ຂ່າວສານ

ສະຖານທູດ ຫວຽດນາມ ປະຈຳລາວ ຖະຫວາຍທູບທຽນ ແລະ ລະນຶກເຖິງອາໄລຫາ ວັນຄ້າຍວັນເກີດຂອງປະທານໄກສອນ ພົມວິຫານ ຄົບຮອບ 100 ປີ

13/12/2020

ວັນທີ 11 ທັນວາ ຢູ່ນະຄອນຫຼວງ ວຽງຈັນ, ລາວ, ຄະນະພະນັກງານ, ພາລະກອນສະຖານທູດ ຫວຽດນາມ ພ້ອມກັບບັນດາອົງການສຳນັກງານຜູ້ຕາງໜ້າ ຫວຽດນາມປະຈຳລາວ ໄດ້ໄປຖະຫວາຍດອກໄມ້ ເພື່ອລະນຶກເຖິງ ວັນຄ້າຍວັນເກີດຂອງປະທານ ໄກສອນ ພົມວິຫານ ຄົບຮອບ 100 ປີ (13 ທັນວາ 1920 – 13 ທັນວາ 2020) ຢູ່ ຫໍພິພິທະພັນ ໄກສອນ ພົມວິຫານ.

ຄະນະພະນັກງານ, ພາລະກອນສະຖານທູດ ຫວຽດນາມ ໄປຢ້ຽມຊົມ ຫໍພິພິທະພັນ ໄກສອນ ພົມວິຫານ (ພາບ: TTXVN)

ນະທີ່ນີ້, ທ່ານນາງ ຈິ້ງທິເຕິມ, ອັກຄະລັດຖະທູດຫວຽດາມ ປະຈຳລາວ, ໄດ້ຂຽນຄວາມໃນໃຈໃສ່ປຶ້ມອະນຸສອນສະແດງຄວາມເປັນກຽດເມື່ອໄດ້ມາຖະຫວາຍດອກໄມ້ຢູ່ໜ້າຮູບປັ້ນຂອງຜູ້ນຳທີ່ແສນເຄົາລົບຮັກຂອງປະຊາຊົນລາວ, ເພື່ອນຜູ້ຍິ່ງໃຫຍ່ ແລະ ສະໜິດສະໜົມຂອງພັກ, ລັດ ແລະ ປະຊາຊົນ ຫວຽດນາມ. ທ່ານນາງກໍ່ຢັ້ງຢືນວ່າ: ສະຖານທູດ ແລະ ບັນດາອົງການສຳນັກງານຜູ້ຕາງໜ້າ ຫວຽດນາມ ປະຈຳລາວຈະຮ່ວມມືຢ່າງແໜ້ນແຟ້ນກັບບັນດາອົງການຂອງລາວ ຢ່າງບໍ່ຢຸດຢັ້ງເພື່ອເປັນຂົວເຊື່ອມຕໍ່ຢ່າງໝັ້ນແກ່ນ, ປະກອບສ່ວນເພີ່ມພູນຄູນສ້າງ, ຊຸກຍູ້ການພົວພັນຮ່ວມມືພິເສດລະຫວ່າງສອງປະເທດໃຫ້ນັບມື້ນັບພັດທະນາຢ່າງແທດຈິງ, ເຂົ້າສູ່ລວງເລິກ ແລະ ມີປະສິດທິຜົນ.

(ແຫຼ່ງຄັດຈາກ VOV)

ປະທານປະເທດ ເລືອງເກື່ອງ ແລະ ເລຂາທິການໃຫຍ່, ປະທານປະເທດ ລາວ ເຂົ້າຮ່ວມພິທີປະດັບຫຼຽນໄຊຂອງ ລາວ ມອບໃຫ້ການນຳຂັ້ນສູງ ຫວຽດນາມ

30/04/2025
ຂ່າວສານ

ທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ໄດ້ປະດັບຫຼຽນໄຊອິດສະຫຼະ ຊັ້ນໜຶ່ງໃຫ້ແກ່ ທ່ານນາງ ຫວໍທິແອັງຊວັນ ຮອງປະທານປະເທດ ຫວຽດນາມ ພ້ອມດ້ວຍບັນດາອະດີດຮອງປະທານປະເທດ ທ່ານນາງ ຫງວຽນທິບິ່ງ, ທ່ານນາງ ເຈື່ອງໝີຮວາ, ທ່ານນາງ ຫງວຽນທິຢວານ ແລະ ທ່ານນາງ ດັ້ງທິງອກທິ້ງ.