• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ປ່ຽນໃຫມ່ຜະລິດຕະພັນທ່ອງທ່ຽວ - ສ້າງສະຖານທີ່ທ່ອງທ່ຽວປອດໄພ

      ຍ້ອນຜົນກະທົບຈາກໂລກລະບາດໂຄວິດ 19 ສະນັ້ນ ຈຳນວນແຂກທ່ອງທ່ຽວມາຢ້ຽມຢາມເຂດທົ່ງພຽງແມ່ນ້ຳຂອງທາງພາກໃຕ້ຫວຽດນາມ ຫລຸດລົງຢ່າງແຮງ, ບັນດາບໍລິສັດທ່ອງທ່ຽວ ແລະ ບໍລິການພັກເຊົາຢູ່ ບັນດາແຂວງເຂດທົ່ງພຽງແມ່ນ້ຳຂອງ ໄດ້ປະຕິບັດຫລາຍໂຄງການກະຕຸ້ນຄວາມຕ້ອງການ ແລະ ສ້າງບັນດາຮູບແບບທ່ອງທ່ຽວໃຫມ່ ເພື່ອດຶງດູດນັກທ່ອງທ່ຽວພາຍໃນປະເທດ ແລະ ສາກົນ ມາຢ້ຽມຢາມເຂດດິນແດນແຫ່ງນີ້.
 
