• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ຫວຽດນາມ ປະສົບຜົນສຳເລັດໃນຂົງເຂດສ້າງຄວາມສະເໝີພາບລະຫວ່າງຍິງ-ຊາຍ

      ຫວຽດນາມ ໄດ້ປະສົບຜົນສຳເລັດໃນຂົງເຂດສ້າງຄວາມສະເໝີພາບລະຫວ່າງຍິງ-ຊາຍທົ່ວໂລກ”, ນັ້ນແມ່ນການຕີລາຄາຂອງທ່ານນາງ Elisa Fernandez Saenz ຫົວໜ້າຜູ້ຕາງໜ້າອົງການສະຫະປະຊາຊາດ ຫວ່າງແລ້ວນີ້ ກ່ຽວກັບບັນຫາຄວາມສະເໝີພາບລະຫວ່າງຍິງ-ຊາຍ ແລະ ມອບສິດໃຫ້ແມ່ຍິງຢູ່ ຫວຽດນາມ. ສະຫະປະຊາຊາດກໍ່ຕີລາຄາວ່າ ຫວຽດນາມ ແມ່ນໜຶ່ງໃນບັນດາປະເທດສາມາດລົບລ້າງຄວາມແຕກໂຕ່ນກັນລະຫວ່າງຍິງ-ຊາຍໄວທີ່ສຸດ ໃນຮອບ 20 ປີຜ່ານມາ.

ທ່ານນາງ ຫງວຽນທິກິມເງິນ (ພາບ: TTXVN)
      ໄດ້ຍົກອອກໃນແຖວຕົວໜັງສືທຳອິດຂອງກົດບັດສະຫະປະຊາຊາດ ເຊິ່ງໄດ້ຮັບການຮັບຮອງເອົາກ່ອນນີ້ 75 ປີ. ຫວຽດນາມ ໄດ້ຕັ້ງໜ້າຫັນບັນດາເປົ້າໝາຍຂອງສະຫະປະຊາຊາດກາຍເປັນຈິງຢ່າງມີຊີວິດຊີວາ, ເມື່ອສະຫງວນບັນດາບຸລິມະສິດໃດໜຶ່ງໃຫ້ແກ່ວຽກງານສະເໝີພາບລະຫວ່າງຍິງ-ຊາຍ. ນັບແຕ່ເມື່ອສ້າງລັດຖະທຳມະນູນສະບັບທຳອິດໃນປີ 1946, ກ່ຽວກັບບັນຫາຄວາມສະເໝີພາບລະຫວ່າງຍິງ-ຊາຍມາຮອດປະຈຸບັນ, ຫວຽດນາມ ໄດ້ສ້າງກອບກົດໝາຍ, ນະໂຍບາຍກ່ຽວກັບຄວາມສະເໝີພາບລະຫວ່າງຍິງ-ຊາຍໃຫ້ສົມບູນແບບ. ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ, ປະທານສະພາແຫ່ງຊາດຍິງຄົນທຳອິດໃນປະຫວັດສາດ ຫວຽດນາມ, ຢັ້ງຢືນການຊຸກຍູ້ຄວາມສະເໝີພາບລະຫວ່າງຍິງ-ຊາຍ ແລະ ສິດຂອງແມ່ຍິງແມ່ນແຜນນະໂຍບາຍສະເໝີຕົ້ນສະເໝີປາຍຂອງລັດ ຫວຽດນາມ, ເຊິ່ງໄດ້ລະບຸໃນລັດຖະທຳມະນູນ ແລະ ໄດ້ຮັບປະກັນຢ່າງແທ້ຈິງ. ທ່ານນາງ ຫງວຽນທິກິມເງິນ ໃຫ້ຮູ້ວ່າ:
        “ຢູ່ ຫວຽດນາມ, ຊຸກຍູ້ຄວາມສະເໝີພາບລະຫວ່າງຍິງ-ຊາຍ ແລະ ມອບສິດໃຫ້ແມ່ຍິງ ຍາມໃດກໍ່ແມ່ນນະໂຍບາຍສະເໝີຕົ້ນສະເໝີປາຍ ແລະ ລຸລ່ວງຂອງລັດ. ບົນພື້ນຖານການກຳນົດຂອງລັດຖະທຳມະນູນແລ້ວ, ສະພາແຫ່ງຊາດ ຫວຽດນາມ ໄດ້ສ້າງລະບົບບັນດາເອກະສານນິຕິກຳ ແນໃສ່ປົກປັກຮັກສາ ແລະ ຊຸກຍູ້, ຍົກສູງ, ມອບສິດໃຫ້ແມ່ຍິງ, ພ້ອມທັງ ຍາມໃດກໍ່ມີຄວາມເອົາໃຈໃສ່, ຕິດຕາມການປະຕິບັດກົດໝາຍ, ຜັນຂະຫຍາຍບັນດານະໂຍບາຍຂອງລັດຖະບານ, ບັນດາກະຊວງ, ຂະແໜງການໃນຂົງເຂດສຳຄັນດັ່ງກ່າວ.
