ຂ່າວສານ
ວັນກິລາ ຫວຽດນາມ 27 ມີນາ: ສ້າງຄວາມຊິນເຄີຍອອກກຳລັງກາຍຢ່າງເໝາະສົມໃນຕະຫຼອດຊີວິດເພື່ອຮັກສາ ແລະ ຍົກສູງສຸຂະພາບຮ່າງກາຍ
ເນື່ອງໃນໂອກາດສະເຫຼີມສະຫຼອງວັນກິລາ ຫວຽດນາມ ຄົບຮອບ 76 ປີ(27/3/1946 – 27/3/2022), ມີການເຄື່ອນໄຫວກິລາຫຼາຍຢ່າງຖືກຈັດຂຶ້ນໃນຂອບເຂດທົ່ວປະເທດ. ຕອນເຊົ້າວັນທີ 27 ມີນາ, ພະແນກວັດທະນະທຳ, ກິລາ ແລະ ທ່ອງທ່ຽວນະຄອນ ໂຮ່ຈີມິນ ໄດ້ຈັດວັນແລ່ນ Olympic ເພື່ອສຸຂະພາບຂອງທົ່ວປວງຊົນທັງຊາດ ປີ 2022 ດ້ວຍການເຂົ້າຮ່ວມຂອງນັກກິລາອາຊີບ, ພະນັກງານ, ລັດຖະກອນ, ພາລະກອນ, ຜູ້ອອກແຮງງານ, ນັກຮົບກຳລັງປະກອບອາວຸດ… ຫຼາຍກວ່າ 6000 ຄົນ. ນີ້ກໍແມ່ນໂອກາດເພື່ອຢັ້ງຢືນກຳລັງແຮງຂອງທົ່ວປວງຊົນທັງຊາດສາມັກຄີກັນ ແລະ ພ້ອມກັນເຄື່ອນໄຫວ, ປະຕິບັດຄຳສັ່ງສອນຂອງປະທານ ໂຮ່ຈີມິນ ຮຽກຮ້ອງທົ່ວປວງຊົນຝຶກແອບກິລາກາຍຍະກຳ.
ໃນວັນດຽວກັນ, ຢູ່ນະຄອນ ຮະລອງ, ຄະນະກຳມະການປະຊາຊົນແຂວງ ກວ໋າງນິງ ໄດ້ຈັດພິທີປຸກລະດົມບັ້ນເຄື່ອນໄຫວ “ທົ່ວປວງຊົນຝຶກແອບອອກກຳລັງ ກາຍຕາມແບບຢາງ ປະທານໂຮ່ຈີມິນ ຜູ້ຍິ່ງໃຫຍ່”, ວັນແລ່ນ Olympic ເພື່ອສຸຂະພາບຂອງທົ່ວປວງຊົນທັງຊາດ ລາງວັນ ແລ່ນມາຣາທອນ ຄັ້ງທີ 51, ລາງວັນແລ່ນລວມໝູ່ ຄັ້ງທີ 28 ແລະ ຕອບສະໜອງງານມະຫາກຳກິລາ SEA Games 31.
ຢູ່ນະຄອນ ເຫວ້ ກໍໄດ້ຈັດການເຄື່ອນໄຫວກິລາຫຼາຍຢ່າງເພື່ອຕອບສະໜອງວັນກິລາ ຫວຽດນາມ ເຊັ່ນດຽວກັນ.
