• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຫວຽດນາມ ສະໜັບສະໜູນບັນດາຂໍ້ລິເລີ່ມ ແລະ ການກະທຳເພື່ອແນໃສ່ຊຸກຍູ້ “ວຽກເຮັດງານທຳໃຫ້ສົມເຫດສົມຜົນ ແລະ ພື້ນຖານເສດຖະກິດສາມັກຄີ”

ທ່ານ ດ່າວງອັກຢູງ, ລັດຖະມົນຕີກະຊວງແຮງງານ - ທະຫານເສຍອົງຄະ ແລະ ສັງຄົມ ຫວຽດນາມ ໄດ້ກ່າວຄຳເຫັນແບບທາງໄກທີ່ວາລະປະຊຸມຄັ້ງທີ 110 ຂອງກອງປະຊຸມແຮງງານສາກົນ
  ທ່ານ ດ່າວງອັກຢູງ, ລັດຖະມົນຕີກະຊວງແຮງງານ - ທະຫານເສຍອົງຄະ ແລະ ສັງຄົມ ຫວຽດນາມ (ພາບ: Molisa)  

 ຕອນເຊົ້າວັນທີ 8 ມິຖຸນາ, ທີ່ເຊີແນວ, ປະເທດສະວິດ (ກົງກັບເວລາ 16 ໂມງ ຕອນບ່າຍຕາມເວລາ ຫວຽດນາມ), ທ່ານ ດ່າວງອັກຢູງ, ລັດຖະມົນຕີກະຊວງແຮງງານ - ທະຫານເສຍອົງຄະ ແລະ ສັງຄົມ ຫວຽດນາມ ໄດ້ກ່າວຄຳເຫັນແບບທາງໄກທີ່ວາລະປະຊຸມຄັ້ງທີ 110 ຂອງກອງປະຊຸມແຮງງານສາກົນ, ເຊິ່ງໄດ້ຮັບການຈັດຕັ້ງຕາມຮູບແບບທາງໄກສົມທົບກັບແບບເຊິ່ງໜ້າທີ່ສຳນັກງານຂອງອົງການແຮງງານສາກົນ (ILO).

ທ່ານລັດຖະມົນຕີ ດ່າວງອັກຢູງ ໄດ້ຊົມເຊີຍ ແລະ ເຫັນດີເປັນເອກະພາບສູງຕໍ່ຫົວຂໍ້ຂອງກອງປະຊຸມ, ພ້ອມທັງສະໜັບສະໜູນບັນດາຂໍ້ລິເລີ່ມ, ການກະທຳຂອງອົງການ ILO ເພື່ອແນໃສ່ຊຸກຍູ້ວຽກເຮັດງານທຳໃຫ້ສົມເຫດສົມຜົນ ແລະ ພື້ນຖານເສດຖະກິດສາມັກຄີ:

“ຍາມໃດ ຫວຽດນາມ ກໍ່ມີທັດສະນະສະເໝີຕົ້ນສະເໝີປາຍຕໍ່ການພັດທະນາຢ່າງຮອບດ້ານ, ກວມລວມ ແລະ ໝັ້ນຄົງເພື່ອມະນຸດ; ຖືມະນຸດເປັນໃຈກາງຂອງວິວັດການພັດທະນາ, ບໍ່ຈຳແນກເພດ, ເກນອາຍຸ, ຊົນເຜົ່າ, ສາສະໜາ, ພາກສ່ວນ ແລະ ຖານະຕຳແໜ່ງໃນສັງຄົມ. ຫວຽດນາມ ສະໜັບສະໜູນ ILO ຊຸກຍູ້ພື້ນຖານເສດຖະກິດສາມັກຄີ, ພັດທະນາແບບຍືນຍົງ ແລະ ພິເສດແມ່ນເຫັນດີເຫັນພ້ອມເລື່ອງກອງປະຊຸມຈະປຶກສາຫາລືເພື່ອນຳເອົາເງື່ອນໄຂກ່ຽວກັບຄວາມປອດໄພ, ສຸຂະອະນາໄມແຮງງານເຂົ້າໃນຖະແຫຼງການປີ 1998 ວ່າດ້ວຍບັນດາຫຼັກການ ແລະ ສິດພື້ນຖານທີ່ບ່ອນເຮັດວຽກ. ຫວຽດນາມ ໃຫ້ຄຳໝັ້ນສັນຍາຈະຮ່ວມແຮງຮ່ວມໃຈກັບບັນດາປະເທດສະມາຊິກເພື່ອແກ້ໄຂບັນດາສິ່ງທ້າທາຍຂອງວຽກເຮັດງານທຳ, ພ້ອມທັງຫວັງວ່າ ILO ຈະສືບຕໍ່ໜູນຊ່ວຍ ຫວຽດນາມ ຮັບປະກັນວຽກເຮັດງານທຳໃຫ້ສົມເຫດສົມຜົນໃນສະພາບການໂລກມີການຜັນແປຫລາຍຢ່າງ.”

(ແຫຼ່ງຄັດຈາກ VOV)

ທ່ານເລຂາທິການໃຫຍ່ ຫງວຽນຝູຈ້ອງ - ຜູ້ນຳປີຊາສາມາດ, ອຸທິດສ່ວນຕະຫຼອດຊີວິດຂອງຕົນເພື່ອປະເທດຊາດ, ເພື່ອປະຊາຊົນ

ທ່ານເລຂາທິການໃຫຍ່ ຫງວຽນຝູຈ້ອງ - ຜູ້ນຳປີຊາສາມາດ, ອຸທິດສ່ວນຕະຫຼອດຊີວິດຂອງຕົນເພື່ອປະເທດຊາດ, ເພື່ອປະຊາຊົນ

ທ່ານເລຂາທິການໃຫຍ່ ຫງວຽນຝູຈ້ອງ, ເຊິ່ງແມ່ນຜູ້ມີພູມປັນຍາໃຫຍ່, ມີຄວາມເກັ່ງກ້າສາມາດໃຫຍ່ຂອງການປະຕິວັດ ຫວຽດນາມ, ແມ່ນນັກແນວຄິດ, ນັກວັດທະນະທຳ, ຄັນທຸງທິດສະດີຂອງພັກ, ນັກຮຽນດີເລີດທີ່ໄດ້ຮ່ຳຮຽນຢ່າງບໍ່ຢຸດຢັ້ງ.

Top