ຂ່າວສານ
ເພີ່ມທະວີສາຍພົວພັນລະຫວ່າງບັນດາທ້ອງຖິ່ນຂອງ ຫວຽດນາມ ແລະ ສະຫະພັນ ລັດເຊຍ ກວ່າອີກ
ຕາມທ່ານ Timur Sadykov ແລ້ວ, ສະຫະພັນ ລັດເຊຍ ໄດ້ກຳນົດສາຍພົວພັນລະຫວ່າງບັນດາທ້ອງຖິ່ນຂອງ ສະຫະພັນ ລັດເຊຍ ແລະ ຫວຽດນາມ ແມ່ນປັດໄຈສຳຄັນໃນສາຍພົວພັນການຮ່ວມມືຍຸດທະສາດຮອບດ້ານລະຫວ່າງ 2 ປະເທດ. ບັນດາທ້ອງຖິ່ນຂອງ ສະຫະພັນ ລັດເຊຍ ປາດຖະໜາ ແລະ ພ້ອມແລ້ວທີ່ຈະຍູ້ແຮງ ການຮ່ວມມືກັບນະຄອນ ໂຮ່ຈີມິນ ແລະ ບັນດາແຂວງ, ນະຄອນພາກໃຕ້ຂອງ ຫວຽດນາມ.
ທ່ານຫົວໜ້າກົງສູນໃຫຍ່ສະຫະພັນ ລັດເຊຍ ຄົນໃໝ່ໄດ້ເນັ້ນໜັກວ່າສາຍພົວພັນການຮ່ວມມືແຮກສ່ຽວ ລະຫວ່າງນະຄອນ ໂຮ່ຈີມິນ ແລະ ນະຄອນ Saint Peterburg ແມ່ນແບບຢ່າງທີ່ດີເດັ່ນໃຫ້ແກ່ສາຍພົວພັນການຮ່ວມມືລະຫວ່າງທ້ອງຖິ່ນ ສະຫະພັນ ລັດເຊຍ ແລະ ຫວຽດນາມ. ທ່ານ Timur Sadykov ໃຫ້ຄຳໝັ້ນສັນຍາວ່າຈະເຮັດຈົນສຸດຄວາມສາມາດຂອງຕົນເພື່ອປະກອບສ່ວນປັບປຸງ ແລະ ພັດທະນາສາຍພົວພັນ ລະຫວ່າງທ້ອງຖິ່ນ ສະຫະພັນ ລັດເຊຍ ກັບນະຄອນ ໂຮ່ຈີມິນ ແລະ ບັນດາແຂວງ, ນະຄອນພາກໃຕ້ຂອງ ຫວຽດນາມ; ຕັ້ງໜ້າປະກອບສ່ວນເຂົ້າໃນການ ເພີ່ມພູນຄູນສ້າງສາຍພົວພັນຄູ່ຮ່ວມມືຍຸດທະສາດ ລະຫວ່າງ ສະຫະພັນ ລັດເຊຍ ແລະ ຫວຽດນາມ ນັບມື້ນັບດີງາມຂຶ້ນ, ນຳເອົາຜົນປະໂຫຍດຢ່າງແທດຈິງມາໃຫ້ປະຊາຊົນ 2 ປະເທດ.
(ແຫຼ່ງຄັດຈາກ VOV)