ວັດວາອາຮາມຢູ່ ແຂວງອານຢາງດຶງດູດນັກທ່ອງທ່ຽວມາຢ້ຽມຊົມນັບມື້ນັບຫລາຍ
ພາບ:(truyenhinhdulich.vn
      ພາຍຫລັງຢຸດຕ້ອນຮັບແຂກໃນໄລຍະເກີດໂລກລະບາດໂຄວິດ 19, ນັບແຕ່ວັນທີ 28 ເມສາ, ມີສະຖານທີ່ທ່ອງທ່ຽວຫລາຍແຫ່ງໃນບໍລິເວນແຂວງ ອານຢາງ ໄດ້ເປີດປະຕູຕ້ອນຮັບແຂກຄືນໃຫມ່. ມາຮອດປະຈຸບັນ ສະຖານທີ່ທ່ອງທ່ຽວຫຼາຍແຫ່ງ ໄດ້ມີ ຈຳນວນແຂກມາຢ້ຽມຢາມບັນລຸ 60-70% ເມື່ອທຽບໃສ່ໄລຍະດຽວກັນຂອງປີກາຍຄື: ເຂດທ່ອງທ່ຽວປ່າຊີວະພາບ ຈ່າຊື ເມືອງ ຕີ້ງບຽນ; ເຂດທ່ອງທ່ຽວແຫ່ງຊາດ ພູ ຊາມ ນະຄອນ ເຈົາດົກ; ເຂດທ່ອງທ່ຽວ ພູເກີມ… ທ່ານ ຫລີແທງຊາງ, ຜູ້ອຳນວຍການເຂດທ່ອງທ່ຽວ ກະເຊົ້າລອຍຟ້າ ພູເກີມ ແຂວງ ອານຢາງ ໃຫ້ຮູ້ວ່າ:
 “ເມື່ອເປີດປະຕູກັບຄືນສູ່ການເຄື່ອນໄຫວຄືນໃຫມ່ ຈຳນວນແຂກມາຢ້ຽມຢາມເຂດນີ້ ບັນລຸພຽງ 30% ເມື່ອທຽບໃສ່ໄລຍະດຽວກັນຂອງປີກາຍ. ບໍລິສັດ ໄດ້ວາງອອກບັນດາລາຍການກະຕຸ້ນຄວາມຕ້ອງການໄປທ່ຽວ... ມາຮອດບັດນີ້ ພາຍຫລັງເດືອນເຄິ່ງທີ່ເຂົ້າສູ່ການເຄື່ອນໄຫວ ຈຳນວນແຂກທ່ອງທ່ຽວມາແຫ່ງນີ້ໄດ້ຄ່ອຍໆເພີ່ມຂຶ້ນເຖິງ 70% ເມື່ອທຽບໃສ່ໄລຍະດຽວກັນຂອງປີກາຍ.”
ດ້ວຍຄວາມຕັດສິນໃຈຟື້ນຕົວທ່າແຮງຂະແຫນງທ່ອງທ່ຽວ, ບັນດາບໍລິສັດທ່ອງທ່ຽວ ແລະ ບໍລິການພັກເຊົາ ຢູ່ ບໍລິເວນ ນະຄອນ ເກີນເທີ ກໍ່ໄດ້ປະຕິບັດບັນດາລາຍການກະຕຸ້ນຄວາມຕ້ອງການໄປທ່ອງທ່ຽວ; ຍູ້ແຮງການປ່ຽນໃຫມ່ຮູບແບບທ່ອງທ່ຽວ ເພື່ອເພີ່ມຈຳນວນແຂກທ່ອງທ່ຽວນຳໃຊ້ບໍລິການ ພາຍຫລັງຖືກຜົນສະທ້ອນຫຍໍ້ທໍ້ຈາກ ໂລກລະບາດໂຄວິດ 19.
 ທ່ານນາງ ຫວໍຊວນທື, ຜູ້ອຳນວຍການໂຮງແຮມ Victoria ເກີນເທີ ໃຫ້ຮູ້ວ່າ: ນອກຈາກ ບັນດາ tour ທ່ອງທ່ຽວພັກຜ່ອນບຳລຸງສຸຂະພາບທຳມະດາແລ້ວ, ວິສາຫະກິດ ຍັງສ້າງລາຍການທ່ອງທ່ຽວດ້ວຍກຳປັ່ນຈາກ ເກີນເທີ ໄປ ອານຢາງ ໃນເວລາ  4 ວັນ 3 ຄືນ. ຂະແຫນງການບິນ ກໍ່ເປີດສາຍການບິນໃຫມ່ຫລາຍສາຍຄື: ເກີນເທີ - ຫາຍຟ່ອງ. ເກີນເທີ -ວີງ, ເກີນເທີ - ບວນມາທວດ, ຫາຍຟ່ອງ - ຟູກວັກ. ພິເສດ ບັນດາເຂດທ່ອງທ່ຽວຊີວະພາບ ກໍ່ຜັນຂະຫຍາຍຫລາຍລາຍການທີ່ເປັນເອກະລັກສະເພາະເພື່ອດຶງດູດແຂກທ່ອງທ່ຽວ.
