• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ສະເຫຼີມ​ສະຫຼອງ 60 ປີ ແຫ່ງວັນ​ສ້າງ 3 ນະ​ຄອນ​ແຮກ​ສ່ຽງ: ຮ່າ​ໂນ້ຍ - ເຫວ້ - ໄຊ​ງ່ອນ

ວັນທີ 3 ຕຸລາ, ໄດ້ຈັດການໂອ້ລົມສົນທະນາວິທະຍາສາດ ແລະ ພົບປະບັນດາຕົວລະຄອນປະຫວັດສາດ ສ້າງຂີດໝາຍ 60 ປີແຫ່ງວັນສ້າງ 3 ນະຄອນແຮກສ່ຽງ: ຮ່າໂນ້ຍ - ເຫວ້ - ໄຊງ່ອນ (8/10/1960 – 8/10/2020), ເນື່ອງໃນໂອກາດສະເຫຼີມສະຫຼອງ 1010 ປີ ແຫ່ງວັນແທັງລອງ - ຮ່າໂນ້ຍ.

ການໂອ້ລົມກັບບັນດາຕົວລະຄອນປະຫວັດສາດ (ພາບ:nhandan.com.vn )

ທີ່ການໂອ້ລົມສົນທະນາ, ການນຳສາມນະຄອນຮ່າໂນ້ຍ, ເທື່ອທຽນເຫວ້, ນະຄອນ ໂຮ່ຈີມິນ ໄດ້ພ້ອມກັນທົບທວນຄືນມູນເຊື້ອອັນດີງາມລະຫວ່າງ 3 ແຂວງ, ນະຄອນ. ທ່ານປະທານຄະນະກຳມະການປະຊາຊົນນະຄອນ ຮ່າໂນ້ຍ ຈູງອັກແອັງ ເຊື່ອໝັ້ນວ່າ, ສາຍພົວພັນແບບພິເສດລະຫວ່າງ 3 ນະຄອນ ສືບຕໍ່ໄດ້ຮັບການເພີ່ມພູນຄູນສ້າງຈາກບັນດາພະນັກງານ, ສະມາຊິກພັກ, ປະຊາຊົນລຸ້ນຕ່າງໆ ດ້ວຍບັນດາວຽກງານລະອຽດ, ແທດຈິງ ເພື່ອສ້າງນ້ຳໃຈລະຫວ່າງ 3 ທ້ອງຖິ່ນ ໃຫ້ນັບມື້ນັບແໜ້ນແຟ້ນຍິ່ງຂຶ້ນ.

        ເນື່ອງໃນໂອກາດສະເຫຼີມສະຫຼອງ 30 ປີ ແຫ່ງວັນປົດປ່ອຍນະຄອນຫຼວງຮ່າໂນ້ຍ, ນະຄອນໂຮ່ຈີມິນ ຕົກລົງປ່ຽນຊື່ທາງຫຼວງ ບຽນຮວ່າ ເປັນທາງຫຼວງ ຮ່າໂນ້ຍ. ໃນໄລຍະຈະມາເຖິງ, ຮ່າໂນ້ຍ, ເຫວ້, ໄຊງ່ອນ - ນະຄອນໂຮ່ຈີມິນ ຈະເປັນເອກະສັນຍູ້ແຮງການພົວພັນແລກປ່ຽນ ແລະ ຮ່ວມມືຢ່າງຮອບດ້ານໃນທຸກໆຂົງເຂດ. ມີຫຼາຍໂຄງການຮ່ວມມືລະຫວ່າງ 3 ນະຄອນ ໄດ້ລົງນາມໃນເຫດການນີ້.

        ໃນຕອນຄ່ຳຂອງວັນດຽວກັນ ຢູ່ຮ່າໂນ້ຍ ກໍໄດ້ຈັດລາຍການສະແດງສິລະປະພິເສດ “ຮ່າໂນ້ຍ - ເຫວ້ - ໄຊງ່ອນ” ເພື່ອຮັບໃຊ້ມວນຊົນ.

(ແຫຼ່ງຄັດຈາກ VOV)

ເອກ​ອັກ​ຄະ​ລັດ​ຖະ​ທູດ ລາວ ປະ​ຈຳ ຫວຽດ​ນາມ: ການ​ຢ້ຽມ​ຢາມ​ ລາວ ຂອ​ງ​ທ່ານ​ປະ​ທານ​ປະ​ເທດ ໂຕ​ເລິມ ປະ​ກອບ​ສ່ວນ​ເຂົ້າ​ໃນ​ການ​ພັດ​ທະ​ນາ​ຂອງ​ສອງ​ປະ​ເທດ​ໃນ​ຍຸກ​ສະ​ໄໝ​ໃໝ່

ເອກ​ອັກ​ຄະ​ລັດ​ຖະ​ທູດ ລາວ ປະ​ຈຳ ຫວຽດ​ນາມ: ການ​ຢ້ຽມ​ຢາມ​ ລາວ ຂອ​ງ​ທ່ານ​ປະ​ທານ​ປະ​ເທດ ໂຕ​ເລິມ ປະ​ກອບ​ສ່ວນ​ເຂົ້າ​ໃນ​ການ​ພັດ​ທະ​ນາ​ຂອງ​ສອງ​ປະ​ເທດ​ໃນ​ຍຸກ​ສະ​ໄໝ​ໃໝ່

ນັບແຕ່ວັນທີ 11 - 12 ກໍລະກົດ, ທ່ານປະທານປະເທດ ຫວຽດນາມ ໂຕເລິມ ມີການຢ້ຽມຢາມທາງລັດຖະກິດຢູ່ລາວ. ເລື່ອງທ່ານປະທານປະເທດ ຫວຽດນາມ ໂຕເລິມ ໄດ້ເລືອກເອົາ ລາວ ເປັນປະເທດທຳອິດ ທີ່ໄປຢ້ຽມຢາມໃນຖານະຕຳແໜ່ງໃໝ່ຂອງຕົນນັ້ນ ໄດ້ເປັນການຢັ້ງຢືນແກ່ການສືບຕໍ່ເສີມຂະຫຍາຍສາຍພົວພັນແບບພິເສດ ແລະ ມີຄວາມໝາຍສຳຄັນລະຫວ່າງສອງປະເທດ. ລາວ ມີຄວາມເປັນກຽດ ຕ້ອນຮັບປະທານປະເທດ ຫວຽດນາມ ມາຢ້ຽມຢາມຄັ້ງນີ້” - ນີ້ແມ່ນການຕີລາຄາຂອງທ່ານນາງ ຄຳເພົາ ເອີນທະວັນ, ເອກອັກຄະລັດຖະທູດຜູ້ມີອຳນາດເຕັມແຫ່ງ ສປປ.ລາວ ປະຈຳ ສສ.ຫວຽດນາມ ໃນການສຳພາດຕໍ່ນັກຂ່າວວິທະຍຸກະຈາຍສຽງ ຫວຽດນາມ ປະຈຳ ລາວ ເນື່ອງໃນໂອກາດການຢ້ຽມຢາມທາງລັດຖະກິດຢູ່ ລາວ ຂອງທ່ານປະທານປະເທດ ຫວຽດນາມ ໂຕເລິມ.

Top