• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຫວຽດນາມ ຮຽກຮ້ອງຊຸກຍູ້ວິວັດທະນາການຂ້າມຜ່ານຢູ່ ຊູດັງ

      ທ່ານເອກອັກຄະລັດຖະທູດຮຽກຮ້ອງໃຫ້ ຊູດັງ ເພີ່ມທະວີການຮັບປະກັນໜ້າທີ່ແຖວໜ້າໃນການປົກປ້ອງສາມັນຊົນ ແລະ ແກ້ໄຂບັນດາບັນຫາການໃຊ້ຄວາມຮຸນແຮງລະຫວ່າງບັນດາປະຊາຄົມຢ່າງເຖິງກົກເຖິງປາຍ
(ທ່ານເອກອັກຄະລັດຖະທູດ ຟ້າມຫາຍແອັງ)
      ວັນທີ 14 ກັນຍາ, ສະພາຄວາມໝັ້ນຄົງສະຫະປະຊາຊາດໄດ້ຈັດກອງປະຊຸມກ່ຽວກັບການເຄື່ອນໄຫວຂອງຄະນະກຳມະການຂຶ້ນກັບສະພາຄວາມໝັ້ນຄົງກ່ຽວຂ້ອງເຖິງ ຊູດັງ (ຄະນະກຳມະການ 1591), ກ່ຽວກັບສະພາບການຢູ່ ຊູດັງ ແລະ ການເຄື່ອນໄຫວຂອງຄະນະປະຕິບັດງານໜູນຊ່ວຍຂ້າມຜ່ານເປັນເອກະພາບຂອງສະຫະປະຊາຊາດຢູ່ປະເທດນີ້ (UNITAMS).
      ທີ່ກອງປະຊຸມ, ທ່ານເອກອັກຄະລັດຖະທູດ ຟ້າມຫາຍແອັງ, ຮອງຫົວໜ້າຄະນະຜູ້ຕາງໜ້າຫວຽດນາມ ປະຈຳສະຫະປະຊາຊາດ, ໄດ້ຮັບຮູ້ບັນດາບາດກ້າວພັດທະນາຢູ່ ຊູດັງ ໃນໄລຍະຜ່ານມາ ແລະ ຮຽກຮ້ອງລັດຖະບານ ແລະ ບັນດາຝ່າຍທີ່ກ່ຽວຂ້ອງຢູ່ ຊູດັງ ຊຸກຍູ້ວິວັດທະນາການຂ້າມຜ່ານໃຫ້ເໝາະສົມກັບຂໍ້ຕົກລົງສັນຕິພາບໃນວັນທີ 03 ຕຸລາ 2020, ໃນນັ້ນມີການຊຸກຍູ້ການເຂົ້າຮ່ວມຂອງແມ່ຍິງ ແລະ ໄວໜຸ່ມ. ທ່ານເອກອັກຄະລັດຖະທູດຮຽກຮ້ອງໃຫ້ ຊູດັງ ເພີ່ມທະວີການຮັບປະກັນໜ້າທີ່ແຖວໜ້າໃນການປົກປ້ອງສາມັນຊົນ ແລະ ແກ້ໄຂບັນດາບັນຫາການໃຊ້ຄວາມຮຸນແຮງລະຫວ່າງບັນດາປະຊາຄົມຢ່າງເຖິງກົກເຖິງປາຍ, ໃນນັ້ນມີການເພີ່ມທະວີການສົນທະນາ ແລະ ໄກເກ່ຍປອງດອງ. ທ່ານເອກອັກຄະລັດຖະທູດຮຽກຮ້ອງໃຫ້ປະຊາຄົມສາກົນ ສືບຕໍ່ໜູນຊ່ວຍມະນຸດສະທຳ ແລະ ສ້າງເງື່ອນໄຂໃຫ້ ຊູດັງ ສຳຜັດກັບບັນດາແຫຼ່ງການເງິນສາກົນກວ່າອີກ, ພ້ອມກັນນັ້ນຢືນຢັນຄືນໃໝ່ການສະໜັບສະໜູນສຳລັບບັນດາຄວາມມານະພະຍາຍາມຂອງສະຫະປະຊາຊາດ, UNITAMS, ບັນດາຄູ່ຮ່ວມມືຢູ່ພາກພື້ນ ແລະ ສາກົນໃນການໜູນຊ່ວຍວິວັດທະນາຂ້າມຜ່ານ ແລະ ການພັດທະນາຢູ່ ຊູດັງ.
(ແຫຼ່ງຄັດຈາກ VOV)

ຄະ​ນະ​ຜູ້​ແທ​ນ​ຂັ້ນ​ສູງ ລາວ, ກຳ​ປູ​ເຈຍ ຈະ​ເຂົ້າ​ຮ່ວມ​ພິ​ທີ​ສະ​ເຫຼີມ​ສະຫຼອງ 50 ປີ ແຫ່ງວັນ​ປົດ​ປ່ອຍ​ພາກ​ໃຕ້

ຄະ​ນະ​ຜູ້​ແທ​ນ​ຂັ້ນ​ສູງ ລາວ, ກຳ​ປູ​ເຈຍ ຈະ​ເຂົ້າ​ຮ່ວມ​ພິ​ທີ​ສະ​ເຫຼີມ​ສະຫຼອງ 50 ປີ ແຫ່ງວັນ​ປົດ​ປ່ອຍ​ພາກ​ໃຕ້

ຄະນະຜູ້ແທນຂັ້ນສູງພັກ ແລະ ລັດ ລາວ ໂດຍທ່ານເລຂາທິການໃຫຍ່ພັກປະຊາຊົນປະຕິວັດລາວ, ປະທານປະເທດແຫ່ງ ສປປ. ລາວ ທອງລຸນ ສີສຸດລິດ ຈະນຳໜ້າຄະນະມາເຂົ້າຮ່ວມພິທີສະເຫຼີມສະຫຼອງ 50 ປີແຫ່ງວັດປົດປ່ອຍພາກໃຕ້ ຫວຽດນາມ, ທ້ອນໂຮມປະເທດຊາດເປັນເອກະພາບ ແຕ່ວັນທີ 28 – 30 ເມສາ 2025;

Top