ຂ່າວສານ

ເປີດນໍາໃຊ້ປະຕູຖານຂໍ້ມູນເອເລັກໂຕນິກ ກ່ຽວກັບ FTA ແຫ່ງທຳອິດຂອງ ຫວຽດນາມ

24/12/2020

ປະຕູຖານຂໍ້ມູນເອເລັກໂຕນິກກ່ຽວກັບ FTA ຂອງ ຫວຽດນາມ ໄດ້ນຳເຂົ້າເຄື່ອນໄຫວ ຈະແມ່ນບ່ອນສະໜອງເຄື່ອງມືຄົ້ນຫາທາງອອນລາຍໃຫ້ແກ່ປະຊາຄົມວິສາຫະກິດ ແລະ ບັນດາເປົ້າໝາຍທີ່ມີຄວາມສົນໃຈຕໍ່ຄຳໝັ້ນສັນຍາຂອງບັນດາສັນຍາ FTA ສະບັບຕ່າງໆ ເຊິ່ງ ຫວຽດນາມ ໄດ້ເຂົ້າຮ່ວມ.

ທ່ານ ເຈິນຕ໊ວນແອັງ ລັດຖະມົນຕີກະຊວງອຸດສາຫະກຳ ແລະ ການຄ້າ ຫວຽດນາມ
ກ່າວຄຳເຫັນທີ່ພິທີ (ພາບ: TTXVN)

ວັນທີ 23 ທັນວາ, ຢູ່ຮ່າໂນ້ຍ, ກະຊວງອຸດສາຫະກຳ ແລະ ການຄ້າ ຫວຽດນາມ ໄດ້ຈັດຕັ້ງພິທີເປີດນໍາໃຊ້ ປະຕູຖານຂໍ້ມູນເອເລັກໂຕນິກ ກ່ຽວກັບສັນຍາການຄ້າເສລີ ຂອງ ຫວຽດນາມ (Vietnam FTA Portal – FTAP).

ປະຕູຖານຂໍ້ມູນເອເລັກໂຕນິກກ່ຽວກັບ FTA ຂອງ ຫວຽດນາມ ໄດ້ນຳເຂົ້າເຄື່ອນໄຫວ ຈະແມ່ນບ່ອນສະໜອງເຄື່ອງມືຄົ້ນຫາທາງອອນລາຍໃຫ້ແກ່ປະຊາຄົມວິສາຫະກິດ ແລະ ບັນດາເປົ້າໝາຍທີ່ມີຄວາມສົນໃຈຕໍ່ຄຳໝັ້ນສັນຍາຂອງບັນດາສັນຍາ FTA ສະບັບຕ່າງໆ ເຊິ່ງ ຫວຽດນາມ ໄດ້ເຂົ້າຮ່ວມ ລວມທັງບັນດາຄຳໝັ້ນສັນຍາກ່ຽວກັບພາສີ, ຫຼັກການກ່ຽວກັບຕົ້ນກຳເນີດສິນຄ້າ, ການບໍລິການ ແລະ ການລົງທຶນ ກໍຄືບັນດາຂໍ້ມູນຂ່າວສານທີ່ຈຳເປັນອື່ນໆໃນການແລກປ່ຽນການຄ້າຂອງວິສາຫະກິດ.
ມາຮອດປັດຈຸບັນ, ຫວຽດນາມ ໄດ້ລົງນາມໃນສັນຍາການຄ້າເສລີ (FTA) ໃນພາກພື້ນ ແລະ ສອງຝ່າຍ ທັງໝົດ 14 ສະບັບ.

(ແຫຼ່ງຄັດຈາກ VOV)

ເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອແບບພິເສດ ລະຫວ່າງ ຫວຽດນາມ - ກຸຍບາຢ່າງບໍ່ຢຸດຢັ້ງ

28/09/2023
ຂ່າວສານ

ທ່ານປະທານສະພາແຫ່ງຊາດ ກຸຍບາ Esteban Lazo Hermandez ໄດ້ມາຢ້ຽມຢາມ ຫວຽດນາມ ໃນລະຫວ່າງວັນທີ 24 - 28 ກັນຍາ ແລະ ເຂົ້າຮ່ວມພິທີສະເຫຼີມສະຫຼອງ 50 ປີແຫ່ງວັນທ່ານປະທານ Fidel Castro ມາຢ້ຽມຢາມເຂດປົດປ່ອຍ ພາກໃຕ້ ຫວຽດນາມ (9/1973-9/2023). ນີ້ແມ່ນໂອກາດເພື່ອໃຫ້ປະຊາຊົນສອງປະເທດ, ພິເສດແມ່ນໄວໜຸ່ມ, ເພີ່ມທະວີຄວາມຮູ້ຄວາມເຂົ້າໃຈກ່ຽວກັບປະຫວັດສາດ ແລະ ຄວາມໝາຍຂອງການພົວພັນແບບພິເສດ ລະຫວ່າງ ຫວຽດນາມ - ກຸຍບາ ໂດຍທ່ານປະທານ ໂຮ່ຈີມິນ ແລະ ທ່ານປະທານ Fidel Castro ໄດ້ເພີ່ມພູນຄູນສ້າງຂຶ້ນ. ພ້ອມທັງ, ສະແດງໃຫ້ເຫັນຄວາມຕັດສິນໃຈຂອງສອງຝ່າຍໃນການສືບທອດ ແລະ ເສີມຂະຫຍາຍກຳລັງແຮງມູນເຊື້ອອັນດີງາມ, ປະກອບສ່ວນເຂົ້າໃນການຮັດແໜ້ນການພົວພັນສາມັກຄີລະຫວ່າງ ຫວຽດນາມ - ກຸຍບາ.