ຕາມການລາຍງານໃໝ່ຂອງອົງການອະນາໄມໂລກ (WHO), ໃນອາທິດຜ່ານມາ, ຈຳນວນຜູ້ຕິດເຊື້ອໄວຣັສ SARS-CoV-2 ໃນໂລກໄດ້ຫຼຸດລົງ 16%, ໃນອາທິດ ໄລ່ຮອດວັນທີ 1 ມີນາ, ຈຳນວນຜູ້ເສຍຊີວິດໃນທົ່ວໂລກຍ້ອນຕິດ ເຊື້ອພະຍາດໂຄວິດ-19 ໄດ້ຫຼຸດລົງ 10%.

    

ພາບປະກອບ

ມາຮອດເວລາ 9 ໂມງຂອງວັນທີ 5 ມີນານີ້ (ຕາມເວລາຫວຽດນາມ), ໂລກມີຜູ້ຕິດເຊື້ອພະຍາດໂຄວິດ-19 ເຖິງ 445,1 ລ້ານຄົນ, ໃນນັ້ນມີຫຼາຍກ່ວາ 6 ລ້ານຄົນເສຍຊີວິດ. ສະຫະລັດອາເມລິກາຍັງເປັນປະເທດທີ່ໄດ້ຮັບ ຜົນກະທົບ ຮ້າຍແຮງທີ່ສຸດ, ມາຮອດປັດຈຸບັນມີເກືອບ 81 ລ້ານຄົນ ແລະ ເກືອບ 984.000 ຄົນເສຍຊີວິດ. ຖັດມາແມ່ນອິນເດຍແລະ ບຣາຊິວ.

     ຕາມການລາຍງານໃໝ່ຂອງອົງການອະນາໄມໂລກ (WHO), ໃນອາທິດຜ່ານມາ, ຈຳນວນຜູ້ຕິດເຊື້ອໄວຣັສ SARS-CoV-2 ໃນໂລກໄດ້ຫຼຸດລົງ 16%, ໃນອາທິດ ໄລ່ຮອດວັນທີ 1 ມີນາ, ຈຳນວນຜູ້ເສຍຊີວິດໃນທົ່ວໂລກຍ້ອນຕິດ ເຊື້ອພະຍາດໂຄວິດ-19 ໄດ້ຫຼຸດລົງ 10%

          WHO ຕີລາຄາວ່າ ເຊື້ອພະຍາດໂຄວິດ-19 ກາຍພັນ Omicron ຍັງເປັນສາຍພັນແຜ່ຫຼາຍໃນທົ່ວໂລກ. ຂໍ້ມູນສະຖິຕິສະແດງໃຫ້ເຫັນວ່າ ມີເຖິງ 99.5% ຈຳນວນກໍລະນີຕິດເຊື້ອ COVID-19 ໃນປະຈຸບັນແມ່ນສາຍພັນ Omicron, ໃນຂະນະທີ່ມີພຽງ 0.3% ແມ່ນສາຍພັນ Delta.

        ເຖິງຢ່າງໃດກໍ່ຕາມ, ອົງການອະນາໄມໂລກ ກ່າວເຕື່ອນວ່າ ຍັງໄວເກີນໄປທີ່ຈະປະກາດວ່າ ໂລກລະບາດໂຄວິດ-19ໄດ້ສິ້ນສຸດລົງ. ອົງການດັ່ງກ່າວຍັງໄດ້ເຕືອນວ່າ ຖ້າມີໂອກາດແຜ່ລາມ, ເຊື້ອໄວຣັສ SARS-CoV-2 ຈະສືບຕໍ່ກາຍພັນແລະ ອາດຈະພາໃຫ້ເກີດສາຍພັນ ໃຫມ່ທີ່ມີຄວາມສ່ຽງສູງຕໍ່ການຕິດເຊື້ອ ແລະ ອັດຕາການ ເສຍຊີວິດຈະສູງກ່ວາ.

(ແຫຼ່ງຄັດຈາກ VOV)