• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ເພື່ອການພັດທະນາຢ່າງຍືນຍົງຂອງວຽກງານປົກປ້ອງ, ເບິ່ງແຍງສຸຂະພາບຂອງປະຊາຊົນ

ນີ້ແມ່ນຮ່າງກົດໝາຍສຳຄັນ, ກຳນົດທິດການເຄື່ອນໄຫວຄຸ້ມຄອງ ແລະ ການພັດທະນາແບບຍືນຍົງຂອງວຽກງານການປົກປ້ອງ, ເບິ່ງແຍງສຸຂະພາບຂອງປະຊາຊົນ.
  ທີ່ກອງປະຊຸມ (ພາບ: quochoi.vn)   

ໂດຍສືບຕໍ່ລາຍການໃນກອງປະຊຸມຄັ້ງທີ 4, ສະພາແຫ່ງຊາດ ຊຸດທີ XV, ຕອນເຊົ້າວັນທີ 24 ຕຸລາ, ຢູ່ຮ່າໂນ້ຍ, ສະພາແຫ່ງຊາດ ໄດ້ຮັບຟັງການລາຍງານອະພິບາຍ, ຮັບເອົາຄຳເຫັນ, ດັດປັບກົດໝາຍວ່າດ້ວຍການກວດ, ປີ່ນປົວພະຍາດ (ສະບັບປັບປຸງ) ແລະ ໄດ້ດຳເນີນການສົນທະນາຢູ່ກອງປະຊຸມ.

ນີ້ແມ່ນຮ່າງກົດໝາຍສຳຄັນ, ກຳນົດທິດການເຄື່ອນໄຫວຄຸ້ມຄອງ ແລະ ການພັດທະນາແບບຍືນຍົງຂອງວຽກງານການປົກປ້ອງ, ເບິ່ງແຍງສຸຂະພາບຂອງປະຊາຊົນ. ບັນດາສະມາຊິກສະພາແຫ່ງຊາດ ໄດ້ສຸມໃສ່ໃຫ້ຄຳເຫັນກ່ຽວກັບກົນໄກການຮັບປະກັນບົນຈິດໃຈ “ຖືກຄົນເຈັບເປັນໃຈກາງ” ຕິດພັນກັບການຮັບປະກັນຄວາມຍຸຕິທຳສັງຄົມ ໃນການເຂົ້າເຖິງການບໍລິການກວດ, ປີ່ນປົວພະຍາດ; ກຳນົດລະບົບການແພດທັນສະໄໝ; ກົນໄກເປັນເຈົ້າການດ້ານການເງິນຂອງຮາກຖານການກວດ, ປີ່ນປົວພະຍາດພາກລັດ, ກ່ອນອື່ນໝົດແມ່ນເປັນເຈົ້າການດ້ານການເງິນ, ຮ່ວມມືພາກລັດ - ເອກະຊົນ, ລາຄາບໍລິການ…

ຕອນບ່າຍວັນທີ 24 ຕຸລາ, ບັນດາສະມາຊິກສະພາແຫ່ງຊາດໄດ້ປຶກສາຫາລືຢູ່ໜ່ວຍ ກ່ຽວກັບຮ່າງກົດໝາຍວ່າດ້ວຍມະຕິປະກາດໃຊ້ຂໍ້ກຳນົດກອງປະຊຸມຂອງສະພາແຫ່ງຊາດ (ສະບັບປັບປຸງ); ຮ່າງກົດໝາຍວ່າດ້ວຍການປ້ອງກັນ, ຕ້ານການຟອກເງິນ (ສະບັບປັບປຸງ); ຮ່າງມະຕິຂອງສະພາແຫ່ງຊາດ ກ່ຽວກັບເວລາປະຕິບັດລະບຽບວິໄນສຳລັບພະນັກງານ, ພາລະກອນ, ລັດຖະກອນ.

ເມື່ອໃຫ້ຄຳເຫັນໃສ່ກົດໝາຍວ່າດ້ວຍການປ້ອງກັນ, ຕ້ານການຟອກເງິນ (ສະບັບປັບປຸງ), ບັນດາສະມາຊິກສະພາແຫ່ງຊາດຕີລາຄາວ່າ ຮ່າງກົດໝາຍຄັ້ງນີ້ໄດ້ຍົກສູງປະສິດທິຜົນໃນວຽກງານປ້ອງກັນ, ຕ້ານການຟອກເງິນກວ່າອີກ, ປົວແປງການກຳນົດກ່ຽວກັບການຮັບເອົາແຫຼ່ງຂໍ້ມູນ, ກ່ຽວກັບການແກ້ໄຂຂໍ້ມູນ ແລະ ແບ່ງປັນຂໍ້ມູນ.

ສຳລັບຮ່າງມະຕິປະກາດໃຊ້ຂໍ້ກຳນົດຂອງສະພາແຫ່ງຊາດ (ສະບັບປັບປຸງ), ບັນດາສະມາຊິກສະພາແຫ່ງຊາດໄດ້ເຫັນດີຕໍ່ເລື່ອງປັບປຸງຂໍ້ກຳນົດສະໄໝ ປະຊຸມສຳລັບ 32 ໝວດບັນຫາໃໝ່.

(ແຫຼ່ງຄັດຈາກ VOV)

ງານວາງສະແດງ ໂຮ່ຈີມິນ - ຄວາມຄາດຫວັງເອກະລາດແຫ່ງ

ງານວາງສະແດງ “ໂຮ່ຈີມິນ - ຄວາມຄາດຫວັງເອກະລາດແຫ່ງ”

ງານວາງສະແດງໄດ້ແນະນຳເກືອບ 200 ຮູບພາບເອກະສານ, ວັດຖຸພັນກ່ຽວກັບຕົ້ນກຳເນີດ, ຊີວິດ, ພາລະກິດຂອງປະທານໂຮ່ຈີມິນ, ຄື: ຫງວຽນເຕີດແທັ່ງ ຕັດສິນໃຈອອກເດີນທາງໄປຕ່າງປະເທດຊອກຫາເສັ້ນທາງກູ້ຊາດ ແລະ ຂະບວນການຈາກຊາວໜຸ່ມຜູ້ຮັກຊາດ ກາຍເປັນນັກກອມມູນິດ (1911 – 1930).

Top