ຂ່າວສານ

ໄຂງານແຂ່ງຂັນກິລາ Asian Para Games 2023

24/10/2023

ພາບປະກອບ

ຕອນຄ່ຳວັນທີ 22 ຕຸລາ, ຢູ່ສະໜາມກິລາ ສູນກິລາ Olympic ຢູ່ນະຄອນ ຫາງໂຈ, ແຂວງ ເຈີຈຽງ, ທ່ານ ດິງເຕ໊ຍຊ໋າງ, ຮອງນາຍົກລັດຖະມົນຕີ ຈີນ ໄດ້ປະກາດໄຂງານມະຫາກຳກິລາຄົນພິການ ອາຊີ ຄັ້ງທີ 4 (Asian Para Games 2023) ຢ່າງເປັນທາງການ.

ດ້ວຍຫົວຂໍ້ວ່າ “ເຕົ້າໂຮມຫົວໃຈ, ຄວາມໄຝ່ຝັນແສງສະຫວ່າງ” (Hearts Meet, Dreams Shine), ພິທີໄຂງານມະຫາກຳ Asian Para Games 2023 ແກ່ຍາວໃນຕະຫຼອດ 90 ນາທີ ດ້ວຍບັນດາຮູບພາບທີ່ສວຍງາມທີ່ພັນລະນາເຖິງບັນດາປະເພດກິລາໃນງານມະຫາກຳຄັ້ງນີ້. ກໍ່ຄືກັນກັບງານມະຫາກຳກິລາ ອາຊີຄັ້ງທີ 19 (ASIAD 2023) ເຊິ່ງໄດ້ຈັດຂຶ້ນຢູ່ຫາງໂຈ, ພິທີໄຂ Asian Para Games 2023 ສືບຕໍ່ສະແດງຄວາມເຊື່ອໝັ້ນຂອງ ຈີນ ຕໍ່ເຕັກໂນໂລຊີດີຈີຕອນ, ສະແດງນ້ຳໃຈ “ປະເອີບໃຈ, ປອງດອງ, ຄວາມຢຶດໝັ້ນ ແລະ ການແບ່ງປັນ”.

ນັກກິລາເກືອບ 3.100 ຄົນທີ່ມາຈາກ 44 ປະເທດ ແລະ ເຂດແຄ້ວນ ໄດ້ເຂົ້າຮ່ວມການແຂ່ງຂັນ ຢູ່ Asian Para Games 2023 ເຊິ່ງໄດ້ຈັດຂຶ້ນໃນວັນທີ 22 – 28 ຕຸລາ.

(ແຫຼ່ງຄັດຈາກ VOV)

ການຮ່ວມມືຢ່າງແໜ້ນແຟ້ນລະຫວ່າງສະຖາບັນຍຸຕິທຳ ຫວຽດນາມ ແລະ ສະຖາບັນຍຸຕິທຳແຫ່ງຊາດ ລາວ

29/12/2025
ຂ່າວສານ

ບົນພື້ນຖານການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງສອງປະເທດ ຫວຽດນາມ - ລາວ, ກວ່າ 2 ທົດສະວັດຜ່ານມາ, ສະຖາບັນຍຸຕິທຳ ຫວຽດນາມ ແລະ ສະຖາບັນຍຸຕິທຳລາວ ໄດ້ພ້ອມກັນຂຽນຕໍ່ເລື່ອງລາວທີ່ດີງາມກ່ຽວກັບການແບ່ງປັນພູມປັນຍາ, ການໜູນຊ່ວຍເຊິ່ງກັນແລະກັນ ໃນພາລະກິດ ກໍ່ສ້າງຖັນແຖວພະນັກງານກົດໝາຍໃຫ້ໝັ້ນຄົງເຂັ້ມແຂງ. ຈາກບັນດາການຢ້ຽມຢາມຄັ້ງທຳອິດ, ບັນດາຊຸດຮຽນທີ່ງ່າຍດາຍໃນຕົ້ນຊຸມປີ 2000, ຕະຫຼອດຮອດບັນດາໂຄງການຮ່ວມມືຂະໜາດໃຫຍ່, ການພົວພັນນັ້ນໄດ້ຮັບການເພີ່ມພູນຄູນສ້າງຢ່າງບໍ່ຢຸດຢັ້ງດ້ວຍນ້ຳໃຈສະຫາຍ, ອ້າຍນ້ອງທີ່ສະໜິດຕິດພັນ.