• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ສື່ມວນຊົນແບນຊິກ: ການຢ້ຽມຢາມຂອງທ່ານປະທານສະພາແຫ່ງຊາດ ເວືອງດິ່ງເຫວ້ ໄດ້ຍົກລະດັບການພົວພັນລະຫວ່າງ ອີຢູ - ຫວຽດນາມ

      ໃນຂອບເຂດການເດີນທາງໄປປະຕິບັດງານຢູ່ເອີຣົບ, ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວ້ ໄດ້ຢ້ຽມຢາມ ແລະ ເຮັດວຽກກັບລັດຖະສະພາເອີຣົບ, ລາຊະອານາຈັກ ແບນຊິກ ແຕ່ວັນທີ 8 ຫາ ວັນທີ 9 ກັນຍາ. ຫຼາຍໜັງສືພິມທີ່ມີຄວາມໄວ້ວາງໃຈຂອງ ແບນຊິກ ເຊັ່ນ Brussels Times, EU Today…. ໄດ້ລົງຂ່າວ, ບົດ ຕີລາຄາກ່ຽວກັບການຢ້ຽມຢາມທີ່ສ້າງກຳລັງໜູນຊຸກຍູ້ການພົວພັນລະຫວ່າງ ຫວຽດນາມ ແລະ ແບນຊິກ ເວົ້າສະເພາະ, ຫວຽດນາມ - ອີຢູ ເວົ້າລວມ ພັດທະນາຂຶ້ນສູ່ລະດັບສູງໃໝ່ໃນໄລຍະຈະມາເຖິງ.
ທ່ານປະທານສະພາແຫ່ງຊາດ ເວືອງດິ່ງເຫວ້ ແລະ ທ່ານນາງປະທານສະພາຕ່ຳ ແບນຊິກ  Elliance Tillieux ພ້ອມດ້ວຍບັນດາຜູ້ແທນ (ພາບ: TTXVN)
      ບົດຂຽນ “ສາຍພົວພັນ ຫວຽດນາມ - ອີຢູ ຂຶ້ນສູ່ລະດັບສູງໃໝ່” ໄດ້ເອົາລົງໃນໜັງສືພິມ Brussels Times ໄດ້ຫວນຄືນວິວັດການພັດທະນາຢ່າງຕັ້ງໜ້າຂອງການພົວພັນລະຫວ່າງ ອີຢູ ກັບ ຫວຽດນາມ ໃນໄລຍະເວລາກວ່າ 30 ປີທີ່ຜ່ານມາ, ໃນນັ້ນ ບັນດາອົງການນິຕິບັນຍັດສອງຝ່າຍ ແມ່ນສວມບົດບາດສຳຄັນ. ຜູ້ຂຽນ ກໍໄດ້ເນັ້ນໜັກວ່າ ທ່ານປະທານສະພາແຫ່ງຊາດຫວຽດນາມ ເວືອງດິ່ງເຫວ້ ແມ່ນການນຳສູງຂັ້ນສູງທຳອິດຂອງ ຫວຽດນາມ ທີ່ເດີນທາງໄປປະຕິບັດງານຢູ່ເອີຣົບ ນັບແຕ່ຫຼັງກອງປະຊຸມໃຫຍ່ຄັ້ງທີ XIII  ຂອງພັກ ແລະ ການເລືອກຕັ້ງສະພາແຫ່ງຊາດຊຸດທີ XV  ຢູ່ ຫວຽດນາມ. ການຢ້ຽມຢາມໄດ້ເປັນການປະກອບສ່ວນຢັ້ງຢືນແຜນນະໂຍບາຍສືບຕໍ່ຖືເປັນສຳຄັນ ແລະ ເພີ່ມທະວີການພົວພັນຮ່ວມມືກັບ ສະຫະພາບເອີຣົບ (ອີຢູ) ແລະ ແບນຊິກ ຂອງຄະນະການນຳຊຸດໃໝ່ຢູ່ ຫວຽດນາມ.
      ໜັງສືພິມ EU Today ກໍໄດ້ລົງບົດຂຽນດ້ວຍຫົວຂໍ້ “ການພົວພັນ ອີຢູ - ຫວຽດນາມ - ແບນຊິກ: ທິດກ້າວເດີນໃໝ່ພາຍຫຼັງໂລກລະບາດ” ໄດ້ຕີລາຄາຢ່າງຕັ້ງໜ້າກ່ຽວກັບແງ່ຫວັງການຮ່ວມມືລະຫວ່າງຫວຽດນາມ ກັບ ອີຢູ ເວົ້າລວມ ແລະ ແບນຊິກ ເວົ້າສະເພາະ. ຜູ້ຂຽນກໍໄດ້ໃຫ້ຂໍ້ສັງເກດວ່າ ການລົງນາມໃນສົນທິສັນຍາ EVFTA ແລະ ສົນທິສັນຍາອາລັກຂາການລົງທຶນ ຫວຽດນາມ - ອີຢູ (EVIPA) ໄດ້ເປີດໜ້າສັງກາດໃໝ່ທີ່ສົດໃສໃຫ້ແກ່ສາຍພົວພັນຮ່ວມມືລະຫວ່າງ ອີຢູ, ແບນຊິກ ກັບ ຫວຽດນາມ. ຜູ້ຂຽນກໍໄດ້ຕີລາຄາວ່າ ການຢ້ຽມຢາມຂອງທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວ້ ໄດ້ເປີດໄລຍະໃໝ່ໃຫ້ແກ່ການພົວພັນລະຫວ່າງສອງຝ່າຍ.
(ແຫຼ່ງຄັດຈາກ VOV)

ໄຂກອງປະຊຸມສຸດຍອດສະພາແຫ່ງຊາດ 3 ປະເທດ ກຳປູເຈຍ - ລາວ - ຫວຽດນາມ ຄັ້ງທີ 1

ໄຂກອງປະຊຸມສຸດຍອດສະພາແຫ່ງຊາດ 3 ປະເທດ ກຳປູເຈຍ - ລາວ - ຫວຽດນາມ ຄັ້ງທີ 1

ກ່າວຄຳເຫັນໄຂກອງປະຊຸມ, ທ່ານ ທອງລຸນ ສີສຸລິດ, ເລຂາທິການໃຫຍ່, ປະທານປະເທດ ສປປ ລາວ ໄດ້ຕີລາຄາສູງຂໍ້ລິເລີ່ມຈັດກອງປະຊຸມ CLV.

Top