ເລຂາທິການໃຫຍ່ຫງວຽນຟູຈ້ອງຕ້ອນຮັບນາຍົກລັດ
ຖະມົນຕີລາຊະອານາຈັກກຳປູເຈຍ Samdech HunSen
ຕອນບ່າຍວັນທີ 20/12, ຢູ່ສຳນັກງານສູນກາງພັກ, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຟູຈ້ອງ ໄດ້ໃຫ້ການຕ້ອນຮັບຄະນະຜູ້ແທນຂັ້ນສູງລັດຖະບານລາຊະອານາຈັກ ກຳປູເຈຍ ໂດຍທ່ານ Samdech Hun Sen ນາຍົກລັດຖະມົນຕີແຫ່ງລາຊະອານາຈັກ ກຳປູເຈຍ ນຳໜ້າມາຢ້ຽມຢາມ ຫວຽດນາມ ຢ່າງເປັນທາງການ. ທ່ານເລຂາທິການໃຫຍ່ ຫງວຽນຟູຈ້ອງ ສະແດງຄວາມພາກພູມໃຈຕໍ່ການພັດທະນາອັນດີງາມຂອງການພົວພັນຖານບ້ານໃກ້ເຮືອນຄຽງ, ມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ, ໝັ້ນຄົງຍາວນານລະຫວ່າງ ຫວຽດນາມ ແລະ ກຳປູເຈຍ ເຊິ່ງໄດ້ນຳມາຜົນປະໂຫຍດຢ່າງແທດຈິງໃຫ້ປະຊາຊົນ 2 ປະເທດ; ສະແດງຄວາມຮູ້ບຸນຄຸນຢ່າງເລິກເຊິ່ງກ່ຽວກັບການສະໜັບສະໜູນ, ການຊ່ວຍເຫຼືອອັນລ້ຳຄ່າ ເຊິ່ງພັກປະຊາຊົນ ກຳປູເຈຍ, ລັດຖະບານແຫ່ງລາຊະອານາຈັກ ແລະ ປະຊາຊົນ ກຳປູເຈຍ ໄດ້ສະຫງວນໃຫ້ ຫວຽດນາມ ໃນພາລະກິດຕໍ່ສູ້ປົດປ່ອຍຊາດ, ເຕົ້າໂຮມປະເທດຊາດເປັນເອກະພາບໃນເມື່ອກ່ອນ ກໍ່ຄືໃນພາລະກິດປ່ຽນໃໝ່, ສ້າງສາ ແລະ ປົກປັກຮັກສາປະເທດຊາດໃນປະຈຸບັນ. ທ່ານເລຂາທິການໃຫຍ່ສະເໜີທ່ານນາຍົກລັດຖະມົນຕີ Hun Sen ສືບຕໍ່ເອົາໃຈໃສ່ແກ້ໄຂບັນດາຄວາມຫຍຸ້ງຍາກຂອງວິສາຫະກິດ ແລະ ພໍ່ແມ່ປະຊາຊົນ ກຳປູເຈຍ ເຊື້ອສາຍ ຫວຽດນາມ ສ້າງເງື່ອນໄຂສະດວກເພື່ອໃຫ້ວິສາຫະກິດ ຫວຽດນາມ ແລະ ພໍ່ແມ່ປະຊາຊົນ ກຳປູເຈຍ ເຊື້ອສາຍ ຫວຽດນາມ ດຳລົງຊີວິດການເປັນຢູ່ເປັນປົກກະຕິ, ປະກອບສ່ວນສ້າງສາປະເທດ ກຳປູເຈຍ ໃຫ້ຈະເລີນຮຸ່ງເຮືອງ ແລະ ເພີ່ມທະວີການພົວພັນຖານບ້ານໃກ້ເຮືອນຄຽງມິດຕະພາບທີ່ເປັນມູນເຊື້ອລະຫວ່າງ 2 ປະເທດ.ຖະມົນຕີລາຊະອານາຈັກກຳປູເຈຍ Samdech HunSen
ສ່ວນທ່ານ Hun Sen ກໍ່ສະແດງຄວາມປິຕິຊົມຊື່ນໄດ້ມາຢ້ຽມຢາມ ຫວຽດນາມ ແລະ ຕີລາຄາສູງໝາກຜົນແຫ່ງການຮ່ວມມືລະຫວ່າງ 2 ພັກ ເປັນແກ່ນສານຊຸກຍູ້ການພົວພັນຮ່ວມມືຮອບດ້ານລະຫວ່າງ 2 ປະເທດ ແລະ ປະຊາຊົນ 2 ປະເທດ; ສະແດງຄວາມຂອບອົກຂອບໃຈຢ່າງເລິກເຊິ່ງຕໍ່ການສະໜັບສະໜູນຊ່ວຍເຫຼືອຢ່າງໃຫຍ່ຫລວງ, ລ້ຳຄ່າ, ເປັນທຳ ປອດໃສ, ທັນການມີປະສິດທິຜົນ ເຊິ່ງ ຫວຽດນາມ ສະຫງວນໃຫ້ ກຳປູເຈຍ ໃນພາລະກິດປົດປ່ອນຊາດ, ກູ້ຊາດ ແລະ ປະຊາຊົນ ກຳປູເຈຍ ຫລຸດພົ້ນອອກຈາກລະບອບດັບດູນເຊື້ອຊາດ, ສະກັດກັ້ນລະບອບດັບສູນເຊື້ອຊາດກັບຄືນມາ ກໍ່ຄືໃນພາລະກິດປອງດອງຊາດ, ສ້າງສາ ແລະ ພັດທະນາປະເທດຊາດໃນປະຈຸບັນ. ທ່ານນາຍົກລັດຖະມົນຕີ Hun Sen ຢືນຢັນວ່າ: ເຖິງວ່າສະພາບການໂລກມີການປ່ຽນແປງແນວໃດກໍ່ຕາມ ແຕ່ການພົວພັນລະຫວ່າງ ກຳປູເຈຍ ແລະ ຫວຽດນາມ ກໍ່ບໍ່ອາດປ່ຽນແປງໄດ້. ການນຳ 2 ທ່ານຖືວ່າ: 2 ປະເທດແມ່ນບ້ານໃກ້ເຮືອນຄຽງກັນ ສະນັ້ນຄວນມີການພົວພັນສາມັກຄີ, ສະໜິດຕິດພັນກັນຢ່າງແໜ້ນແຟ້ນ ເພື່ອຜົນປະໂຫຍດຂອງປະຊາຊົນ 2 ປະເທດ ແລະ ເພື່ອການພັດທະນາຂອງ 2 ປະເທດ.
(ແຫຼ່ງຄັດຈາກ VOV)
