• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ສະເຫຼີມສະຫຼອງ 50 ປີ ແຫ່ງວັນສ້າງຕັ້ງການພົວພັນທາງການທູດລະຫວ່າງ ຫວຽດນາມ-ເດນມາກ

ຜ່ານເຄິ່ງສະຕະວັດແຫ່ງການພັດທະນາ, ການພົວພັນ ຫວຽດນາມ-ເດນມາກ ໄດ້ຫັນປ່ຽນຈາກການພົວພັນຮ່ວມມືພັດທະນາແບບມູນເຊື້ອ ເປັນການພົວພັນຄູ່ຮ່ວມມືສະເໜີພາບ, ຕ່າງຝ່າຍຕ່າງມີມີຜົນປະໂຫຍດ.

ຜ່ານເຄິ່ງສະຕະວັດແຫ່ງການພັດທະນາ, ການພົວພັນ ຫວຽດນາມ-ເດນມາກ ໄດ້ຫັນປ່ຽນຈາກການພົວພັນຮ່ວມມືພັດທະນາແບບມູນເຊື້ອ ເປັນການພົວພັນຄູ່ຮ່ວມມືສະເໜີພາບ, ຕ່າງຝ່າຍຕ່າງມີມີຜົນປະໂຫຍດ.

    

ທ່ານນາງ ຮອງປະທານປະເທດ ຫວໍຖິແອ່ງຊວັນ ກ່າວຄຳເຫັນຢູ່ທີ່ພິທີ

(ພາບ: TTXVN)

ໂດຍສືບຕໍ່ວາລະການຢ້ຽມຢາມ ຫວຽດນາມ ຢ່າງເປັນທາງການ ຂອງອົງມົງກຸດລາຊາກຸມມານ ເດນມາກ ເຟເດີຣິກ ແລະ ເຈົ້າຍິງ ແມຣີ ເອລິຊາເບັດ, ຕອນຄ່ຳວັນທີ 01 ພະຈິກ, ຢູ່ ຮ່າໂນ້ຍ, ທ່ານນາງ ຮອງປະທານປະເທດ ຫວໍຖິແອ່ງຊວັນ, ອົງມຸງກຸດລາຊາກຸມານ ແລະ ເຈົ້າຍິງ ພ້ອມກັນເຂົ້າຮ່ວມພິທີສະເຫຼີມສະຫຼອງ 50 ປີ ແຫ່ງວັນສ້າງຕັ້ງການພົວພັນທາງທູດ ຫວຽດນາມ-ເດນມາກ (25 ພະຈິກ 1971-25 ພະຈິກ 2021). ພິທີໄດ້ຖືກໂຈະໄວ້ 1 ປີ ຍ້ອນໂລກລະບາດໂຄວິດ 19.

        ກ່າວຄຳເຫັນຢູ່ທີ່ພິທີ, ທ່ານນາງ ຮອງປະທານປະເທດ ຫວໍຖິແອ່ງຊວັນ ໄດ້ເນັ້ນໜັກວ່າ ຜ່ານເຄິ່ງສະຕະວັດແຫ່ງການພັດທະນາ, ການພົວພັນ ຫວຽດນາມ-ເດນມາກ ໄດ້ຫັນປ່ຽນຈາກການພົວພັນຮ່ວມມືພັດທະນາແບບມູນເຊື້ອ ເປັນການພົວພັນຄູ່ຮ່ວມມືສະເໜີພາບ, ຕ່າງຝ່າຍຕ່າງມີມີຜົນປະໂຫຍດ ແລະ ໄດ້ສ້າງຕັ້ງການພົວພັນຄູ່ຮ່ວມມືຮອບດ້ານໃນປີ 2013.

        “ໂລກພວມປະເຊີນໜ້າກັບບັນດາສີ່ງທ້າທາຍທີ່ບໍ່ເຄີຍມີມາກ່ອນ, ຍ້ອນແນວນັ້ນປະຊາຄົມສາກົນຕ້ອງເພີ່ມທະວີການຮ່ວມມືເພື່ອຜ່ານຜ່າສີ່ງທ້າທາຍ, ຟື້ນຟູການພັດທະນາ. ຄວາມສາມາດ ແລະ ທ່າແຮງບົມຊ້ອນລະຫວ່າງ ຫວຽດນາມ ແລະ ເດນມາກຍັງໃຫຍ່ຫຼວງຢູ່ບັນດາພື້ນຖານຂອງບັນດາຂອບເຂດນິຕິກຳທີ່ມີມາແລ້ວ ແລະ ຈະ ໄດ້ສ້າງຕັ້ງໃນເວລາທີ່ຈະມາເຖິງ, ໝັ້ນໝາຍເປີດອານາຄົດການຮ່ວມມືລະຫວ່າງສອງປະເທດ ໃຫ້ນັບມື້ນັບມີປະສິດທິຜົນ, ໝັ້ນຄົງໜັກແໜ້ນ.

        ສ່ວນ, ອົງມົງກຸດລາຊາກຸມມານ ເຟເດີຣິກ ໃຫ້ຮູ້ວ່າ ໃນການຢ້ຽມຢາມຄັ້ງນີ້, ຄະນະວິສາຫະກິດ ເດນມາກ ໄດ້ວາງເປົ້າໝາຍແລກປ່ຽນກັບບັນດາຄູ່ຮ່ວມມື ຫວຽດນາມ ກ່ຽວກັບມາດຕະການໜູນຊ່ວຍ ຫວຽດນາມ ພັດທະນາແບບຍືນຍົງ, ສ້າງກຳລັງໜູນໃໝ່ໃນການຮ່ວມມືລົງທຶນ ລະຫວ່າງປະຊາຄົມວິສາຫະກິດສອງປະເທດ.

(ແຫຼ່ງຄັດຈາກ VOV)

ກອງປະຊຸມສະໄໝສາມັນເທື່ອທີ 4 ສະພາແຫ່ງຊາດ ລາວ ຊຸດທີ IX ໄຂຂຶ້ນຢ່າງເປັນທາງການ

ກອງປະຊຸມສະໄໝສາມັນເທື່ອທີ 4 ສະພາແຫ່ງຊາດ ລາວ ຊຸດທີ IX ໄຂຂຶ້ນຢ່າງເປັນທາງການ

ກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດ ລາວ ຊຸດທີ IX ໄດ້ໄຂຂຶ້ນຢ່າງເປັນທາງການໃນຕອນເຊົ້າຂອງວັນທີ 5 ທັນວາ 2022 ທີ່ຫໍປະຊຸມສະພາແຫ່ງຊາດ

Top