• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຫວຽດນາມ ເພີ່ມທະວີການຮ່ວມມືດ້ານປ້ອງກັນຄວາມສະຫງົບກັບ ກຳປູເຈຍ ແລະ ລາວ

      ຕອນເຊົ້າວັນທີ 17 ສິງຫາ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ມີບັນດາການຕ້ອນຮັບທ່ານຮອງນາຍົກລັດຖະມົນຕີ, ລັດຖະມົນຕີກະຊວງພາຍໃນແຫ່ງລາຊະອານາຈັກ ກຳປູເຈຍ Samdech Krolahom Sar Kheng ແລະ ທ່ານລັດຖະມົນຕີກະຊວງປ້ອງກັນຄວາມສະຫງົບ ລາວ ສົມແກ້ວ ສີລະວົງ

ການພົບປະມິດຕະພາບ
      ເນື່ອງໃນໂອກາດມາ ຫວຽດນາມ ເຂົ້າຮ່ວມການພົບປະມິດຕະພາບລະຫວ່າງ 3 ລັດຖະມົນຕີກະຊວງຕຳຫລວດ ຫວຽດນາມ - ກະຊວງປ້ອງກັນຄວາມສະຫງົບ ລາວ - ກະຊວງພາຍໃນ ກຳປູເຈຍ.
 
ທ່ານນາຍົກລັດຖະມົນຕີ ຫງວຽນຊວນຟຸກ ຕ້ອນຮັບທ່ານ Samdech Krolahom Sar Kheng 
      ທີ່ການຕ້ອນຮັບທ່ານຮອງນາຍົກລັດຖະມົນຕີ, ລັດຖະມົນຕີກະຊວງພາຍໃນແຫ່ງລາຊະອານາຈັກ ກຳປູເຈຍ Samdech Krolahom Sar Kheng, ທ່ານນາຍົກລັດຖະມົນຕີ ຫງວຽນຊວນຟຸກ ຢືນຢັນວ່າ ຍາມໃດກໍ່ສາມັກຄີ, ສະໜັບສະໜູນປະຊາຊົນ, ລັດຖະບານ ກຳປູເຈຍ ຕາມທິດນຳ “ຖານບ້ານບ້ານໃກ້ເຮືອນຄຽງອັນດີງາມ, ມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ, ໝັ້ນຄົງຍາວນານ”. ທ່ານນາຍົກລັດຖະມົນຕີສະເໜີກຳລັງຕຳຫລວດ 2 ປະເທດ ສືບຕໍ່ສົມທົບກັນຕໍ່ສູ້ເຮັດໃຫ້ທຸກກົນອຸບາຍທີ່ແບ່ງແຍກ, ມ້າງທຳລາຍນ້ຳໃຈສາມັກຄີ, ມິດຕະພາບ 2 ປະເທດຖືກປະລາໄຊ; ສົມທົບກັນທາບທາມຄຳເຫັນ, ສະໜັບສະໜູນເຊິ່ງກັນ ແລະ ກັນ ຢູ່ບັນດາເວທີປາໄສສາກົນຫລາຍຝ່າຍກ່ຽວກັບການຕໍ່ສູ້ປ້ອງກັນຕ້ານອາດຊະຍາກຳ.

ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ຕ້ອນຮັບທ່ານ  ສົມແກ້ວ ສີລະວົງ
      ທີ່ການຕ້ອນຮັບທ່ານລັດຖະມົນຕີກະຊວງປ້ອງກັນຄວາມສະຫງົບ ລາວ ສົມແກ້ວ ສີລະວົງ, ທ່ານນາຍົກລັດຖະມົນຕີ ຫງວຽນຊວນຟຸກ ຊີ້ແຈ້ງວ່າ ໃນສະພາບການໂລກ ແລະ ພາກພື້ນພວມຜັນແປຢ່າງສັບສົນ, ກຳລັງຕຳຫລວດ ຫວຽດນາມ ແລະ ລາວ ຄວນສືບຕໍ່ສົມທົບກັນຜັນຂະຫຍາຍການປະຕິບັດຂໍ້ຕົກລົງຂອງການນຳຂັ້ນສູງ ຫວຽດນາມ - ລາວ ເປັນຢ່າງດີ ຮັບປະກັນຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມຢູ່ແຕ່ລະປະເທດ. ພ້ອມກັນນັ້ນ, ຕັ້ງໜ້າຕໍ່ສູ້ປ້ອງກັນຕ້ານອາດຊະຍາກຳ, ສະກັດກັ້ນ, ທຳລາຍບັນດາເສັ້ນທາງຄ້າຂາຍ, ຂົນສົ່ງຢາເສບຕິດ, ອາວຸດ, ທາດລະເບີດຜ່ານຊາຍແດນຢ່າງຜິດກົດໝາຍ…
 (ແຫຼ່ງຄັດຈາກ VOV)

ສປປ.ເກົາຫຼີ ຍິງລູກສອນໄຟນຳວິຖີ

ສປປ.ເກົາຫຼີ ຍິງລູກສອນໄຟນຳວິຖີ

ວັດຖຸບິນເຊິ່ງ ສປປ.ເກົາຫຼີ ຫາກໍ່ຍິງນັ້ນ ອາດຈະແມ່ນລູກສອນໄຟນຳວິຖີ, ເບິ່ງຄືວ່າໄດ້ຕົກຢູ່ນອກເຂດເສດຖະກິດຈຳເພາະ (EEZ) ຂອງ ຍີປຸ່ນ.

Top