        ປີ 2006, ຫວຽດນາມ ໄດ້ປະກາດໃຊ້ກົດໝາຍວ່າດ້ວຍຄວາມສະເໝີພາບລະຫວ່າງຍິງ-ຊາຍ, ໃນນັ້ນ ຮຽກຮ້ອງໃຫ້ບັນດາອົງການລັດຖະບານ ແລະ ຄະນະກຳມະການປະຊາຊົນທຸກຂັ້ນ ປະຕິບັດຄວາມຮັບຜິດຊອບຂອງຕົນ ໃນການຄຸ້ມຄອງລັດກ່ຽວກັບຄວາມສະເໝີພາບລະຫວ່າງຍິງ-ຊາຍ. ທ່ານນາງ ຫງວຽນທິຮ່າ, ຮອງລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ, ຮອງປະທານຜູ້ປະຈຳການຄະນະກຳມະການແຫ່ງຊາດເພື່ອຄວາມກ້າວໜ້າຂອງແມ່ຍິງ ຫວຽດນາມ ໃຫ້ຮູ້ວ່າ:
        “ວຽກງານສະເໝີພາບລະຫວ່າງຍິງ-ຊາຍ ຢູ່ ຫວຽດນາມ ໃນເບື້ອງຕົ້ນໄດ້ສ້າງການຫັນປ່ຽນຢ່າງຕັ້ງໜ້າກ່ຽວກັບຄວາມຮັບຮູ້ ແລະ ການກະທຳຂອງການນຳທຸກຂັ້ນ ແລະ ພະນັກງານ, ລັດຖະກອນ, ພາລະກອນ ແລະ ປະຊາຊົນ, ປະກອບສ່ວນຍົກສູງບົດບາດ, ທີ່ຕັ້ງຂອງແມ່ຍິງໃນຄອບຄົວ ແລະ ສັງຄົມ. ບາງດັດຊະນີການພັດທະນາໄດ້ຮັບການປັບປຸງ ໄດ້ນຳ ຫວຽດນາມ ເລື່ອນຂຶ້ນອັນດັບສູງກ່ວາ ແລະ ປະຊາຄົມສາກົນໄດ້ຕີລາຄາສູງກ່ຽວກັບບັນດາຄວາມມານະພະຍາຍາມໃນການປະຕິບັດຄວາມສະເໝີພາບລະຫວ່າງຍິງ-ຊາຍ.
        ໃນຫລາຍທົດສະວັດຜ່ານມາ, ຫວຽດນາມ ໄດ້ກາຍເປັນໜຶ່ງໃນບັນດາປະເທດຢູ່ພາກພື້ນອາຊີ - ປາຊີຟິກ ບັນລຸໄດ້ບາດກ້າວຄືບໜ້າດີພໍສົມຄວນກ່ຽວກັບການຊຸກຍູ້ຄວາມສະເໝີພາບລະຫວ່າງຍິງ-ຊາຍໃນຫລາຍຂົງເຂດເສດຖະກິດ-ສັງຄົມ.
