ຂ່າວສານ

ອັດກອງປະຊຸມຄັ້ງທີ 73 ສະມັດຊາໃຫຍ່ສະຫະປະຊາຊາດ

18/09/2019

ກອງປະຊຸມຂອງສະມັດຊາໃຫຍ່ສະຫະປະຊາຊາດ ຈະສືບຕໍ່ຊຸກຍູ້ເປົ້າໝາຍປົກປ້ອງລັດທິຫຼາຍຝ່າຍ, ຮັບປະກັນຜົນປະໂຫຍດຢ່າງສະໜ່ຳສະເໝີໃຫ້ແກ່ປະຊາຊົນຢູ່ບັນດາປະເທດໃນໂລກ.

ທ່ານນາງ Maria Fernanda Espinosa Garces, ອະດີດປະທານສະມັດຊາໃຫຍ່ສະຫະປະຊາຊາດ

(ພາບ: THX/TTXVN)

ວັນທີ 16 ກັນຍາ, ທີ່ພິທີອັດກອງປະຊຸມຄັ້ງທີ 73 ຂອງສະມັດຊາໃຫຍ່ສະຫະປະຊາຊາດ, ທ່ານນາງ Maria Fernanda Espinosa Garces, ອະດີດປະທານສະມັດຊາໃຫຍ່ສະຫະປະຊາຊາດ ໄດ້ມອບຄ້ອນຕີເຊິ່ງແມ່ນສັນຍາລັກສິດອຳນາດໃຫ້ຜູ້ສືບທອດ Tijjani Muhammad Bande. ໃນບົດກ່າວປາໄສສຸດທ້າຍບົນຖານະຕຳແໜ່ງປະທານສະມັດຊາໃຫຍ່ຫະປະຊາຊາດ, ທ່ານນາງ Espinosa ສະແດງຄວາມຫວັງວ່າ ກອງປະຊຸມຂອງສະມັດຊາໃຫຍ່ສະຫະປະຊາຊາດ ຈະສືບຕໍ່ຊຸກຍູ້ເປົ້າໝາຍປົກປ້ອງລັດທິຫຼາຍຝ່າຍ, ຮັບປະກັນຜົນປະໂຫຍດຢ່າງສະໜ່ຳສະເໝີໃຫ້ແກ່ປະຊາຊົນຢູ່ບັນດາປະເທດໃນໂລກ. ທ່ານນາງເນັ້ນໜັກວ່າ, ເພື່ອແກ້ໄຂທຸກບັນຫາຂອງໂລກໃນປະຈຸບັນ ຮຽກຮ້ອງຕ້ອງມີການຮ່ວມມືໃນຂອບເຂດທົ່ວໂລກ. ກ່າວຄຳເຫັນທີ່ພິທີອັດກອງປະຊຸມນີ້, ທ່ານເລຂາທິການໃຫຍ່ສະຫະປະຊາຊາດ Antonia Gurerres ຕີລາຄາວ່າ, ທ່ານນາງ Espinosa ມີອາຍຸການບັນລຸຜົນສຳເລັດ, ສ້າງທ່ວງທ່າໃຫ້ແກ່ການເພີ່ມທະວີການມີໜ້າຂອງແມ່ຍິງໃນຊີວິດທາງດ້ານການເມືອງຂອງໂລກ, ກໍ່ຄືຊຸກຍູ້ຄວາມກ້າວໜ້າມຸ່ງໄປເຖິງຄວາມສະເໝີພາບລະຫວ່າງຍິງ - ຊາຍໃນທົ່ວໂລກ.

(ແຫຼ່ງຄັດຈາກ VOV)

ປະທານາທິບໍດີ ແຟງລັງ ເປັນປະທານພິທີຕ້ອນຮັບທ່ານເລຂາທິການໃຫຍ່ ໂຕເລິມ ພ້ອມດ້ວຍພັນລະຍາ ແລະ ຄະນະຜູ້ແທນ ຫວຽດນາມ ຢ່າງເປັນທາງການ

21/10/2025
ຂ່າວສານ

ຕອນເຊົ້າວັນທີ 21 ຕຸລາ (ຕາມເວລາທ້ອງຖິ່ນ, ກົງກັບຕອນບ່າຍຕາມເວລາ ຮ່າໂນ້ຍ), ຢູ່ທຳນຽບປະທານາທິບໍດີ ຢູ່ ນະຄອນຫຼວງ Helsinki, ທ່ານປະທານາທິບໍດີ ສ. ແຟງລັງ Alexander Stubb ແລະ ພັນລະຍາ ໄດ້ເປັນປະທານພິທີຕ້ອນຮັບທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ໂຕເລິມ ແລະ ພັນລະຍາ ພ້ອມດ້ວຍຄະນະຜູ້ແທນຂັ້ນສູງ ຫວຽດນາມ ມາຢ້ຽມຢາມ ແຟງລັງ ຢ່າງເປັນທາງການ ແຕ່ວັນທີ 20 – 22 ຕຸລາ.