• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ສະ​ພາບ​ການ​ໂລກ​ລະ​ບາດ​ໂຄວິດ​ເ - 19 ໃນ​ທົ່ວ​ໂລກ

ຕາມເວັບໄຊ worldometers.info, ໄລ່ຮອດເວລາ 1 ໂມງຂອງວັນທີ 26 ກໍລະກົດ ຕາມເວລາ UTC, ທົ່ວໂລກຢັ້ງຢືນມີຜູ້ຕິດເຊື້ອພະຍາດໂຄວິດ - 19 ລວມທັງໝົດຫຼາຍກວ່າ 194,7 ລ້ານຄົນ, ໃນນັ້ນ ມີກວ່າ 4,17 ລ້ານຄົນເສຍຊີວິດ.
ການສັກວັກຊິນກັນພະຍາດໂຄວິດ - 19 ຢູ່ ມາເລເຊຍ (ພາບ:  THX/TTXVN)

ໃນເວລາ 24 ຊົ່ວໂມງຜ່ານມາ, ທົ່ວໂລກຢັ້ງຢືນມີຜູ້ຕິດເຊື້ອລາຍໃໝ່ຕື່ມອີກ 420.703 ຄົນ, ຫຼາຍທີ່ສຸດແມ່ນຢູ່ ອີນໂດເນຍເຊຍ ດ້ວຍ 38.679 ຄົນ, ຖັດຈາກນັ້ນແມ່ນ ອິນເດຍ, ອັງກິດ, ອີຣານ, ລັດເຊຍ, ບຣາຊິນ, ມາເລເຊຍ… ອາເມລິກາ ແມ່ນປະເທດທີ່ມີຈຳນວນຜູ້ເສຍຊີວິດ ແລະ ຕິດເຊື້ອຫຼາຍທີ່ສຸດໃນໂລກ, ດ້ວຍຈຳນວນຜູ້ຕິດເຊື້ອລວມທັງໝົດ ແມ່ນກວ່າ 35, 15 ລ້ານຄົນ, ໃນນັ້ນ ມີ 626.762 ຄົນ ເສຍຊີວິດ. ໃນ 7 ວັນຜ່ານມາ, ຈຳນວນຜູ້ຕິດເຊື້ອລາຍໃໝ່ໃນໂລກເພີ່ມຂຶ້ນ 3%, ໃນນັ້ນ ພາກພື້ນ ອາເມລິກາເໜືອ ເພີ່ມຂຶ້ນ 34%, ເອີຣົບ ເພີ່ມຂຶ້ນ 6%, ອາຊີ ເພີ່ມຂຶ້ນ 4%, ໂອເຊອານີ ເພີ່ມຂຶ້ນ 3%, ອາຟະລິກາ ຫຼຸດລົງ 16% ແລະ ອາເມລິກາໃຕ້ ຫຼຸດລົງ 14%.

ສ່ວນຢູ່ ຫວຽດນາມ, ຕາມຂ່າວພາກເຊົ້າຂອງວັນທີ 26 ກໍລະກົດ ຂອງ ກະຊວງສາທາລະນະສຸກ ຫວຽດນາມ ໃຫ້ຮູ້ວ່າ ນັບແຕ່ເວລາ 19 ໂມງຂອງວັນທີ 25 ກໍລະກົດ ຫາເວລາ 6 ໂມງ ຂອງວັນທີ 26 ກໍລະກົດ, ຫວຽດນາມ ມີຜູ້ຕິດເຊື້ອລາຍໃໝ່ຕື່ມອີກ 2.708 ຄົນ, ສະເພາະຢູ່ນະຄອນ ໂຮ່ຈີມິນ ແມ່ນ 1.714 ຄົນ. ໄລ່ຮອດປັດຈຸບັນ, ຫວຽດນາມ ຢັ້ງຢືນມີຜູ້ຕິດເຊື້ອລວມທັງໝົດ ແມ່ນ 101.173 ຄົນ, ໃນນັັ້ນ ມີ 19.342 ຄົນ ໄດ້ຮັບການປິ່ນປົວຫາຍດີແລ້ວ. ກ່ຽວກັບສະພາບການສັກວັກຊິນກັນພະຍາດໂຄວິດ - 19, ຢູ່ ຫວຽດນາມ ມີປະຊາຊົນກວ່າ 4,6 ລ້ານຄົນໄດ້ຮັບການສັກວັກຊິນແລ້ວ, ແລະ ມີທັງໝົດ 524 ຄົນເສຍຊີວິດ. 

(ແຫຼ່ງຄັດຈາກ VOV)

ໄລ​ຍະ​ພັດ​ທະ​ນາ​ໃໝ່​ໃນ​ການ​ພົວ​ພັນ​ສອງ​ຝ່າຍ ຫວຽດ​ນາມ - ກູ​ບາ

ໄລ​ຍະ​ພັດ​ທະ​ນາ​ໃໝ່​ໃນ​ການ​ພົວ​ພັນ​ສອງ​ຝ່າຍ ຫວຽດ​ນາມ - ກູ​ບາ

“ໂດຍໄດ້ຮັບຄຳເຊື້ອເຊີນຂອງທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ, ທ່ານນາຍົກລັດຖະມົນຕີ ກູບາ Manuel Marrero Cruz ໄດ້ມາຢ້ຽມຢາມມິດຕະພາບ ຫວຽດນາມຢ່າງເປັນທາງການໃນລະຫວ່າງວັນທີ 28 ກັນຍາ ຫາວັນທີ 2 ຕຸລາ ປີ 2022. ນີ້ແມ່ນການຢ້ຽມຢາມປະເທດຢູ່ນອກພາກພື້ນອາເມລິກາ ລາຕິນຄັ້ງທຳອິດ ຂອງທ່ານນາຍົກລັດຖະມົນຕີ ກູບາ Manuel Marrero Cruz ນັບແຕ່ເວລາດຳລົງຕຳແໜ່ງແຕ່ເດືອນທັນວາ ປີ 2019. ການຢ້ຽມຢາມເພື່ອແນໃສ່ຜັນຂະຫຍາຍບັນດາເນື້ອໃນຂໍ້ຕົກລົງທີ່ບັນລຸໄດ້ລະຫວ່າງການນຳຂັ້ນສູງສອງປະເທດ, ສືບຕໍ່ ແລະ ພັດທະນາການພົວພັນແບບພິເສດລະຫວ່າງ ຫວຽດນາມ - ກູບາ, ສະແດງໃຫ້ເຫັນຄວາມຕັດສິນໃຈຂອງສອງຝ່າຍໃນການສືບຕໍ່ພັດທະນາ ແລະ ຮັດແໜ້ນການພົວພັນມິດຕະພາບ, ຄວາມສາມັກຄີສັດຊື່ບໍລິສຸດ, ຄວາມເຊື້ອເນື້ອເຊື່ອໃຈເຊິ່ງກັນແລະກັນໃຫ້ຫຼາຍກ່ວາອີກ.

Top