ໃນການຕ້ອນຮັບປະທານກຸ່ມບໍລິສັດ ທາໂກ (THACO) ເຈິ່ນບ໊າເຢືອງ ແລະ ປະທານກຸ່ມບໍລິສັດ ຮ່ວາງແອັງຢາລາຍ(HAGL) ດ່ວານງວຽນດຶ໊ກ ຢູ່ນະຄອນຫຼວງວຽງຈັນ ໃນຕອນບ່າຍວັນທີ 24 ມັງກອນ, ທ່ານນາຍົກລັດຖະມົນຕີລາວ ທອງລຸນ ສີສຸລິດ ໄດ້ຕີລາຄາສູງຍຸດທະສາດ ການລົງທຶນໃນຂົງເຂດປູກຕົ້ນໄມ້ກິນໝາກຢູ່ລາວ, ກໍ່ຄືຄຳໝັ້ນສັນຍາຈະເຮັດໃຫ້ສຳເລັດ ແລະ ມອບສົ່ງສະໜາມບິນໜອງຄ້າງ, ແຂວງຫົວພັນໃຫ້ລາວ ໃນໂອກາດວັນຊາດລາວ ວັນທີ 2 ທັນວາ ປີ 2019 ຂອງກຸ່ມບໍລິສັດ ທາໂກ (THACO) ແລະ ກຸ່ມບໍລິສັດ ຮ່ວາງແອັງຢາລາຍ(HAGL).
ທ່ານນາຍົກລັດຖະມົນຕີລາວ ທອງລຸນ ສີສຸລິດ ຖ່າຍຮູບກັບການນໍາ ແລະ ພະນັກງານກຸ່ມບໍລິສັດ ທາໂກ (ພາບ: TTXVN)
ລາຍງານກັບທ່ານນາຍົກລັດຖະມົນຕີລາວກ່ຽວກັບຍຸດທະສາດການຮ່ວມມືພັດທະນາ ກະສິກຳ ລະຫວ່າງ ທາໂກ (THACO) ແລະ ຮ່ວາງແອັງຢາລາຍ(HAGL). ປະທານກຸ່ມບໍລິສັດ ທາໂກ (THACO) ເຈິ່ນບ໊າເຢືອງ ໃຫ້ຮູ້ວ່າ ທາໂກ(THACO) ຈະຮັບຜິດຊອບການສະໜອງເຄື່ອງກົນຈັກ, ອຸປະກອນກະສິກຳ ແລະ ມາດຕະການ ນຳເອົາກົນຈັກມານຳໃຊ້ໃນການປູກຝັງ ແລະ ບົວລະບັດຕົ້ນໄມ້ໃນນິຄົມກະເສດຂອງ ຮ່ວາງແອັງຢາລາຍ(HAGL) ຢູ່ແຂວງອັດຕະປືທາງພາກໃຕ້ ປະເທດລາວ ໃນປັດຈຸບັນໃຫ້ຄົບຊຸດ. ກ່ຽວກັບຄວາມຄືບໜ້າໃນການກໍ່ສ້າງສະໜາມບິນ ໜອງຄ້າງຢູ່ແຂວງຫົວພັນໂດຍບໍລິສັດຮ່ວາງແອັງຢາລາຍ(HAGL)ເປັນຜູ້ລົງທຶນ, ທາໂກ (THACO) ໃຫ້ຄຳໝັ້ນສັນຍາວ່າຈະຈ່າຍງົບປະມານລ່ວງໜ້າໃຫ້ຮ່ວາງແອັງຢາລາຍ(HAGL) ກ່ອນ 12ລ້ານ USD ເພື່ອສືບຕໍ່ກໍ່ສ້າງບັນດາລາຍການຍັງເຫຼືອໃຫ້ສຳເລັດ, ພ້ອມທັງມອບໃຫ້ ບໍລິສັດລົງທຶນພື້ນຖານໂຄງລ່າງ ດ້າຍກວາງມີງ ຂອງ ທາໂກ (THACO) ຊ່ວຍເຫຼືອໃນການຄຸ້ມຄອງ, ຕິດຕາມກວດກາການກໍ່ສ້າງເພື່ອຮັບປະກັນ ຄຸນນະພາບ ແລະ ສາມາດເຮັດໃຫ້ໂຄງການສຳເລັດຕາມເວລາກຳນົດ.
ທ່ານນາຍົກລັດຖະມົນຕີ ທອງລຸນ ສີສຸລິດ ໄດ້ສະແດງຄວາມຫວັງວ່າ ທາໂກ(THACO) ແລະ ຮ່ວາງແອັງຢາລາຍ(HAGL) ຈະຕັ້ງໜ້າຖ່າຍທອດເຕັກໂນໂລຢີໃຫ້ແກ່ປະຊາຊົນລາວ, ຊ່ວຍເຫຼືອປະຊາຊົນລາວໄດ້ສຳພັດກັບບັນດາວິທີການຜະລິດກະສິກຳທັນສະໄຫມໂດຍໄວ.
(ແຫຼ່ງຄັດຈາກ VOV)
