ຂ່າວສານ

ແນວໂຮມປະເທດຊາດ ຫວຽດນາມ ສົ່ງຈົດໝາຍໃຫ້ພໍ່ແມ່ປະຊາຊົນຜູ້ທີ່ຖືສາສະໜາຕ່າງໆ ຈົ່ງຮ່ວມແຮງຮ່ວມໃຈໜູນຊ່ວຍການປ້ອງກັນ, ຕ້ານໂລກລບະຍາດໂຄວິດ - 19

04/12/2021

ໃນຈົດໝາຍໄດ້ເນັ້ນໜັກວ່າ, ພາຍຫຼັງເກີດໂລກລະບາດໂຄວິດ - 19 ມາໄດ້ 2 ປີ, ຜູ້ມີຍົດຖາບັນດາສັກ, ນັກບວດ, ພໍ່ແມ່ປະຊາຊົນຜູ້ທີ່ຖືສາສະໜາຕ່າງໆ ໂດຍບໍ່ຫົວຊາຕໍ່ອັນຕະລາຍ, ໄດ້ພ້ອມກັບພະນັກງານ, ນັກຮົບເຂົ້າຮ່ວມແນວໜ້າປ້ອງກັນ, ຕ້ານໂລກລະບາດໂຄວິດ - 19.

ທ່ານ ໂດວັນຈຽນ ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ. (ພາບ: TTXVN)

ວັນທີ 3 ທັນວາ, ທ່ານ ໂດວັນຈຽນ ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ສົ່ງຈົດໝາຍຂອບໃຈ ອົງການຈັດຕັ້ງ, ຜູ້ມີຍົດຖາບັນດາສັກ, ນັກບວດ ແລະ ພໍ່ແມ່ປະຊາຊົນຜູ້ທີ່ຖືສາສະໜາຕ່າງໆ ທັງຢູ່ພາຍໃນ ແລະ ຕ່າງປະເທດ ທີ່ໄດ້ມີການປະກອບສ່ວນຢ່າງໃຫຍ່ຫຼວງໃນການປ້ອງກັນ, ຕ້ານພະຍາດໂຄວິດ - 19. ໃນຈົດໝາຍໄດ້ເນັ້ນໜັກວ່າ, ພາຍຫຼັງເກີດໂລກລະບາດໂຄວິດ - 19 ມາໄດ້ 2 ປີ, ຜູ້ມີຍົດຖາບັນດາສັກ, ນັກບວດ, ພໍ່ແມ່ປະຊາຊົນຜູ້ທີ່ຖືສາສະໜາຕ່າງໆ ໂດຍບໍ່ຫົວຊາຕໍ່ອັນຕະລາຍ, ໄດ້ພ້ອມກັບພະນັກງານ, ນັກຮົບເຂົ້າຮ່ວມແນວໜ້າປ້ອງກັນ, ຕ້ານໂລກລະບາດໂຄວິດ - 19. ພໍ່ແມ່ປະຊາຊົນຜູ້ທີ່ຖືສາສະໜາຕ່າງໆ ທັງຢູ່ພາຍໃນ ແລະ ຕ່າງປະເທດ ກໍ່ໄດ້ປະກອບສ່ວນຢ່າງໃຫຍ່ຫຼວງ ນັບທັງດ້ານວັດຖຸ ແລະ ຊັບພະຍາກອນມະນຸດເພື່ອຮ່ວມແຮງຮ່ວມໃຈກັບ ວົງຄະນະຍາດຜ່ານຜ່າໂລກລະບາດໂຄວິດ - 19. ນີ້ແມ່ນພະຍານຫຼັກຖານລະອຽດ, ມີຊີວິດຊີວາ ກ່ຽວກັບມູນເຊື້ອຮັກຊາດ, ສະໜິດຕິດພັນ, ຮ່ວມເດີນທາງພ້ອມກັບຊົນຊາດ, “ຢູ່ໃນສິນກິນໃນທຳ” ຂອງສາສະໜາຕ່າງໆໃນທຸກພາກຂອງປະເທດຊາດ. ທ່ານປະທານ ໂດວັນຈຽນ ຊີ້ແຈ້ງວ່າ ໂລກລະບາດໂຄວິດ - 19 ຍັງມີການຜັນແປຢ່າງສັບສົນ, ອັນຕະລາຍ ແລະ ຫວັງວ່າ ໃນໄລຍະຈະມາເຖິງ, ອົງການຈັດຕັ້ງ, ຜູ້ມີຍົດຖາບັນດາສັກ, ນັກບວດ ແລະ ພໍ່ແມ່ປະຊາຊົນທີ່ຖືສາສະໜາຕ່າງໆທີ່ຢູ່ພາຍໃນ ແລະ ຕ່າງປະເທດຈະສືບຕໍ່ສາມັກຄີຢ່າງແໜ້ນແຟ້ນກ່ວາອີກ, ເສີມຂະຫຍາຍແຫຼ່ງກຳລັງຂອງຕົນເຂົ້າຮ່ວມການປ້ອງກັນ, ຕ້ານໂລກລະບາດໂຄວິດ - 19.

(ແຫຼ່ງຄັດຈາກ VOV)