂົ້າໃຈກ່ຽວກັບປະຫວັດສາດ ແລະ ຄວາມໝາຍຂອງການພົວພັນແບບພິເສດ ລະຫວ່າງ ຫວຽດນາມ - ກຸຍບາ ໂດຍທ່ານປະທານ ໂຮ່ຈີມິນ ແລະ ທ່ານປະທານ Fidel Castro ໄດ້ເພີ່ມພູນຄູນສ້າງຂຶ້ນ. ພ້ອມທັງ, ສະແດງໃຫ້ເຫັນຄວາມຕັດສິນໃຈຂອງສອງຝ່າຍໃນການສືບທອດ ແລະ ເສີມຂະຫຍາຍກຳລັງແຮງມູນເຊື້ອອັນດີງາມ, ປະກອບສ່ວນເຂົ້າໃນການຮັດແໜ້ນການພົວພັນສາມັກຄີລະຫວ່າງ ຫວຽດນາມ - ກຸຍບາ.