ຂ່າວສານ

ອາເມລິກາ ຖອນຄືນສິດນິຕິກຳຂອງຜູ້ເຂົ້າເມືອງກ່ວາ 500.000 ຄົນ

24/03/2025

ສິ່ງນີ້ກໍ່ໝາຍຄວາມວ່າ ເຂົາເຈົ້າຈະຕ້ອງ “ອອກຈາກປະເທດ ອາເມລິກາ” ກ່ອນວັນທີ 24 ເມສາ.

(ພາບ: THX/TTXVN)

ວັນທີ 21 ມີນາ, ຕາມເວລາທ້ອງຖິ່ນ, ອາເມລິກາ ໄດ້ປະກາດຢຸດຂໍ້ກຳນົດນິຕິກຳຂອງຜູ້ເຂົ້າເມືອງນັບແສນຄົນ, ກຳນົດເວລາບັງຄັບເຂົາເຈົ້າ ຕ້ອງອອກຈາກປະເທດນີ້. ຄຳຕັດສິນນີ້ ໄດ້ຫັນຄຳໝັ້ນສັນຍາຂອງທ່ານປະທານນາທິດບໍດີ Donald Trump ກ່ຽວກັບບັ້ນເນລະເທດຂະໜາດໃຫ່ຍກ່ວາໝູ່ໃນປະຫວັດສາດຂອງປະເທດ ອາເມລິກາ ໃຫ້ປະກົດຜົນເປັນຈິງ ແລະ ຈຳກັດຄົນເຂົ້າເມືອງ. ຄຳສັ່ງດັ່ງກ່າວ ໄດ້ສົ່ງຜົນສະທ້ອນຕໍ່ປະມານ 532.000 ຄົນ, ສ່ວນຫຼາຍແມ່ນມາຈາກພາກພື້ນອາເມລິກາ ລາຕິນ ໄປ ອາເມລິກາ ຕາມລາຍການໂດຍອຳນາດການປົກຄອງຂອງປະທານາບໍດີ Joe Biden ຍົກອອກມາ ເມື່ອເດືອນຕຸລາປີ 2022 ແລະ ໄດ້ເປີດກ້ວາງໃນເດືອນມັງກອນປີ 2023. ຕາມຂໍ້ຕົກລົງສະບັບໃໝ່, ເຂົາເຈົ້າຈະເສຍສິດປົກປ້ອງດ້ານກົດໝາຍ ພາຍຫຼັງເວລາ 30 ວັນ ນັບແຕ່ເມື່ອຄຳສັ່ງຂອງກະຊວງປ້ອງກັນຄວາມສະຫງົບພາຍໃນ ໄດ້ປະກາດ ຊື່ງຄາດວ່າໃນວັນທີ 25 ມີນາຈະມາເຖິງ. ສິ່ງດັ່ງກ່າວກໍ່ໝາຍຄວາມວ່າ ເຂົາເຈົ້າຈະຕ້ອງ “ອອກຈາກປະເທດ ອາເມລິກາ” ກ່ອນວັນທີ 24 ເມສາ.

(ແຫຼ່ງຄັດຈາກ VOV)

ແຜ່ຂະຫຍາຍແບບຢ່າງ, ຄຸນສົມບັດ, ແບບແຜນດໍາລົງຊີວິດປະທານໂຮ່ຈີມິນ ຢູ່ລາວ

25/05/2026
ຂ່າວສານ

ວັນທີ 19 ພຶດສະພາ, ທີ່ນະຄອນຫຼວງວຽງຈັນ, ສະຖານທູດຫວຽດນາມ ປະຈໍາ ລາວ ໄດ້ຈັດຕັ້ງກິດຈະກຳເຄື່ອນໄຫວສະເຫຼີມສະຫຼອງວັນຄ້າຍວັນເກີດປະທານໂຮ່ຈີມິນ ຄົບຮອບ 136 ປີ (19-5-1890 / 19-5-2026) ຢ່າງສົມກຽດ.