        ຫວຽດນາມ ກໍ່ແມ່ນໜຶ່ງໃນບັນດາປະເທດເຂົ້າຮ່ວມການລົງນາມໃນເອກະສານສາກົນກ່ຽວກັບຄວາມສະເໝີພາບລະຫວ່າງຍິງ-ຊາຍ, ສິດຂອງແມ່ຍິງ ແລະ ມອບສິດໃຫ້ແມ່ຍິງຫລາຍສະບັບ. ພາຍຫລັງເກືອບ 40 ປີ ນັບແຕ່ເມື່ອປະຕິບັດສົນທິສັນຍາສະຫະປະຊາຊາດກ່ຽວກັບການລົບລ້າງບັນດາຮູບການຈຳແນກການປະພຶດຕ້ານແມ່ຍິງ, ເກືອບ 15 ປີນັບແຕ່ເມື່ອກົດໝາຍວ່າດ້ວຍຄວາມສະເໝີພາບລະຫວ່າງຍິງຊາຍມີຜົນສັກສິດ ແລະ 10 ປີແຫ່ງການປະຕິບັດຍຸດທະສາດແຫ່ງຊາດກ່ຽວກັບຄວາມສະເໝີພາບລະຫວ່າງຍິງ-ຊາຍ, ຫວຽດນາມ ບັນລຸໄດ້ຜົນງານສຳຄັນຫລາຍຢ່າງກ່ຽວກັບຄວາມສະເໝີພາບລະຫວ່າງຍິງ-ຊາຍ, ພິເສດແມ່ນບັນດາບາດກ້າວບຸກທະລຸກ່ຽວກັບຄວາມຮັບຮູ້ ແລະ ການກະທຳ. ຫວຽດນາມ ໄດ້ຮັບການຕີລາຄາວ່າ ແມ່ນໜຶ່ງໃນບັນດາປະເທດລົບລ້າງຄວາມແຕກໂຕ່ນກັນລະຫວ່າງຍິງ-ຊາຍຢ່າງວ່ອງໄວທີ່ສຸດໃນຮອບເວລາ 20 ປີຜ່ານມາ. ບໍ່ພຽງແຕ່ເທົ່ານັ້ນ, ຫວຽດນາມ ຍັງປະກອບສຽງເວົ້າສຳຄັນໃນການຊຸກຍູ້ຄວາມສະເໝີພາບລະຫວ່າງຍິງ-ຊາຍທົ່ວໂລກ ອີກດ້ວຍ. ທ່ານນາງ Naomi Kitahara, ຫົວໜ້າຜູ້ຕາງໜ້າກອງທຶນປະຊາກອນສະຫະປະຊາຊາດປະຈຳ ຫວຽດນາມ, ແບ່ງປັນວ່າ:
        “ຫວຽດນາມ ໄດ້ກາຍເປັນໜຶ່ງໃນບັນດາປະເທດຢູ່ພາກພື້ນອາຊີ - ປາຊີຟິກ ບັນລຸໄດ້ບັນດາບາດກ້າວຄືບໜ້າດີ ທີ່ກ່ຽວຂ້ອງເຖິງຄວາມສະເໝີພາບລະຫວ່າງຍິງ-ຊາຍ. ພວກຂ້າພະເຈົ້າ ໄດ້ຮັບຮູ້ບັນດາຜົນງານເປັນໜ້າຊື່ນຊົມກ່ຽວກັບການຊຸກຍູ້ສິດ ແລະ ການຊີ້ນຳນຳພາຂອງແມ່ຍິງ, ພິເສດແມ່ນໃນຂົງເຂດສາທາລະນະສຸກ, ການສຶກສາ ແລະ ໂດຍຜ່ານການຍູ້ແຮງກອບກົດໝາຍ ແລະ ລະບອບລະບຽບການຢູ່ ຫວຽດນາມ. ຄວາມສະເໝີພາບລະຫວ່າງຍິງ-ຊາຍ ບໍ່ພຽງແຕ່ແມ່ນສິດພື້ນຖານຂອງປະຊາຊົນເທົ່ານັ້ນ ຫາກຍັງແມ່ນພື້ນຖານຈຳເປັນໃຫ້ແກ່ສັງຄົມແຫ່ງສັນຕິພາບ ແລະ ວັດທະນາຖາວອນອີກດ້ວຍ.
