• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຫວຽດນາມ ໄດ້ຮັບການເລືອກຕັ້ງເປັນຄະນະກຳມະການກົດໝາຍສາກົນຂອງສະຫະປະຊາຊາດຄືນໃໝ່

      ທ່ານເອກອັກຄະລັດຖະທູດ ຫວຽດນາມ ປະຈຳສະຫະປະຊາຊາດ ຫງວຽນຮົ່ງທາວ ໄດ້ຮັບການເລືອກຕັ້ງເປັນສະມາຊິກຄະນະກຳມະການກົດໝາຍສາກົນຂອງສະຫະປະຊາຊາດ ຄືນໃໝ່ໃນອາຍຸການ 2023 – 2027.
ທ່ານເອກອັກຄະລັດຖະທູດ ຫວຽດນາມ ປະຈຳສະຫະປະຊາຊາດ ຫງວຽນຮົ່ງທາວ
(ພາບ: TTXVN)
      ວັນທີ 12 ພະຈິກ, ທ່ານເອກອັກຄະລັດຖະທູດ ຫວຽດນາມ ປະຈຳສະຫະປະຊາຊາດ ຫງວຽນຮົ່ງທາວ ໄດ້ຮັບການເລືອກຕັ້ງເປັນສະມາຊິກຄະນະກຳມະການກົດໝາຍສາກົນຂອງສະຫະປະຊາຊາດ ຄືນໃໝ່ໃນອາຍຸການ 2023 – 2027. ທ່ານເອກອັກຄະລັດຖະທູດ ຫງວຽນຮົ່ງທາວ ໄດ້ຮັບການເລືອກຕັ້ງຄັ້ງໃໝ່ໃນການປ່ອນບັດທີ່ສະມັດຊາໃຫຍ່ສະຫະປະຊາຊາດຊຸດທີ 76 ຢູ່ ນິວຢອກ, ປະເທດ ອາເມລິກາ ດ້ວຍບັດເລືອກຕັ້ງທີ່ໄດ້ຮັບແມ່ນ 145 ໃນຈຳນວນ191 ບັດ, ຢືນອັນດັບທີ 4 ໃນຈຳນວນຜູ້ລົງສະໝັກ 11 ທ່ານຢູ່ພາກພື້ນ ອາຊີ - ປາຊີຟິກ. ທີ່ສຳນັນງານສະຫະປະຊາຊາດ ພາຍຫຼັງໄດ້ຮັບການເລືອກຕັ້ງ, ທ່ານເອກອັກຄະລັດຖະທູດ ຫງວຽນຮົ່ງທາວ ໄດ້ສະແດງຄວາມເອກອ້າງທະນົງໃຈເມື່ອສືບຕໍ່ໄດ້ປະກອບສ່ວນເຂົ້າໃນທີ່ຕັ້ງທີ່ນັບມື້ນັບກ້າວຂຶ້ນຂອງ ຫວຽດນາມ, ຕອບສະໜອງຄວາມມຸ່ງຫວັງຂອງເພື່ອນມິດສາກົນທີ່ມີຕໍ່ ຫວຽດນາມ ໃນບົດບາດສ້າງກົດໝາຍສາກົນ ເພື່ອແກ້ໄຂບັນດາບັນຫາຂັດແຍ້ງກັນ ແລະ ຊຸກຍູ້ການເພີ່ມທະວີການຮ່ວມມືລະຫວ່າງຊົນຊາດ. ທ່ານເອກອັກຄະລັດຖະທູດ ໃຫ້ຄຳໝັ້ນສັນຍາວ່າ ຈະມານະພະຍາຍາມໃຫ້ຫຼາຍກວ່າອີກໃນອາຍຸການທີ 2 ຂອງຕົນ ເພື່ອສ້າງຊື່ສຽງ ຫວຽດນາມ ບົນເວທີສາກົນ.
(ແຫຼ່ງຄັດຈາກ VOV)

ຫວຽດ​ນາມ ຍູ້​ແຮງ​ການ​ພົວ​ພັນ​ຕ່າງ​ປະ​ເທດ​ສອງ​ຝ່າຍ​ຢູ່ AMM-58

ຫວຽດ​ນາມ ຍູ້​ແຮງ​ການ​ພົວ​ພັນ​ຕ່າງ​ປະ​ເທດ​ສອງ​ຝ່າຍ​ຢູ່ AMM-58

ເນື່ອງໃນໂອກາດເຂົ້າຮ່ວມກອງປະຊຸມລັດຖະມົນຕີການຕ່າງປະເທດ ອາຊຽນ ຄັ້ງທີ 58 ຢູ່ Kuala Lumpur (ມາເລເຊຍ), ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ບຸຍແທັງເຊີນ ໄດ້ພົບປະກັບທ່ານລັດຖະມົນຕີການຕ່າງປະເທດ ບັນດາປະເທດ ຍີ່ປຸ່ນ, ຈີນ, ສະວິດ.

Top