• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ສະພາແຫ່ງຊາດໃຫ້ສັດຕະຍາບັນການພົ້ນຕຳແໜ່ງປະທານສະພາແຫ່ງຊາດຊຸດທີ XIV, ປະທານສະພາເລືອກຕັ້ງແຫ່ງຊາດ

      ຕາມລາຍການຂອງສະພາແຫ່ງຊາດ, ວັນທີ 31 ມີນາ, ສະພາແຫ່ງຊາດຈະເລືອກຕັ້ງປະທານສະພາແຫ່ງຊາດ, ປະທານສະພາເລືອກຕັ້ງແຫ່ງຊາດຄົນໃໝ່.
ທ່ານນາງ ຫງວຽນທິກິມເງິນ. ພາບ: TTXVN
      ຕອນບ່າຍວັນທີ 30 ມີນາ, ສະພາແຫ່ງຊາດໄດ້ລົງຄະແນນສຽງຮັບຮອງເອົາມະຕິກ່ຽວກັບການໃຫ້ສັດຕະຍາບັນການພົ້ນຕຳແໜ່ງປະທານສະພາແຫ່ງຊາດ, ປະທານສະພາເລືອກຕັ້ງແຫ່ງຊາດສຳລັບທ່ານນາງ ຫງວຽນທິກິມເງິນ ດ້ວຍອັດຕາ 89,38%. ມະຕິມີຜົນສັກສິດນັບແຕ່ເມື່ອເລືອກຕັ້ງໄດ້ປະທານສະພາແຫ່ງຊາດ, ປະທານສະພາເລືອກຕັ້ງແຫ່ງຊາດຄົນໃໝ່.
        ທ່ານນາງ ຫງວຽນທິກິມເງິນ ໄດ້ຮັບການເລືອກຕັ້ງເປັນປະທານສະພາແຫ່ງຊາດຢູ່ທີ່ກອງປະຊຸມສະໄໝສາມັນເທື່ອທີ 11, ສະພາແຫ່ງຊາດຊຸດທີ XIII (ວັນທີ 31/3/2016). ເປັນປະທານຍິງຄົນທຳອິດໃນປະຫວັດສາດຂອງສະພາແຫ່ງຊາດ ຫວຽດນາມ ແລະ ກໍ່ແມ່ນການນຳຍິງຄົນທຳອິດໃນບັນດາຕຳແໜ່ງຫຼັກແຫຼ່ງຂອງພັກ, ລັດ. ທ່ານນາງກໍ່ແມ່ນຄົນທຳອິດ ທີ່ໄດ້ປະຕິບັດລະບຽບການສາບານຕົວເຂົ້າດຳລົງຕຳແໜ່ງ.
            ຕອນບ່າຍວັນດຽວກັນ, ຄະນະປະຈຳສະພາແຫ່ງຊາດໄດ້ຍື່ນບັນຊີລາຍຊື່ຜູ້ໄດ້ຮັບການແນະນຳ ເພື່ອໃຫ້ສະພາແຫ່ງຊາດເລືອກຕັ້ງປະທານສະພາແຫ່ງຊາດ, ປະທານສະພາເລືອກຕັ້ງຄົນໃໝ່. ຜູ້ໄດ້ຮັບການແນະນຳ ແມ່ນທ່ານ ເວືອງດີງເຫ້ວ, ກຳມະການກົມການເມືອງ, ເລຂາຄະນະພັກນະຄອນ ຮ່າໂນ້ຍ, ຫົວໜ້າຄະນະ ສສຊ ນະຄອນ ຮ່າໂນ້ຍ ຊຸດທີ XIV.
       ຕາມລາຍການຂອງສະພາແຫ່ງຊາດ, ວັນທີ 31 ມີນາ, ສະພາແຫ່ງຊາດຈະເລືອກຕັ້ງປະທານສະພາແຫ່ງຊາດ, ປະທານສະພາເລືອກຕັ້ງແຫ່ງຊາດຄົນໃໝ່./.
(ແຫຼ່ງຄັດຈາກ VOV)

ພິທີສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ຍີ່ປຸ່ນ

ພິທີສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ຍີ່ປຸ່ນ

ຕອນບ່າຍວັນທີ 28 ພະຈິກນີ້ຕາມເວລາທ້ອງຖິ່ນ, ຢູ່ນະຄອນຫຼວງໂຕກຽວ, ໄດ້ດຳເນີນພິທີສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດລະຫວ່າງຫວຽດນາມ - ຍີ່ປຸ່ນ (1973-2023) . ທ່ານປະທານປະເທດ ຫວໍວັນເຖືອງ ແລະ ພັນລະຍາ, ເຈົ້າຈັກກະພັດ ຍີ່ປຸ່ນ Akishino ແລະ ເຈົ້າຍິງ, ປະທານສະພາຕ່ຳ ຍີ່ປຸ່ນ Nukaga Fukushiro, ພ້ອມກັບເຈົ້າໜ້າທີ່ຂອງຫວຽດນາມ ແລະ ຍີ່ປຸ່ນ ອີກຫຼາຍທ່ານ.

Top