ຂ່າວສານ

ອາເມລິກາ, ຈີນບັນລຸໄດ້ຂໍ້ຕົກລົງໄລຍະ 1, ໂຈະການຈັດວາງອັດຕາພາສີອາກອນໃໝ່

15/12/2019

ອາເມລິກາ ແລະ ຈີນໄດ້ປະກາດວ່າ ບັນລຸໄດ້ຂໍ້ຕົກລົງສ່ວນໜຶ່ງ, ຫຼືຍັງໄດ້ເອີ້ນວ່າ ຂໍ້ຕົກລົງໄລຍະ 1, ຊື່ງຊ່ວຍຫຼີກລ້ຽງການຈັດວາງອັດຕາພາສີອາການໃໝ່ຂອງ ອາເມລິກາ ຕໍ່ສິນຄ້າສົ່ງອອກຂອງ ຈີນເຂົ້າອາເມລິກາໃນວັນທີ 15 ທັນວາ.

ພາບປະກອບ (TTXVN)

ໃນສື່ສັງຄົມອອນໄລ Twitter, ຕອນຄ່ຳວັນທີ 12 ທັນວາ, ທ່ານ Donald Trump ປະທານາທິບໍດີ ອາເມລິກາໃຫ້ຮູ້ວ່າ ອາເມລິກາ ແລະ ຈີນ ບັນລຸໄດ້ຂໍ້ຕົກລົງໄລຍະ 1 ທີ່ກ້ວາງໃຫຍ່ ແລະ ຈີນ ເຫັນດີຈະປ່ຽນແປງຫຼາຍຢ່າງກ່ຽວກັບ ໂຄງປະກອບ, ພ້ອມທັງຊື້ຜະລິດຕະພັນກະເສດຈຳນວນຫຼາຍ, ສິນຄ້າປະເພດອຸດສາຫະກຳ ແລະ ພະລັງງານ ກໍ່ຄື ສິນຄ້າປະເພດຕ່າງໆ”, ພ້ອມທັງຢັ້ງຢືນວ່າ ຈະບໍ່ຈັດວານອັດຕາພາສີສຳລັບ ສິນຄ້າຂອງ ຈີນທີີ່ມີມູນຄ່າ 160 ຕື້ USD.

ກ່ຽວກັບຖະແຫຼງການຂອງການເຈລະຈາຮອບຕໍ່ໄປລະຫວ່າງສອງຝ່າຍຂອງປະທານາທິບໍດີອາເມລິກາ Donald Trump, ທ່ານ ຮອງລັດຖະມົນຕີກະຊວງການເງິນ ຈີນໃຫ້ຮູ້ວ່າ ການເຈລະຈາໄລຍະທີ 2 ຈະອີງໃສ່ສະພາບການຂອງ ການປະຕິບັດຂໍ້ຕົກລົງໄລຍະ 1.

(ແຫຼ່ງຄັດຈາກ VOV)

ໄຂກອງປະຊຸມສະໄໝສາມັນເທື່ອທີ 10 ສະພາແຫ່ງຊາດ ຫວຽດນາມ ຊຸດທີ 15

20/10/2025
ຂ່າວສານ

ຕອນເຊົ້າວັນທີ 20 ຕຸລາ, ຢູ່ຫໍປະຊຸມ ຢຽນຮົ່ງ, ຮ່າໂນ້ຍ, ສະພາແຫ່ງຊາດ ຫວຽດນາມ ໄດ້ໄຂກອງປະຊຸມສະໄໝສາມັນເທື່ອທີ 10, ເຊິ່ງແມ່ນກອງປະຊຸມຄັ້ງສຸດທ້າຍຂອງສະພາແຫ່ງຊາດ ຫວຽດນາມ ຊຸດທີ 15. ກອງປະຊຸມວຽກງານຫຼາຍທີ່ສຸດຂອງ ອາຍຸການ, ຄາດວ່າ ດຳເນີນເປັນເວລາປະມານ 40 ວັນ. ເຂົ້າຮ່ວມວາລະໄຂກອງປະຊຸມ, ມີທ່ານເລຂາທິການໃຫຍ່ພັກກອມມູນິດ ຫວຽດນາມ ໂຕເລິມ, ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິນຈິງ ແລະ ທ່ານປະທານສະພາແຫ່ງຊາດ ເຈິ່ນແທັງເໝີ້ນ.