ທ່ານຮອງນາຍົກລັດຖະມົນຕີ ຟ້າມບີງມີງກ່າວຄຳເຫັນທີ່ການພົບປະ
ພາບ:TTXVN
ວັນທີ 3/2 ຢູ່ ຮ່າໂນ້ຍ, ກະຊວງການຕ່າງປະເທດ ຫວຽດນາມ ໄດ້ຈັດຕັ້ງການພົບປະກັບສື່ມວນຊົນ ເນື່ອງໃນໂອກາດປີໃຫມ່ປີວອກ 2016. ກ່າວຄຳເຫັນທີ່ການພົບປະ, ທ່ານຮອງນາຍົກລັດຖະມົນຕີ ຟ້າມບີງມີງ ຕາງຫນ້າໃຫ້ລັດຖະບານ, ກະຊວງການຕ່າງປະເທດ ຂອບໃຈບັນດາອົງການສື່ມວນຊົນໃນປີຜ່ານມາທີ່ໄດ້ພ້ອມກັບບັນດາອົງການ, ຄະນະ, ຂະແຫນງການ ກ່ຽວກັບການພົວພັນຕ່າງປະເທດ ປະຕິບັດວຽກງານໂຄສະນາ, ປະກອບສ່ວນສຳຄັນເຂົ້າໃນບັນດາຜົນງານຂອງວຽກງານການຕ່າງປະເທດຂອງພັກ ແລະ ລັດ. ທ່ານຮອງນາຍົກລັດຖະມົນຕີ ເນັ້ນຫນັກວ່າ: ບັນດາອົງການສື່ມວນຊົນ ໄດ້ໃຫ້ຂ່າວ ແລະ ສ່ອງແສງຢ່າງຊັດເຈນ, ຖືກກັບຄວາມຈິງ, ທັນການ ບັນດາການເຄື່ອນໄຫວພົວພັນຕ່າງປະເທດ, ສອດຄ່ອງກັບແຜນນະໂຍບາຍແນວທາງການຕ່າງປະເທດຂອງພັກ, ລັດ, ຮັກສາສະພາບແວດລ້ອມສັນຕິພາບ, ສະຖຽນລະພາບ ແລະ ການພັດທະນາຂອງປະເທດຊາດ. ທ່ານຮອງນາຍົກລັດຖະມົນຕີ ສະເຫນີບັນດາອົງການສື່ມວນຊົນສືບຕໍ່ຮ່ວມກັບກະຊວງການຕ່າງປະເທດ ແລະ ບັນດາອົງການເຮັດວຽກງານການຕ່າງປະເທດ ເພື່ອໂຄສະນາບັນດາແນວທາງການຕ່າງປະເທດຢ່າງວ່ອງໄວ, ປະກອບສ່ວນສຳຄັນເຂົ້າໃນການພັດທະນາຂອງປະເທດຊາດ.
(ແຫຼ່ງຄັດຈາກ VOV)
