ທ່ານຮອງນາຍົກລັດຖະມົນຕີ ຫວຽດນາມ ເຈິ່ນຮົ່ງຮ່າ ຕ້ອນຮັບທ່ານນາງ Marie – Helene Loison, ຮອງຜູ້ອຳນວຍການໃຫຍ່ອົງການພັດທະນາ ຝລັ່ງ (AFD) (ພາບ: VGP)

ທີ່ການຕ້ອນຮັບ, ທ່ານຮອງນາຍົກລັດຖະມົນຕີ ໄດ້ເນັ້ນໜັກວ່າ ບັນດາການຄົ້ນຄວ້າຂອງ AFD ກ່ຽວກັບການຫັນປ່ຽນສີຂຽວ, ຮັບມືກັບການປ່ຽນແປງຂອງດິນຟ້າອາກາດ, ຫັນປ່ຽນພະລັງງານ ໄດ້ຍົກອອກ “ມາດຕະການ” ລົງທຶນ, ວິທະຍາສາດເຕັກໂນໂລຢີ, ພື້ນຖານໂຄງລ່າງດ້ານເຕັກນິກ… ຈະຊ່ວຍນຳມາເຊິ່ງຜົນປະໂຫຍດດ້ານເສດຖະກິດສັງລວມ, ຫຼາຍເປົ້າໝາຍເມື່ອປະຕິບັດຢູ່ ຫວຽດນາມ, ພ້ອມທັງກໍສາມາດໜູນຊ່ວຍໃຫ້ແກ່ບັນດາວິສາຫະກິດ ຝລັ່ງ ໃນການຊອກຫາໂຄງການຮ່ວມມືລົງທຶນ, ດຳເນີນທຸລະກິດຢູ່ ຫວຽດນາມ.

        ສ່ວນທ່ານນາງ Marie – Helene Loison ຢັ້ງຢືນວ່າ AFD ແລະ ບັນດາຄູ່ຮ່ວມມືຍາມໃດກໍພ້ອມແລ້ວທີ່ຈະໜູນຊ່ວຍ, ໃຫ້ຄຳປຶກສາດ້ານເຕັກນິກ, ສ້າງສະພາບແວດລ້ອມດ້ານນິຕິກຳໃຫ້ສົມບູນແບບ, ຊອກຫາບັນດາແຫຼ່ງການເງິນມາຜັນຂະຫຍາຍບັນດາໂຄງການພັດທະນາເສດຖະກິດ - ສັງຄົມສຳຄັນຢູ່ ຫວຽດນາມ, ພິເສດ ໃນຂົງເຂດຫັນປ່ຽນພະລັງງານ, ຮັບມືກັບການປ່ຽນແປງຂອງດິນຟ້າອາກາດ, ຫັນເປັນສີຂຽວ.