ພາບ:vietnam+
ນີ້ແມ່ນກອງປະຊຸມຄັ້ງທຳອິດ ຂອງບັນດາກະຊວງເສດຖະກິດ ອາຊຽນ ໃນປີເປັນປະທານຂອງ ບຣູໄນ.
ທີ່ກອງປະຊຸມ, ບັນດາລັດຖະມົນຕີ ແລະ ຜູ້ຕາງຫນ້າກ່ຽວຂ້ອງໄດ້ປຶກສາຫາລືກ່ຽວກັບບັນດາຄວາມມານະພະຍາຍາມຟື້ນຟູພາຍຫລັງໂລກລະບາດໂຄວິດ 19 ໃນທົ່ວພາກພື້ນ, ບັນດາຄວາມກ້າວຫນ້າທີ່ບັນລຸໄດ້ໃນຄວາມມານະພະຍາຍາມກໍ່ສ້າງປະຊາຄົມເສດຖະກິດ ແລະ ການພົວພັນເສດຖະກິດການຕ່າງປະເທດ ຂອງ ອາຊຽນ.ພ້ອມກັນນັ້ນ ບັນດາທ່ານລັດຖະມົນຕີເສດຖະກິດ ອາຊຽນ ໄດ້ຮັບຮອງເອົາ 12 ຄາດໝາຍເສດຖະກິດບຸລິມະສິດຂອງ ບຣູໄນ ໃນປີ ປະທານ ອາຊຽນ 2021, ສຸມໃສ່ການຟື້ນຟູ, ການຫັນເປັນດີຈີຕອນ ແລະ ລັກສະນະຍືນຍົງ.
ບັນດາທ່ານລັດຖະມົນຕີກໍ່ຢັ້ງຢືນຄືນຄຳໝັ້ນສັນຍາ ຈະມານະພະຍາຍາມໃຫ້ສັດຕະຍາບັນສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP) ຢູ່ພາຍໃນປະເທດ ເພື່ອແນໃສ່ຮັບປະກັນເລື່ອງບັນດາວິສາຫະກິດ ແລະ ປະຊາຊົນ ອາດຈະໄດ້ຊົມໃຊ້ຜົນປະໂຫຍດຈາກສັນຍານີ້.
(ແຫຼ່ງຄັດຈາກ VOV)
