• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ເລຂາທົ່ວປະເທດພັກກອມມູນິດຝລັ່ງ: ປາດຖະໜາຢາກໃຫ້ການພົວພັນຝລັ່ງ-ຫວຽດນາມ ເຕີບໃຫຍ່ເຂັ້ມແຂງ

ທ່ານນາຍົກລັດຖະມົນຕີ ຟ້າມມິນຈິງ ຈະເຮັດວຽກກັບທ່ານ Fabien Roussel, ເລຂາທົ່ວປະເທດຂອງພັກກອມມູນິດ ຝລັ່ງ.

ໃນລະຫວ່າງວັນທີ 03 – 05 ພະຈິກ, ທ່ານນາຍົກລັດຖະມົນຕີ ຫວຽດນາມ ຟ້າມມິນຈິງ ໄດ້ໄປຢ້ຽມຢາມປະເທດ ສ.ຝລັ່ງ ຢ່າງເປັນທາງການ. ຕາມລາຍການ, ທ່ານນາຍົກລັດຖະມົນຕີ ຟ້າມມິນຈິງ ຈະເຮັດວຽກກັບທ່ານ Fabien Roussel, ເລຂາທົ່ວປະເທດຂອງພັກກອມມູນິດ ຝລັ່ງ.

        ເມື່ອແລກປ່ຽນກັບນັກຂ່າວ VOV, ກ່ອນການຢ້ຽມຢາມ, ທ່ານ Fabien Roussel ເນັ້ນໜັກວ່າ:

        “ພວກຂ້າພະເຈົ້າປາດຖະໜາຢາກຊຸກຍູ້ ແລະ ເຮັດໃຫ້ການພົວພັນຄູ່ຮ່ວມມືຍຸດທະສາດລະຫວ່າງຝລັ່ງ - ຫວຽດນາມ ຂຶ້ນສູ່ລະດັບສູງສຸດເທົ່າທີ່ສາມາດຈະເຮັດໄດ້, ບົນພື້ນຖານການຮ່ວມສຳພັນ ກໍຄືຄວາມສະໜິດຕິດພັນທາງດ້ານປະຫວັດສາດລະຫວ່າງ 2 ປະເທດ. ຝລັ່ງ ມີການພົວພັນແບບພິເສດໃຫ້ບຸລິມະສິດສຳລັບ ຫວຽດນາມ. ຍ້ອນການພົວພັນພິເສດດັ່ງກ່າວ, ພວກຂ້າພະເຈົ້າຈະເຮັດທຸກສິ່ງທຸກຢ່າງຕາມຄວາມສາມາດ ເພື່ອໜູນຊ່ວຍປະຊາຊົນ ຫວຽດນາມ ໄດ້ສຳຜັດກັບວັກຊິນຢ່າງຄົບຖ້ວນ”.

        ທ່ານ Fabien Roussel ເນັ້ນໜັກວ່າ, ພັກກອມມູນິດ ຝລັ່ງ ສະໜັບສະໜູນບັນດາຄວາມມານະພະຍາຍາມຂອງລັດຖະບານ ຫວຽດນາມ ໃນການປ້ອງກັນ, ຕ້ານໂລກລະບາດໂຄວິດ-19.

(ໜັງສືພິມ ຝລັ່ງ ຫຼາຍສະບັບກໍ່ລົງບົດຂຽນກ່ຽວກັບການຢ້ຽມຢາມ ຝລັ່ງ ຢ່າງເປັນທາງການຂອງທ່ານນາຍົກລັດຖະມົນຕີ ຟ້າມມິນຈິງ)

 ໃນເຫດການທີ່ກ່ຽວຂ້ອງ, ໜັງສືພິມ ຝລັ່ງ ຫຼາຍສະບັບກໍ່ລົງບົດຂຽນກ່ຽວກັບການຢ້ຽມຢາມ ຝລັ່ງ ຢ່າງເປັນທາງການຂອງທ່ານນາຍົກລັດຖະມົນຕີ ຟ້າມມິນຈິງ.

ໃນນັ້ນໜັງສືພິມ “Humanite” ຂອງພັກກອມມູນິດ ຝລັ່ງ ໃຫ້ຂໍ້ສັງເກດວ່າ, ຫວຽດນາມ ອາດຈະໄດ້ຮັບການສະໜັບສະໜູນຈາກ ຝລັ່ງ ເພື່ອກາຍເປັນເສົາຄ້ຳເປັນກາງໃນການພົວພັນລະຫວ່າງ ອາຊີ ແລະ ເອີລົບ ໃນສະພາບການແກ່ງແຍ້ງດ້ານພູມສາດການເມືອງນັບມື້ນັບສັບສົນຢູ່ພາກພື້ນ ອິນເດຍ - ປາຊີຟິກ.

        ສ່ວນໜັງສືພິມລາຍວັນກ່ຽວກັບເສດຖະກິດ “La Tribune” ຖືວ່າ ການຢ້ຽມຢາມ ຝລັ່ງ ຂອງທ່ານນາຍົກລັດຖະມົນຕີ ຟ້າມມິນຈິງ ຈະເປັນການເປີດບັນດາກາລະໂອກາດໃຫຍ່ດ້ານການຄ້າ, ມີສັນຍາສຳຄັນຫຼາຍສະບັບອາດຈະໄດ້ລົງນາມຢູ່ ປາຣີ ໃນຫຼາຍຂົງເຂດ.

(ແຫຼ່ງຄັດຈາກ VOV)

ທ່ານ​ປະ​ທາ​ນາ​ທິ​ບໍ​ດີ ລັດ​ເຊຍ Vladimir Putin ເຊັນລັດ​ຖະ​ບັນ​ຍັດ ກ່ຽວ​ກັບ​ການ ຢືດ​ຊັບ​ສິນ ຂອງ ອາ​ເມ​ລິ​ກາ

ທ່ານ​ປະ​ທາ​ນາ​ທິ​ບໍ​ດີ ລັດ​ເຊຍ Vladimir Putin ເຊັນລັດ​ຖະ​ບັນ​ຍັດ ກ່ຽວ​ກັບ​ການ ຢືດ​ຊັບ​ສິນ ຂອງ ອາ​ເມ​ລິ​ກາ

ອາເມລິກາ ແລະ ບັນດາຄູ່ຮ່ວມມືໄດ້ອາຍັດຊັບສິນທີ່ມີມູນຄ່າ 300 ຕື້ USD ຂອງ ທະນາຄານສູນກາງ ລັດເຊຍ ຄືສ່ວນໜຶ່ງຂອງຄຳສັ່ງລົງໂທດ ເມື່ອ ລັດເຊຍ ເປີດບັ້ນຮົບການທະຫານພິເສດ ຢູ່ ຢູແກຼນ.

Top