ເສນາທິການໃຫຍ່ກອງທັບປະຊາຊົນຫວຽດນາມ ພົບປະສອງຝ່າຍກັບການນຳກອງທັບລາວ
(ພາບ: qdnd.vn)
ທີ່ການພົບປະກັບ ທ່ານ ພົນຕີ ຄຳລຽງ ອໍທະໄກສອນ, ເສນາທິການກອງໃຫ່ຍທັບປະຊາຊົນລາວ, ສອງຝ່າຍໄດ້ສະແດງຄວາມເຄົາລົບ ແລະ ຕີລາຄາສູງຕໍ່ສາຍພົວພັນທີ່ເປັນມູນເຊື້ອ, ຄວາມສາມັກຄີສະໜິດສະໜົມ, ການສະໜັບສະໜູນເຊິ່ງກັນ ແລະ ກັນໃນການຕໍ່ສູ້ເພື່ອເອກະລາດແຫ່ງຊາດ ແລະ ກິດຈະການສ້າງສາປະເທດຊາດໃນປະຈຸບັນຂອງແຕ່ລະປະເທດ. ກ່ຽວກັບການພົວພັນດ້ານປ້ອງກັນປະເທດ, ຫົວໜ້າຄະນະຜູ້ແທນສອງປະເທດເຫັນດີຈະສົມທົບຊີ້ນຳຜັນຂະຫຍາຍ ຂໍ້ຕົກລົງຮ່ວມມືທີ່ມີຢູ່ແລ້ວຢ່າງມີປະສິດທິຜົນ
ທີ່ການພົບປະກັບທ່ານພົນເອກ Mung Mung Aye, ເສນາທິການໃຫຍ່ບັນດາກຳລັງປະກອບອາວຸດມຽນມາ ສອງຝ່າຍຢາກຊຸກຍູ້ການພົວພັນຮ່ວມມືກັບກອງທັບປະຊາຊົນຫວຽດນາມ; ຢືນຢັນວ່າຈະສ້າງເງື່ອນໄຂສະດວກໃຫ້ພົນລະເມືອງ, ກໍຄືບັນດາວິສາຫະກິດຂອງ ຫວຽດນາມ ໄດ້ທຳມາຫາກິນຢ່າງສະດວກຢູ່ ມຽນມາ.
ກ່ຽວກັບການຮ່ວມມືຫຼາຍຝ່າຍໃນຂອບເຂດອາຊຽນ, ການນຳກອງທັບລາວ ແລະ ມຽນມາ ລ້ວນແຕ່ຢືນຢັນຈະສະໜັບສະໜູນ, ສົ່ງຄະນະ ແລະ ກຳລັງທີ່ເໝາະສົມໄປເຂົ້າຮ່ວມການເຄື່ອນໄຫວໂດຍກອງທັບປະຊາຊົນຫວຽດນາມ ເປັນເຈົ້າພາບ ໃນປີ 2022.
