ຂ່າວສານ
ຫວຽດນາມ ແລະ ສະຫະສະມາຄົມເຄິ່ງຊັກນຳໄຟຟ້າ ອາຊີຕາເວັນອອກສ່ຽງໃຕ້ ເພີ່ມທະວີການຮ່ວມມືພັດທະນາລະບົບເຄິ່ງຊັກນຳໄຟຟ້າ
ຕອນເຊົ້າວັນທີ 30 ກໍລະກົດ, ຢູ່ສຳນັກງານລັດຖະບານ, ທີ່ ຮ່າໂນ້ຍ, ທ່ານ ໂຮ່ກວັກຢຸງ, ຮອງນາຍົກລັດຖະມົນຕີ ຫວຽດນາມ ໄດ້ຕ້ອນຮັບທ່ານນາງ Linda Tan, ປະທານສະຫະສະມາຄົມເຄິ່ງຊັກນຳໄຟຟ້າ ອາຊີຕາເວັນອອກສ່ຽງໃຕ້ (SEMI SEA) ພ້ອມກັບບັນດາສະມາຊິກຂອງສະຫະສະມາຄົມ.
ທີ່ການຕ້ອນຮັບ, ທ່ານຮອງນາຍົກລັດຖະມົນຕີ ໂຮ່ກວັກຢຸງ ສະເໜີໃຫ້ສະຫະສະມາຄົມສືບຕໍ່ເຊື່ອມຕໍ່ບັນດາວິສາຫະກິດສະມາຊິກຊອກຮູ້ກາລະໂອກາດການລົງທຶນ, ເປີດກວ້າງການຮ່ວມມືກັບບັນດາຄູ່ຮ່ວມມື ຫວຽດນາມ ເພື່ອພັດທະນາຂະແໜງອຸດສາຫະກຳເຄິ່ງຊັກນຳໄຟຟ້າ; ພ້ອມກັນນັ້ນ ກໍ່ເພີ່ມທະວີການທາບທາມຄວາມເຫັນ, ແບ່ງປັນບົດຮຽນ, ໜູນຊ່ວຍ ຫວຽດນາມ ຕັ້ງໜ້າເຂົ້າຮ່ວມບັນດາການເຄື່ອນໄຫວຂອງສະຫະສະມາຄົມ ກໍຄືລະບົບຊີວະພາບເຄິ່ງຊັກນຳໄຟຟ້າຂອງພາກພື້ນ ແລະ ທົ່ວໂລກກວ່າອີກ.
ສ່ວນທ່ານນາງ Linda Tan, ໃຫ້ຮູ້ວ່າ ບັນດາວິສາຫະກິດສະມາຊິກປາດຖະໜາຢາກໃຫ້ຄຳໝັ້ນສັນຍາຮ່ວມມືກັບ ຫວຽດນາມ ຢ່າງຍາວນານ, ພ້ອມກັນນັ້ນ ກໍ່ພ້ອມແລ້ວທີ່ຈະແລກປ່ຽນເພື່ອກຳນົດບັນດາຂົງເຂດທີ່ສາມາດໜູນຊ່ວຍ ຫວຽດນາມ ພັດທະນາຂະແໜງອຸດສາຫະກຳເຄິ່ງຊັກນຳໄຟຟ້າ.