ຢູ່ແຂວງ ດົງທາບ, ໃນໄລຍະຢຸດບໍລິການຢູ່ບັນດາສະຖານທີ່ທ່ອງທ່ຽວ, ບັນດາຮາກຖານດຳເນີນທຸລະກິດບໍລິການທ່ອງທ່ຽວ ໄດ້ຍົກລະດັບ, ສ້າງບັນດາການບໍລິການໃຫ້ພົ້ນເດັ່ນເພື່ອດຶງດູດນັກທ່ອງທ່ຽວ. ທ່ານ ເຈີນແທງດ່ຽນ ເຮັດບໍລິການທ່ອງທ່ຽວ ຢູ່ ໝູ່ບ້ານດອກໄມ້ ຊາແດ໊ກ ໃຫ້ຮູ້ວ່າ: ເພື່ອດຶງດູດແຂກທ່ອງທ່ຽວ, ບັນດາເຂດສວນ, ສະຖານທີ່ທ່ຽວຊົມ ຢູ່ທີ່ນີ້ ລ້ວນແຕ່ຫລຸດຄ່າປີ້ລົງ 50% ແລະ ເພີ່ມຄຸນນະພາບການບໍລິການ.
ທ່ານ ຫງວຽນທ້ຽນແທ່ງ, ຮອງເລຂານຸການ ສະຫະສະມາຄົມທ່ອງທ່ຽວເຂດທົ່ງພຽງແມ່ນ້ຳຂອງ ໃຫ້ຮູ້ວ່າ: ມີ ວິສາຫະກິດ 100 ແຫ່ງ ຂອງ 13 ແຂວງ, ນະຄອນ ເຂດທົ່ງພຽງແມ່ນ້ຳຂອງ ເຂົ້າຮ່ວມ “ລາຍການກະຕຸ້ນຄວາມຕ້ອງການໄປທ່ຽວເຂດທົ່ງພຽງແມ່ນ້ຳຂອງ ພາຍຫລັງ ໂລກລະບາດໂຄວິດ 19”. ທ່ານ ຫງວຽນທ້ຽນແທ່ງ ເນັ້ນຫນັກວ່າ:
   “ພາຍໃຕ້ການມອບສິດຈາກ ສະຫະສະມາຄົມທ່ອງທ່ຽວຫວຽດນາມ, ສະຫະສະມາຄົມທ່ອງທ່ຽວ ນະຄອນ ໂຮ່ຈີມິນ ໄດ້ມີສິດກະຕຸ້ນຄວາມຕ້ອງການໄປທ່ຽວຢູ່ເຂດທົ່ງພຽງແມ່ນ້ຳຂອງ. ນະຄອນ ໂຮ່ຈິມີນ ຈະໄປສຳຫລວດ ແລະ ຊື້ຜະລິດຕະພັນທ່ອງທ່ຽວຂອງເຂດທົ່ງພຽງແມ່ນ້ຳຂອງ ເພື່ອຊ່ວຍໃຫ້ເຂດນີ້ຟື້ນຟູການທ່ອງທ່ຽວໂດຍໄວ, ກ້າວໄປເຖິງການຟື້ນຟູ ແລະ ພັດທະນາ. ຂ້າພະເຈົ້າເຊື່ອໝັ້ນວ່າ ປະຈຸບັນ ເຂດທົ່ງພຽງແມ່ນ້ຳຂອງ ແມ່ນສະຖານທີ່ທ່ອງທ່ຽວທີ່ປອດໄພ.
   ເມື່ອໂລກລະບາດໄດ້ຮັບການຄວບຄຸມແລ້ວ, ຂະແຫນງທ່ອງທ່ຽວບັນດາທ້ອງຖິ່ນເຂດທົ່ງພຽງແມ່ນ້ຳຂອງ ໄດ້ເລີ່ມຮ່ວມສຳພັນບັນດາຜະລິດຕະພັນໃຫມ່ ສ້າງສະຖານທີ່ທ່ອງທ່ຽວປອດໄພ, ຍົກສູງຄຸນນະພາບການບໍລິການທ່ອງທ່ຽວ, ບັນດາບໍລິສັດການບິນ ກໍ່ສະຫນອງບັນດາ tour ທ່ອງທ່ຽວ ດ້ວຍຄ່າໃຊ້ຈ່າຍລາຄາຖືກ, ມີສາຍການບິນພາຍໃນປະເທດຫລາຍສາຍກັບຄືນເຂົ້າສູ່ການເຄື່ອນໄຫວເປັນປົກກະຕິ. ນີ້ແມ່ນສັນຍານດີສົມຄວນ ແລະ ຄາດວ່າ ຈະນຳຂະແຫນງທ່ອງທ່ຽວກັບຄືນສູ່ການຟື້ນຟູໂດຍໄວ, ປະກອບສ່ວນຟື້ນຟູພື້ນຖານເສດຖະກິດຂອງເຂດທົ່ງພຽງແມ່ນ້ຳຂອງ ແລະ ທົ່ວປະເທດ.

 (ແຫຼ່ງຄັດຈາກ VOV)
 

ນັກສຶກສາລາວ, ກຳປູເຈຍ ຊອກຮູ້ປະຫວັດສາດ ຫວຽດນາມ ຜ່ານຮູບເງົາ ດອກຄາຍ, ເຝີ ແລະ ປີອາໂນ

ນັກສຶກສາລາວ, ກຳປູເຈຍ ຊອກຮູ້ປະຫວັດສາດ ຫວຽດນາມ ຜ່ານຮູບເງົາ “ດອກຄາຍ, ເຝີ ແລະ ປີອາໂນ”

ນີ້ແມ່ນໂອກາດເພື່ອໃຫ້ນັກຮຽນ, ນັກສຶກສາລາວ, ກຳປູເຈຍ ຊອກຮູ້ກ່ຽວກັບປະຫວັດສາດແຫ່ງການຕໍ່ສູ້ປົດປ່ອຍຊາດ, ປົກປັກຮັກສາປະເທດຊາດຂອງກອງທັບ ແລະ ປະຊາຊົນ ຫວຽດນາມ ໃນການຕໍ່ສູ້ຕ້ານ ຝລັ່ງ.

Top