• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຫວຽດ​ນາມ - ລຸກ​ຊຳ​ບວກ ເພີ່ມ​ທະ​ວີ​ການ​ພົວ​ພັນ​ຄູ່​ຮ່ວມ​ມື ແລະ ຮ່ວມ​ມື​ຮອບ​ດ້ານ

ນາຍົກລັດຖະມົນຕີສອງທ່ານກໍສະເໜີໃຫ້ອົງການຕ່າງໆ ແລະ ວິສາຫະກິດສອງປະເທດ ສືບຕໍ່ຜັນຂະຫຍາຍສັນຍາການຄ້າເສລີ ຫວຽດນາມ - ສະຫະພາບເອີຣົບ (EVFTA) ຢ່າງມີປະສິດທິຜົນ, ຍູ້ແຮງການເຊື່ອມຕໍ່ກ່ຽວກັບ logistics; ຊຸກຍູ້ການລົງນາມໃນສັນຍາຫຼີກເວັ້ນການເກັບພາສີຊ້ອນ 2 ຄັ້ງ. ທ່ານນາຍົກລັດຖະມົນຕີ ຟ້າມມິງຈິງ ສະເໜີໃຫ້ສ້າງເງື່ອນໄຂສະດວກແກ່ສິນຄ້າສົ່ງອອກຂອງ ຫວຽດນາມ ໄດ້ເຂົ້າເຖິງຕະຫຼາດ ລຸກຊຳບວກ ແລະ ອີຢູ.
  ການພົບປະລະຫວ່າງສອງຝ່າຍ  
ໂດຍໄດ້ຮັບຄຳເຊີນຈາກທ່ານນາຍົກລັດຖະມົນຕີ ລຸກຊຳບວກ Xavier Bettel, ຕອນເຊົ້າວັນທີ 9 ທັນວາ (ຕາມເວລາທ້ອງຖິ່ນ), ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ພ້ອມດ້ວຍຄະນະຜູ້ແທນຂັ້ນສູງລັດຖະບານ ຫວຽດນາມ ໄດ້ໄປຮອດນະຄອນຫຼວງ ລຸກຊຳບວກ, ເລີ່ມຕົ້ນການຢ້ຽມຢາມ ລາຊະອານາຈັກ ລຸກຊຳບວກ ຢ່າງເປັນທາງການ. ໃນການພົບປະເຈລະຈາທີ່ໄດ້ດຳເນີນພາຍຫຼັງພິທີຕ້ອນຮັບຢ່າງເປັນທາງການ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແລະ ທ່ານນາຍົກລັດຖະມົນຕີ Xavier Bettel ໄດ້ເຫັນດີເປັນເອກະພາບ ຊຸກຍູ້ໃຫ້ສ້າງກົນໄກຄູ່ຮ່ວມມືຍຸດທະສາດທາງດ້ານການເງິນສີຂຽວໂດຍໄວ; ໜູນຊ່ວຍ ຫວຽດນາມ ຜັນຂະຫຍາຍຍຸດທະສາດແຫ່ງຊາດກ່ຽວກັບການເຕີບໂຕຂຽວ ແລະ ມານະພະຍາຍາມຮັບມືກັບການປ່ຽນແປງຂອງດິນຟ້າອາກາດ.

ກ່ຽວກັບການຮ່ວມມືດ້ານເສດຖະກິດ, ນາຍົກລັດຖະມົນຕີສອງທ່ານກໍສະເໜີໃຫ້ອົງການຕ່າງໆ ແລະ ວິສາຫະກິດສອງປະເທດ ສືບຕໍ່ຜັນຂະຫຍາຍສັນຍາການຄ້າເສລີ ຫວຽດນາມ - ສະຫະພາບເອີຣົບ (EVFTA) ຢ່າງມີປະສິດທິຜົນ, ຍູ້ແຮງການເຊື່ອມຕໍ່ກ່ຽວກັບ logistics; ຊຸກຍູ້ການລົງນາມໃນສັນຍາຫຼີກເວັ້ນການເກັບພາສີຊ້ອນ 2 ຄັ້ງ. ທ່ານນາຍົກລັດຖະມົນຕີ ຟ້າມມິງຈິງ ສະເໜີໃຫ້ສ້າງເງື່ອນໄຂສະດວກແກ່ສິນຄ້າສົ່ງອອກຂອງ ຫວຽດນາມ ໄດ້ເຂົ້າເຖິງຕະຫຼາດ ລຸກຊຳບວກ ແລະ ອີຢູ. ສ່ວນທ່ານນາຍົກລັດຖະມົນຕີ ລຸກຊຳບວກ ກໍ່ສະໜັບສະໜູນ ອີຢູ ຮັບຮອງເອົາສັນຍາ EVIPA ໂດຍໄວ; ຊຸກຍູ້ການຮ່ວມມື ແລະ ໜູນຊ່ວຍ ຫວຽດນາມ ໃນບັນດາຂົງເຂດເສດຖະກິດໝູນວຽນ, ທະນາຄານ, ຕະຫຼາດຫຼັກຊັບ, ການເງິນຕ້ານການປ່ຽນແປງຂອງດິນຟ້າອາກາດ; ການເງິນສີຂຽວ.

