• Vietnamese
    ຂ່າວພາບ ຫວຽດນາມ ພາກ ຫວຽດນາມ
  • English
    ຂ່າວພາບ ຫວຽດນາມ ພາກ ພາສາ ອັງກິດ
  • Français
    ຂ່າວພາບ ຫວຽດນາມ ພາກ ພາສາ ຝຣັ່ງ
  • Español
    ຂ່າວພາບ ຫວຽດນາມ ພາກ ພາສາ ແອັດສະປາຍ
  • 中文
    ຂ່າວພາບ ຫວຽດນາມ ພາກ ພາສາ ຈີນ
  • Русский
    ຂ່າວພາບ ຫວຽດນາມ ພາກ ພາສາ ລັດເຊຍ
  • 日本語
    ຂ່າວພາບ ຫວຽດນາມ ພາກ ພາສາ ຍີ່ປຸ່ນ
  • ភាសាខ្មែរ
    ຂ່າວພາບ ຫວຽດນາມ ພາກ ພາສາ ຂະແມ
  • 한국어
    ຂ່າວພາບ ຫວຽດນາມ ພາສາ ເກົາຫຼີ

ຂ່າວສານ

ປີປະທານ ອາຊຽນ 2020: ເພີ່ມທະວີການຄ້າ ແລະ ການລົງທຶນພາຍໃນກຸ່ມອາຊຽນ

      ບັນດາການຫັນປ່ຽນທີ່ບໍ່ເຄີຍມີມາກ່ອນຂອງສະພາບການເສດຖະກິດໂລກ, ບັນດາຄວາມກ້າວໜ້າຂອງເຕັກໂນໂລຢີ ໄດ້ນໍາມາເຊິ່ງຄວາມສາມາດບ່ົມຊ້ອນອັນໃຫຍ່ຫຼວງ ໃຫ້ແກ່ສັນຕິພາບ ແລະ ພັດທະນາແບບຍືນຍົງ ກໍຄືການເຊື່ອມໂຍງທາງດ້ານເສດຖະກິດ ຢ່າງເລິກເຊິ່ງກວ້າງຂວາງ.
      ຫງວຽນກວ໊ກຢຸງ ຮອງລັດຖະມົນຕີການຕ່າງປະເທດຫວຽດນາມ, ເລຂາທິການໃຫຍ່ອາຊຽນ 2020 (ພາບ: TTXVN)
              ຕອນເຊົ້າວັນທີ 10 ມັງກອນ, ຢູ່ຮ່າໂນ້ຍ ໄດ້ດໍາເນີນກອງປະຊຸມສໍາມະນາຂັ້ນສູງ ກ່ຽວກັບການຊຸກຍູ້ດ້ານການຄ້າ - ການລົງທຶນພາຍໃນກຸ່ມ ເພື່ອອາຊຽນ “ສະໜິດຕິດພັນ ແລະ ເປັນເຈົ້າການຮັບມື”.  ທ່ານ ຫງວຽນກວ໊ກຢຸງ ຮອງລັດຖະມົນຕີການຕ່າງປະເທດຫວຽດນາມ, ເລຂາທິການໃຫຍ່ອາຊຽນ 2020 ເຂົ້າຮ່ວມກອງປະຊຸມດັ່ງກ່າວ. ກ່າວຄໍາເຫັນໄຂກອງປະຊຸມສໍາມະນາ, ທ່ານຫວູໂຮ່ ຫົວໜ້າກົມອາຊຽນ ສັງກັດກະຊວງການຕ່າງປະເທດຫວຽດນາມ ຖືວ່າ: ບັນດາການຫັນປ່ຽນທີ່ບໍ່ເຄີຍມີມາກ່ອນຂອງສະພາບການເສດຖະກິດໂລກ, ບັນດາຄວາມກ້າວໜ້າຂອງເຕັກໂນໂລຢີ ໄດ້ນໍາມາເຊິ່ງຄວາມສາມາດບ່ົມຊ້ອນອັນໃຫຍ່ຫຼວງ ໃຫ້ແກ່ສັນຕິພາບ ແລະ ພັດທະນາແບບຍືນຍົງ ກໍຄືການເຊື່ອມໂຍງທາງດ້ານເສດຖະກິດ ຢ່າງເລິກເຊິ່ງກວ້າງຂວາງ.  ບັນດາປະເທດ ກໍຕ້ອງປະເຊີນໜ້າກັບສິ່ງທ້າທາຍຢ່າງໃຫຍ່ຫຼວງ, ນັ້ນແມ່ນ ທ່າອ່ຽງແກ້ງແຍ້ງກັນ ແລະ ຕ້ານໂລກາພິວັດ.
        ຕາມທ່ານ ຫວູໂຮ່ແລ້ວ, ການເພີ່ມທະວີເສດຖະກິດພາຍໃນກຸ່ມ ແລະ ການລົງທຶນຈະປະກອບສ່ວນຫັນບັນດາບຸລິມະສິດຂອງ ອາຊຽນ ໃນໄລຍະຈະມາເຖິງ ໃຫ້ປະກົດຜົນເປັນຈິງ, ໃນກອງປະຊຸມສໍາມະນາຄັ້ງນີ້ ຈະມີການສະເໜີ, ສະເໜີແນະກ່ຽວກັບນະໂຍບາຍທີ່ເປັນປະໂຫຍດໃຫ້ແກ່ການເຊື່ອມໂຍງເສດຖະກິດໃນພາກພື້ນ.
            ສ່ວນທ່ານ ເຈິ່ນກວ໊ກແຄ໊ງ ຮອງລັດຖະມົນຕີກະຊວງອຸດສາຫະກໍາ ແລະ ການຄ້າຫວຽດນາມ ໄດ້ເນັ້ນໜັກວ່າ ໃນສະພາບການເພີ່ມທະວີີການອາລັກຂາການຄ້ານັ້ນ, ອາຊຽນ ຕ້ອງເພີ່ມທະວີລັກສະນະເອກະພາບ ແລະ ຮັກສາຄວາມສະໜິດຕິດພັນ ເພື່ອຜ່ານຜ່າສິ່ງທ້າທາຍນາໆປະການ.  
 (ແຫຼ່ງຄັດຈາກ VOV)

