ຂ່າວສານ

ຮັດແໜ້ນນ້ຳໃຈສາມັກຄີ, ມິດຕະພາບ ຫວຽດນາມ - ລາວ

15/04/2019

ຕອນບ່າຍວັນທີ 13 ເມສາ, ມະຫາວິທະຍາໄລ ໄຕບັກ (ຕາເວັນຕົກສ່ຽງເໜືອ) ໄດ້ຈັດຕັ້ງບຸນປີໃໝ່ລາວ ໃຫ້ບັນດານັກສຶກສາລາວ ພວມຮ່ຳຮຽນຢູ່ແຂວງ ເຊີນລາ ນັບຮ້ອຍໆຄົນ.

ຮັດແໜ້ນນ້ຳໃຈສາມັກຄີ, ມິດຕະພາບ ຫວຽດນາມ - ລາວ (ພາບ: TTXVN)

ບຸນປີໃໝ່ລາວ ດຳເນີນແຕ່ວັນທີ 13 – 16 ເມສາ ປະຈຳປີ, ນີ້ແມ່ນຮີດຄອງປະເພນີວັດທະນະທຳດົນນານຂອງປະຊາຊົນລາວ. ລາຍການບຸນປີໃໝ່ໃນປີນີ້ ລວມມີ 2 ພາກ ແມ່ນການພົວພັນແລກປ່ຽນວັດທະນະທຳ ລາວ - ຫວຽດນາມ ແລະ ພິທີກຳຂອງບຸນປີໃໝ່ປະຈຳຊາດລາວ. ທີ່ການພົວພັນແລກປ່ຽນ, ນັກສຶກສາລາວ ໄດ້ຮັບບັນດາຄຳອວຍພອນອັນດີງາມທີ່ສຸດຈາກໂຮງຮຽນ, ບັນດາຄູອາຈານ, ໝູ່ເພື່ອນ ຫວຽດນາມ ເນື່ອງໃນໂອກາດບຸນປີໃໝ່ ນີ້ກໍ່ແມ່ນໂອກາດ ເພື່ອໃຫ້ບັນດານັກສຶກສາລາວ ຫວນຄືນຮີດຄອງປະເພນີອັນດີງາມ, ມີຄວາມໝາຍຂອງບຸນປີໃໝ່ປະຈຳຊາດລາວ ແລະ ພ້ອມກັບບັນດາຄູອາຈານ, ເພື່ອນມິດ ຫວຽດນາມ ເຊື່ອມຕົວເຂົ້າບັນດາລາຍການແລກປ່ຽນສິລະປະ, ຟ້ອນລຳທຳເພງ ທີ່ເຂັ້ມຂຸ້ນໄປດ້ວຍສີສັນວັດທະນະທຳຂອງ 2 ປະເທດ ຫວຽດນາມ - ລາວ.

(ແຫຼ່ງຄັດຈາກ VOV)

ເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອແບບພິເສດ ລະຫວ່າງ ຫວຽດນາມ - ກຸຍບາຢ່າງບໍ່ຢຸດຢັ້ງ

28/09/2023
ຂ່າວສານ

ທ່ານປະທານສະພາແຫ່ງຊາດ ກຸຍບາ Esteban Lazo Hermandez ໄດ້ມາຢ້ຽມຢາມ ຫວຽດນາມ ໃນລະຫວ່າງວັນທີ 24 - 28 ກັນຍາ ແລະ ເຂົ້າຮ່ວມພິທີສະເຫຼີມສະຫຼອງ 50 ປີແຫ່ງວັນທ່ານປະທານ Fidel Castro ມາຢ້ຽມຢາມເຂດປົດປ່ອຍ ພາກໃຕ້ ຫວຽດນາມ (9/1973-9/2023). ນີ້ແມ່ນໂອກາດເພື່ອໃຫ້ປະຊາຊົນສອງປະເທດ, ພິເສດແມ່ນໄວໜຸ່ມ, ເພີ່ມທະວີຄວາມຮູ້ຄວາມເຂົ້າໃຈກ່ຽວກັບປະຫວັດສາດ ແລະ ຄວາມໝາຍຂອງການພົວພັນແບບພິເສດ ລະຫວ່າງ ຫວຽດນາມ - ກຸຍບາ ໂດຍທ່ານປະທານ ໂຮ່ຈີມິນ ແລະ ທ່ານປະທານ Fidel Castro ໄດ້ເພີ່ມພູນຄູນສ້າງຂຶ້ນ. ພ້ອມທັງ, ສະແດງໃຫ້ເຫັນຄວາມຕັດສິນໃຈຂອງສອງຝ່າຍໃນການສືບທອດ ແລະ ເສີມຂະຫຍາຍກຳລັງແຮງມູນເຊື້ອອັນດີງາມ, ປະກອບສ່ວນເຂົ້າໃນການຮັດແໜ້ນການພົວພັນສາມັກຄີລະຫວ່າງ ຫວຽດນາມ - ກຸຍບາ.