(ພາບປະກອບ)
ທ່ານນາຍົກລັດຖະມົນຕີ ຫວຽດນາມ ຫາກໍ່ອະນຸມັດຜ່ານແຜນການປະຕິບັດສົນທິສັນຍາ ລາໄຮ ປີ 1965 ກ່ຽວກັບເອກະສານດ້ານຍຸດຕິທຳ ແລະ ນອກຍຸດຕິທຳໃນຂົງເຂດພົນລະເຮືອນ ຫຼື ດ້ານການຄ້າຂອງ ຫວຽດນາມ ທີ່ສົ່ງໄປຕ່າງປະເທດ. ເປົ້າໝາຍຂອງແຜນການ ແມ່ນເພື່ອແນໃສ່ຂຸດຄົ້ນບັນດາຜົນປະໂຫຍດຢ່າງສຸດຂີດ, ພ້ອມທັງປະຕິບັດຄວາມຮັບຜິດຊອບເປັນສະມາຊິກສົນທິສັນຍາຂອງ ຫວຽດນາມ ຢ່າງຄົບຖ້ວນ; ຍົກສູງກຳລັງຄວາມສາມາດ ແລະ ປະສິດທິຜົນວຽກງານການມອບສິດໃນການສົ່ງເອກະສານດ້ານຍຸດຕິທຳຂອງ ຫວຽດນາມ; ສ້າງເງື່ອນໄຂສະດວກໃຫ້ການສ້າງກົດໝາຍພາຍໃນປະເທດກ່ຽວກັບການໜູນຊ່ວຍຍຸດຕິທຳໃນຂົງເຂດພົນລະເຮືອນໃຫ້ສົມບູນແບບຕາມມາດຕະຖານສາກົນ. ເພື່ອບັນລຸໄດ້ຈຸດໝາຍດັ່ງກ່າວ, ແຜນການໄດ້ຍົກອອກບັນດາມາດຕະການຄື: ໂຄສະນາເຜີຍແຜ່, ຝຶກອົບຮົມ, ຍົກສູງຄວາມຮັບຮູ້ກ່ຽວກັບສົນທິສັນຍາ; ບູລະນະການຈັດຕັ້ງ ແລະ ຍົກສູງກຳລັງຄວາມສາມາດໃຫ້ແກ່ຖັນແຖວພະນັກງານປະຕິບັດສົນທິສັນຍາ; ຄົ້ນຄວ້າ, ສະເໜີໃຫ້ສ້າງລະບອບລະບຽບການດ້ານກົດໝາຍກ່ຽວກັບການສົ່ງເອກະສານໃຫ້ສົມບູນແບບ; ຈັດແບ່ງແຫຼ່ງການເງິນໃຫ້ເໝາະສົມ ເພື່ອຮັບປະກັນການປະຕິບັດບັນດາສິດ ແລະ ພັນທະເປັນສະມາຊິກສົນທິສັນຍາຂອງ ຫວຽດນາມ ຢ່າງຄົບຖ້ວນ.
(ແຫຼ່ງຄັດຈາກ VOV)