ສອງຝ່າຍກໍເຫັນດີເປີດກວ້າງການຮ່ວມມືໃນບັນດາຂົງເຂດ ການປ້ອງກັນຊາດ-ປ້ອງກັນຄວາມສະຫງົບ; ການຕ້ານອາດຊະຍາກຳຂ້າມຊາດ, ຄວາມໝັ້ນຄົງທາງເຄືອຂ່າຍອິນເຕີເນັດ; ການຫັນເປັນດີຈີຕອນ, ວັດທະນະທຳ, ການທ່ອງທ່ຽວ, ການສຶກສາ - ບຳລຸງສ້າງ, ການຄົມມະນາຄົມຂົນສົ່ງ.

ໃນຕອນບ່າຍຂອງວັນດຽວກັນ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ພົບປະກັບທ່ານປະທານລັດຖະສະພາ ລຸກຊຳບວກ Fernand Etgen. ນອກຈາກນັ້ນ, ທ່ານນາຍົກລັດຖະມົນຕີ ຟ້າມມິງຈິງ ກໍໄດ້ເຂົ້າຮ່ວມ ແລະ ມີບົດກ່າວປາໄສຢູ່ເວທີປາໄສວິສາຫະກິດ ຫວຽດນາມ - ລຸກຊຳບວກ. ນະທີ່ນີ້, ທ່ານນາຍົກລັດຖະມົນຕີ ຟ້າມມິງຈິງ ເນັ້ນໜັກວ່າ: ຫວຽດນາມ ກຳລັງຢາກເປີດກວ້າງຕະຫຼາດ, ຖື ລຸກຊຳບວກ ແມ່ນຕະຫຼາດຂົວຕໍ່ໃຫ້ ຫວຽດນາມ ເຂົ້າຕະຫຼາດ ອີຢູ ແລະ ຫວຽດນາມ ແມ່ນຂົວຕໍ່ໃຫ້ ລຸກຊຳບວກ ເຂົ້າ ອາຊຽນ; ເສີມຂະຫຍາຍທ່າໄດ້ປຽບຂອງສັນຍາ EVFTA. ທ່ານກໍຫວັງວ່າ ນັກລົງທຶນຂອງສອງປະເທດຈະຊອກຮູ້ຕະຫຼາດ, ໜູນຊ່ວຍກັນ, ແບ່ງປັນບົດຮຽນປະສົບການ, ສ້າງເງື່ອນໄຂສະດວກພ້ອມກັນພັດທະນາ.

ຫຼັງຈາກນັ້ນ, ທ່ານນາຍົກລັດຖະມົນຕີ ຟ້າມມິງຈິງ ໄດ້ຕ້ອນຮັບການນຳບາງກຸ່ມບໍລິສັດເສດຖະກິດຂະໜາດໃຫຍ່ຂອງ ລຸກຊຳບວກ ກໍຄື ເອີຣົບ ແລະ ໄປຢ້ຽມຢາມສູນຕະຫຼາດຫຼັກຊັບ ລຸກຊຳບວກ.

(ແຫຼ່ງຄັດຈາກ VOV)

ນາຍົກລັດຖະມົນຕີ ເຢຍລະມັນ ເຄື່ອນໄຫວຢ້ຽມຢາມບັນດາປະເທດ ອາເມລິກາ ລາຕິນ

ນາຍົກລັດຖະມົນຕີ ເຢຍລະມັນ ເຄື່ອນໄຫວຢ້ຽມຢາມບັນດາປະເທດ ອາເມລິກາ ລາຕິນ

ສະມາຄົມປະຊາຊາດອາຊີຕາເວັນອອກສ່ຽງໃຕ້ (ອາຊຽນ) ຍັງຄົງຮັກສາບົດບາດສຳຄັນສຳລັບພາກພື້ນ ແລະ ໂລກ...

Top