ໄລ່ຮອດເວລາ 1 ໂມງຂອງວັນທີ 31 ມັງກອນ (ຕາມເວລາ UTC), ທົ່ວໂລກມີຜູ້ຕິດເຊື້ອພະຍາດໂຄວິດ - 19 ລວມທັງໝົດ 385.099.572 ຄົນ, ໃນນັ້ນມີຜູ້ໄດ້ຮັບການປິ່ນປົວຫາຍດີເປັນປົກກະຕິ 296.346.470 ຄົນ ແລະ 5.681.386 ຄົນເສຍຊີວິດ.
ອາເມລິກາຢັ້ງຢືນມີຜູ້ຕິດເຊື້ອກ່ວາ 75,5 ລ້ານຄົນ, ຫຼາຍກ່ວາໝູ່ໃນໂລກ. ຖັດຈາກນັ້ນແມ່ນ ອິນເດຍ (41, 2 ລ້ານຄົນ) ແລະ ບຣາຊິນ (ກ່ວາ 25,5 ລ້ານຄົນ).ເອີລົບແມ່ນພາກພື້ນຖືກຜົນສະທ້ອນຫຼາຍທີ່ສຸດ ດ້ວຍຜູ້ຕິດເຊື້ອ ແມ່ນ 124.664.941 ຄົນ ໃນນັ້ນມີ 1.614.034 ຄົນເສຍຊີວິດ. ຖັດຈາກນັ້ນແມ່ນ ອາຊີ ດ້ວຍຜູ້ຕິດເຊື້ອ ແມ່ນ 99.761.066 ຄົນ ໃນນັ້ນມີ 1.290.147 ຄົນເສຍຊີວິດ.
ສ່ວນຢູ່ ຫວຽດນາມ, ນັບແຕ່ເວລາ 16 ໂມງຂອງວັນທີ 30 ມັງກອນ ຫາ ເວລາ 16 ໂມງຂອງວັນທີ 31 ມັງກອນ, ຫວຽດນາມ ມີຜູ້ຕິດເຊື້ອໂຄວິດ - 19 ໃໝ່ 12.674 ຄົນ. ມາຮອດປັດຈຸບັນ ຫວຽດນາມ ມີຜູ້ໄດ້ຮັບການປິ່ນປົວຫາຍດີປົກກະຕິ 2.022.450 ຄົນ, ມີຜູ້ເສຍຊີວິດ ແມ່ນ 37.777 ຄົນ
(ແຫຼ່ງຄັດຈາກ VOV)
