• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ພິ​ທີ​ໄຂ​ກອງ​ປະ​ຊຸມ​ຄັ້ງທີ​ 13 ຄະ​ນະ​ບໍ​ລິ​ຫານ​ງານ​ສູນ​ກາງ​ພັກ ຊຸດ​ທີ 12

ຕອນເຊົ້າວັນທີ 5 ຕຸລາ, ກອງປະຊຸມຄັ້ງທີ 13 ຄະນະບໍລິຫານງານສູນກາງພັກກອມມູນິດ ຫວຽດນາມ ຊຸດທີ 12  ຖືກໄຂຂຶ້ນຢູ່ນະຄອນ ຮ່າໂນ້ຍ. ທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝູຈ້ອງ ໄດ້ເປັນປະທານກອງປະຊຸມ.

ທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝູຈ້ອງ  ກ່າວຄຳເຫັນທີ່ກອງປະຊຸມ (ພາບ: TTXVN)

ກ່າວຄຳເຫັນທີ່ພິທີໄຂ, ທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນຝູຈ້ອງ ສະເໜີ ສູນກາງ ໃຫ້ຈັດແບ່ງເວລາຄົ້ນຄວ້າ, ປຶກສາຫາລື, ຕີລາຄາຢ່າງພາວະວິໄສ, ຮອບດ້ານກ່ຽວກັບສະພາບການເສດຖະກິດ - ສັງຄົມ ນັບແຕ່ຕົ້ນປີມາຮອດປັດຈຸບັນ ແລະ ແຜນການຂອງທັງປີ 2020. ທ່ານ ຊີ້ແຈ້ງວ່າ:

        “ຕ້ອງສຸມໃສ່ໄຈ້ແຍກຢ່າງເລິກເຊິ່ງ, ຕີລາຄາຢ່າງຖືກຕ້ອງ, ສ້າງຄວາມເປັນເອກະພາບສູງໃນການສັງເກດກ່ຽວກັບຜົນກະທົບອັນຫຍໍ້ທໍ້ຂອງໂລກລະບາດໂຄວິດ - 19, ການຊຸດໂຊມຂອງເສດຖະກິດໂລກ ແລະ ບັນດາການຜັນແປທີ່ໃຫຍ່ຫຼວງຂອງຕະຫຼາດໂລກ ທີ່ສົ່ງຜົນກະທົບຕໍ່ການປະຕິບັດບັນດາເປົ້າໝາຍ, ໜ້າທີ່ພັດທະນາເສດຖະກິດ - ສັງຄົມ ທີ່ໄດ້ວາງອອກ. ຮັກສາການເຄື່ອນໄຫວຜະລິດ, ດຳເນີນທຸລະກິດ, ສ້າງວຽກເຮັດງານທຳ, ສ້າງລາຍຮັບໃຫ້ແກ່ຊາວຜູ້ອອກແຮງງານ, ຮັບປະກັນຄວາມສະຫງົບປອດໄພ ແລະ ສະຫວັດດີການສັງຄົມ, ຈຳກັດສະພາບການຊຸດໂຊມໃຫ້ຢູ່ໃນລະດັບຕ່ຳສຸດ ແລະ ຟື້ນຟູທ່າເຕີບໂຕ, ຮັບປະກັນເສດຖະກິດມະຫາພາກເປັນປົກກະຕິ, ຍົກສູງຄຸນນະພາບການເຕີບໂຕ, ລັກສະນະໝັ້ນຄົງໃນການພັດທະນາເສດຖະກິດ - ສັງຄົມ; ຮັບປະກັນການປ້ອງກັນຊາດ, ປ້ອງກັນຄວາມສະຫງົບ, ຄວາມເປັນລະບຽບຮຽບຮ້ອຍ ແລະ ຄວາມປອດໄພໃນສັງຄົມ; ຮັກສາສະຖຽນລະພາບດ້ານການເມືອງ, ສະພາບແວດລ້ອມແຫ່ງສັນຕິພາບ, ສະດວກ ເພື່ອສ້າງສາ ແລະ ປົກປັກຮັກສາປະເທດຊາດ.”


ພິທີໄຂກອງປະຊຸມຄັ້ງທີ 13 ຄະນະບໍລິຫານງານສູນກາງພັກ ຊຸດທີ 12 (ພາບ: TTXVN)

ຕາມລາຍການແລ້ວ, ກອງປະຊຸມຄັ້ງທີ 13 ຄະນະບໍລິຫານງານສູນກາງພັກຊຸດທີ 12 ຈະປຶກສາຫາລືກ່ຽວກັບ: ສະພາບການເສດຖະກິດ - ສັງຄົມປີ 2020, ແຜນການພັດທະນາເສດຖະກິດ - ສັງຄົມ ປີ 2021; ສືບຕໍ່ປະຕິບັດສຳເລັດບັນດາຮ່າງເອກະສານຍື່ນສະເໜີຕໍ່ກອງປະຊຸມໃຫຍ່ຊຸດທີ 13 ຂອງພັກ; ວຽກງານບຸກຄະລາກອນຄະນະບໍລິຫານງານສູນກາງພັກ ຊຸດທີ 13 ແລະ ບາງບັນຫາສຳຄັນອື່ນໆ. ກອງປະຊຸມຄະນະບໍລິຫານງານສູນກາງພັກ ຄັ້ງທີ 13 ຊຸດທີ 12 ຈະດຳເນີນຮອດວັນທີ 10 ຕຸລາ 2020 ຈຶ່ງອັດລົງ.

(ແຫຼ່ງຄັດຈາກ VOV)

 ອາເມລິກາ ຈັດສັນແຫຼ່ງເງິນ 150 ລ້ານ ໂດລາສະຫະລັດເພື່ອໜູນຊ່ວຍປະຊາຊົນ ອາບການິດສະຖານ

ອາເມລິກາ ຈັດສັນແຫຼ່ງເງິນ 150 ລ້ານ ໂດລາສະຫະລັດເພື່ອໜູນຊ່ວຍປະຊາຊົນ ອາບການິດສະຖານ

ປະຈຸບັນ, 70% ຈຳນວນຄອບຄົວ ອາບການິດສະຖານ ບໍ່ສາມາດຕອບສະໜອງຄວາມຕ້ອງການພື້ນຖານໄດ້, ປະຊາຊົນປະມານ 22,8 ລ້ານຄົນ...

Top