        ຫວຽດນາມ ພວມປະເຊີນໜ້າກັບບັນດາສິ່ງທ້າທາຍໃໝ່ ກ່ຽວກັບຄວາມສະເໝີພາບລະຫວ່າງຍິງ-ຊາຍ ຍ້ອນຜົນກະທົບຂອງເສດຖະກິດທົ່ວໂລກ, ການພັດທະນາຢ່າງແຮງຂອງການປະຕິວັດເຕັກໂນໂລຊີ 4.0, ໄພພິບັດທຳມະຊາດ ແລະ ການປ່ຽນແປງຂອງດິນຟ້າອາກາດ ແລະ ບັນດາການປ່ຽນແປງກ່ຽວກັບປະຊາກອນວິທະຍາ. ບັນດາສິ່ງທ້າທາຍດັ່ງກ່າວ ມັນຮຽກຮ້ອງໃຫ້ຕ້ອງສ້າງບັນດານະໂຍບາຍ ແລະ ມີການກະທຳລະອຽດ ເພື່ອຮັກສາບັນດາຜົນງານທີ່ບັນລຸໄດ້ໃຫ້ໝັ້ນຄົງ, ພ້ອມທັງແກ້ໄຂບັນດາບັນຫາຍິງ-ຊາຍ ພວມຄົງຄ້າງຢູ່ ກໍ່ຄືບັນດາບັນຫາຍິງ-ຊາຍທີ່ເກີດຂຶ້ນໃນໄລຍະຈະມາເຖິງ. ຫວຽດນາມ ໄດ້ຮຽກຮ້ອງບັນດາຄວາມມານະພະຍາຍາມລວມຫລາຍກ່ວາອີກ ຈາກບັນດາກະຊວງ, ຄະນະ, ຂະແໜງການ ແລະ ລັດຖະບານ, ອົງການຈັດຕັ້ງສັງຄົມ, ພາກເອກະຊົນ ແລະ ບັນດາອົງການຈັດຕັ້ງຂອງສະຫະປະຊາຊາດ ໃນການຊຸກຍູ້ວິວັດທະນາການມຸ່ງໄປເຖິງການພັດທະນາແບບຍືນຍົງໃນປີ 2030, ເພື່ອບໍ່ປະໃຫ້ຜູ້ໃດຖືກຕົກຢູ່ທາງຫລັງ./.
 (ແຫຼ່ງຄັດຈາກ VOV)

ໜູນຊ່ວຍ ຮ່າໂນ້ຍ ສ້າງຕ່ອງໂສ້ມູນຄ່າຜະລິດຕະພັນກະເສດ, ປ່າໄມ້ ແລະ ສິນໃນນຳ້ແບບຍືນຍົງຈຳນວນໜຶ່ງ

ໜູນຊ່ວຍ ຮ່າໂນ້ຍ ສ້າງຕ່ອງໂສ້ມູນຄ່າຜະລິດຕະພັນກະເສດ, ປ່າໄມ້ ແລະ ສິນໃນນຳ້ແບບຍືນຍົງຈຳນວນໜຶ່ງ

ວັນທີ 11 ສິງຫາ 2022, ກົມຄຸ້ມຄອງຄຸນນະພາຜະລິດຕະພັນກະເສດ, ປ່າໄມ້ ແລະ ສິນໃນນຳ້ (ກະຊວງກະສິກຳ ແລະ ພັດທະນາຊົນນະບົດ) ສົມທົບກັບພະແນກກະສິກຳ ແລະ ພັດທະນາຊົນນະບົດ ຮ່າໂນ້ຍ ແລະ ຝ່າຍ ການາດາ ດຳເນີນໂຄງການຄວາມປອດໄພດ້ານສະບຽງອາຫານເພື່ອພັດທະນາ, ຈັດຕັ້ງພິທີລົງນາມ ແລະ ເລີ່ມປະຕິບັດແຜນການສົມທົບກັນໜູນຊ່ວຍ ຮ່າໂນ້ຍ ໃນການກໍ່ສ້າງ ແລະ ພັດທະນາຕ່ອງໂສ້ຄຸນຄ່າຜະລິດຕະພັນກະເສດ, ປ່າໄມ້ ແລະ ສິນໃນນຳ້ແບບຍືນຍົງຈຳນວນໜຶ່ງ.

Top