ຂ່າວສານ

ຫວຽດນາມ ຕັ້ງໜ້າຕອບສະໜອງວັນບໍລິຈາກເລືອດໃນໂລກ

15/06/2020

ວັນທີ 14 ມິຖຸນາ ແມ່ນວັນ “ບໍລິຈາກເລືອດໃນໂລກ”. ນີ້ແມ່ນໂອກາດເພື່ອເຊີດຊູການກະທຳອັນສູງສົ່ງຂອງຜູ້ບໍລິຈາກເລືອດ, ເຊິ່ງໄດ້ກູ້ເອົາຊີວິດໃຫ້ຄົນເຈັບໃນໂລກນັບຫລາຍລ້ານຄົນໃນແຕ່ລະປີ. ຢູ່ຫວຽດນາມ, ມີການເຄື່ອນໄຫວຫລາຍຢ່າງທີ່ມີຄວາມໝາຍ ພວມດຳເນີນໄປ.

(ພາບປະກອບ/TTXVN)

ວັນທີ 13 ມິຖຸນາ, ທີ່ວັດ ກ໊ວານຊື - ສຳນັກງານສູນກາງສະມາຄົມພຸດທະສາສະໜາ ຫວຽດນາມ, ຄະນະປະຈຳສະພາບໍລິຫານງານສະມາຄົມພຸດທະສາສະໜາ ຫວຽດນາມ ໄດ້ສົມທົບກັບສູນກາງສະພາກາແດງ ຫວຽດນາມ ແລະ ສະຖາບັນໂລຫິດສາດ - ສົ່ງເລືອດສູນກາງ ຈັດຕັ້ງວັນບຸນ “ບໍລິຈາກເລືອດກູ້ເອົາຊີວິດ”.

ເຂົ້າຮ່ວມເຫດການດັ່ງກ່າວມີບັນດາຜູ້ມີຍົດຖາບັນດາສັກສູນກາງສະມາຄົມພຸດທະສາສະໜາ ຫວຽດນາມ, ຜູ້ຕາງໜ້າບັນດາກະຊວງ, ຂະແໜງການ, ອົງການຈັດຕັ້ງ ແລະ ພະສົງສຳມະເນເນ, ພຸດທະສາສະນິກກະຊົນປະມານ 300 ຄົນສະໝັກໃຈເຂົ້າຮ່ວມການບໍລິຈາກເລືອດມະນຸດສະທຳ. ໃນລະຫວ່າງວັນທີ 13 – 14 ມິຖຸນາ, ຄະນະຊີ້ນຳການບໍລິຈາກເລືອດສະໝັກໃຈນະຄອນ ຫາຍຟ່ອງ ຈັດຕັ້ງວັນບຸນບໍລິຈາກເລືອດ ແລະ ເຊີດຊູຜູ້ບໍລິຈາກເລືອດດີເດັ່ນປີ 2020 ຢູ່ມະຫາວິທະຍາໄລການແພດການຢາ ຫາຍຟ່ອງ.

(ແຫຼ່ງຄັດຈາກ VOV)

ໄຂກອງປະຊຸມສະໄໝສາມັນເທື່ອທີ 10 ສະພາແຫ່ງຊາດ ຫວຽດນາມ ຊຸດທີ 15

20/10/2025
ຂ່າວສານ

ຕອນເຊົ້າວັນທີ 20 ຕຸລາ, ຢູ່ຫໍປະຊຸມ ຢຽນຮົ່ງ, ຮ່າໂນ້ຍ, ສະພາແຫ່ງຊາດ ຫວຽດນາມ ໄດ້ໄຂກອງປະຊຸມສະໄໝສາມັນເທື່ອທີ 10, ເຊິ່ງແມ່ນກອງປະຊຸມຄັ້ງສຸດທ້າຍຂອງສະພາແຫ່ງຊາດ ຫວຽດນາມ ຊຸດທີ 15. ກອງປະຊຸມວຽກງານຫຼາຍທີ່ສຸດຂອງ ອາຍຸການ, ຄາດວ່າ ດຳເນີນເປັນເວລາປະມານ 40 ວັນ. ເຂົ້າຮ່ວມວາລະໄຂກອງປະຊຸມ, ມີທ່ານເລຂາທິການໃຫຍ່ພັກກອມມູນິດ ຫວຽດນາມ ໂຕເລິມ, ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິນຈິງ ແລະ ທ່ານປະທານສະພາແຫ່ງຊາດ ເຈິ່ນແທັງເໝີ້ນ.