ມະຕິເລກທີ 43 ກ່ຽວກັບການຟື້ນຟູເສດຖະກິດ - ສັງຄົມໄດ້ນຳມາເຊິ່ງປະສິດທິຜົນ

ມະຕິເລກທີ 43 ກ່ຽວກັບການຟື້ນຟູເສດຖະກິດ - ສັງຄົມໄດ້ນຳມາເຊິ່ງປະສິດທິຜົນ

ຕອນເຊົ້າວັນທີ 25 ພຶດສະພາ, ສືບຕໍ່ ກອງປະຊຸມສະໄໝສາມັນເທື່ອທີ 7 ຂອງສະພາ ແຫ່ງຊາດຊຸດທີ 15, ບັນດາ ສ.ສ.ຊ ໄດ້ປຶກສາຫາລືຢູ່ຫໍປະຊຸມກ່ຽວກັບບົດລາຍງານຂອງຄະນະຕິດຕາມກວດກາ ແລະ ຮ່າງມະຕິຂອງ ສະພາແຫ່ງຊາດກ່ຽວກັບໝາກຜົນການຕິດຕາມກວດກາຫົວເລື່ອງ “ການປະຕິບັດມະຕິເລກທີ 43 ກ່ຽວກັບນະໂຍບາຍປີການເງິນ, ເງິນຕາເພື່ອໜູນຊ່ວຍໂຄງການຟື້ນຟູ ແລະ ພັດທະນາເສດຖະກິດ - ສັງຄົມ ແລະ ມະຕິຂອງສະພາແຫ່ງຊາດກ່ຽວກັບບາງໂຄງການສຳຄັນຂອງຊາດຮອດທ້າຍປີ 2023”.

Top