ຂ່າວສານ

ພະຍຸລູກທີ 5 ໂນອິນ ພັດເຂົ້າພາກກາງ ຫວຽດນາມ ໃນຕອນທ່ຽງ ແລະ ຕອນບ່າຍວັນທີ 18 ກັນຍາ

18/09/2020

ຕາມສູນພະຍາກອນອຸຕຸນິຍົມອຸທົກກະສາດແຫ່ງຊາດ ຫວຽດນາມ ແລ້ວ, ພະຍຸໂນອິນ ເຊິ່ງແມ່ນ ພະຍຸໃຫຍ່ກ່ວາໝູ່ໝົດນັບແຕ່ຕົ້ນປີ 2020 ມາຮອດປະຈຸບັນ ຈະພັດເຂົ້າພາກກາງ ຫວຽດນາມ ນັບແຕ່ແຂວງ ກ໋ວາງບີ່ງ ລົງໄປຮອດແຂວງ ກ໋ວາງນາມ ໃນຕອນທ່ຽງ ແລະ ຕອນບ່າຍຂອງວັນທີ 18 ກັນຍາ ດ້ວຍກຳລັງແຮງລົມຢູ່ຈຸດສູນກາງພະຍຸແຮງທີ່ສຸດລະດັບ 10 – 11, ສູງສຸດແມ່ນລະດັບ 13.

ພະຍຸລູກທີ 5 ໂນອິນ ພັດເຂົ້າພາກກາງ ຫວຽດນາມ ໃນຕອນທ່ຽງ ແລະ ຕອນບ່າຍວັນທີ 18 ກັນຍາ (ພາບ: kttv.gov.vn

ໃນຕອນບ່າຍວັນທີ 17 ກັນຍາ, ທ່ານຮອງນາຍົກລັດຖະມົນຕີ ຫວຽດນາມ ຈິ້ງດີ່ງຢຸງ ໄດ້ລົງກວດກາ, ຊີ້ນຳວຽກງານຮັບມືຕໍ່ພະຍຸໂນອິນຢູ່ແຂວງ ເທື່ອທຽນ-ເຫວ້ ແລະ ແຂວງ ກ໋ວາງຈີ້. ທ່ານຮອງນາຍົກລັດຖະມົນຕີ ຈິ້ງດີ່ງຢຸງ ສະເໜີວ່າ:

“ສຸມໃສ່ຮັບປະກັນຄວາມປອດໄພໃຫ້ເຄຫະສະຖານຕ່າງໆ ແຕ່ກ່ອນອື່ນໝົດແມ່ນເຮືອນຢູ່ຂອງປະຊາຊົນ, ຫລັງຈາກນັ້ນແມ່ນບັນດາ ໂຮງຮຽນ, ໂຮງລ້ຽງເດັກ, ຮາກຖານສາທາລະນະສຸກ…ແລະ ທີສາມແມ່ນສຸມໃສ່ປົກປັກຮັກສາບັນດາກິດຈະການຜະລິດ, ອຸດສາຫະກຳ, ການບໍລິການ, ຮ້ານອາຫານ…ໄປພ້ອມກັນນັ້ນ ແມ່ນຮັບປະກັນຄວາມປອດໄພໃຫ້ແກ່ແຂກທ່ອງທ່ຽວໃນບໍລິເວນ.”

(ແຫຼ່ງຄັດຈາກ VOV)

ຖະແຫຼງຂ່າວໃຫ້ຕ່າງປະເທດແມ່ນໜຶ່ງໃນບັນດາປັດໄຈຍຸດທະສາດໃນພະລັງງານແຮງອ່ອນສັງລວມແຫ່ງຊາດ

14/12/2025
ຂ່າວສານ

ພິທີມອບລາງວັນແຫ່ງຊາດກ່ຽວກັບການຖະແຫຼງຂ່າວໃຫ້ຕ່າງປະເທດຄັ້ງທີ XI ປີ 2025 ໄດ້ດຳເນີນໃນຕອນຄ່ຳວັນທີ 12 ທັນວາ, ຢູ່ຮ່າໂນ້ຍ. ເມື່ອກ່າວຄຳເຫັນໃນເຫດການນີ້, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເນັ້ນໜັກວ່າ ວຽກງານຖະແຫຼງຂ່າວໃຫ້ຕ່າງປະເທດແມ່ນປັດໄຈຍຸດທະສາດໃນກຳລັງແຮງອ່ອນແຫ່ງຊາດ. ທ່ານກໍສະເໜີໃຫ້ສ້າງຖັນແຖວພະນັກງານເຮັດວຽກງານຖະແຫຼງຂ່າວຕ່າງປະເທດ ທີ່ມີຈັນຍາບັນ, ມີພູມປັນຍາຢ່າງຫຼັກແຫຼມ, ມີຫົວຄິດປະດິດສ້າງ, ມີຄວາມຮັບຜິດຊອບ, ມີຄວາມສຸດຈິດສຸດໃຈ, ມີວິໄສທັດ.